Fjallahjólafjör alla helgina

Hjólreiðadeild Vestra stendur fyrir sínu árlega fjallahjólamóti nú um helgina. Bæði verður keppt í fullorðins og barnaflokkum í enduro keppnisgreininni. Mótið er hluti af bikarmótaröð Hjólreiðasambands Íslands.

Gull, silfur og brons á Akureyri

Glaðbeittur hópur Vestrakrakka að loknum keppnisdegi í Hlíðarfjalli síðstliðinn föstudag.

Ísar Logi sigraði U17 og Aron Ýmir var í þriðja sæti.

Sara Matthildur vann U13 flokk stúlkna.

Dagur Ingason sigraði í flokki U13 drengja.

Adrían Uni á verðlaunapalli eftir keppni í fjallabruni á sunnudag þar sem hann endaði í öðru sæti. Hann vann einnig ungdúró U11.

1 af 5

Keppendur Vestra gerðu góða ferð í Hlíðarfjall á Akureyri um síðustu helgi en þar fór fram Íslands- og bikarmót enduro fjallahjólreiðum og fjallabruni. Fimm keppendur Vestra tóku þátt í yngri flokkum enduró keppninnar eða ungdúró. Skemmst er frá því að segja að öll komu þau heim með verðlaun, þrjú gullverðlaun, tvö silfurverðlaun og ein bronsverðlaun.

Lokahóf hjólreiðadeildar fyrir 2024

Hópurinn með Þorgils þjálfara og stjórnarmönnunum Viðari Kristinssyni og Atla Jakobssyni.

Viðar og Þorgils fara yfir hjólaárið 2024.

Fylgst með hjólahetjum í fjallabruni í Tasmaníu.

1 af 3

Á sunnudaginn hélt hjólreiðadeild Vestra skemmtilegt lokahóf fyrir félagsmenn til að fagna frábærum árangri á árinu 2024, en alls lönduðu yngri hjólarar félagsins þremur Íslandsmeistaratitlum.

Þrír Íslandsmeistaratitlar til Vestra

Keppnislið Vestra í ungdúró. Frá vinstri: Ísar Logi Ágústsson, Esja Rut Atladóttir, Sara Matthildur Ívarsdóttir, Dagur Ingason, Þorgils Óttar Erlingsson, þjálfari, Aron Ýmir Ívarsson, Daníel Logi Ævarsson, Julian Númi Bechtloff Heiðarsson og Adrían Uni Þorgilsson.

Helgina 10.-11. ágúst, hélt Hjólreiðadeild Vestra árlegt enduro og ungdúró mót sitt á Ísafirði. Keppendur Vestra stóðu sig með mikilli prýði á mótinu en alls voru 8 Vestra krakkar skráðir til leiks í ungdúró keppninni og 2 fullorðnir í enduro. Krakkarnir stóðu sig frábærlega og skiluðu sér í hús á hvorki meira né minna en þrír Íslandsmeistaratitlar! 

Aðalfundur hjólreiðadeildar Vestra 2024

Aðalfundur hjólreiðadeildar Vestra verður haldinn á morgun, fimmtudaginn 14. mars, kl. 19.30 í Vallarhúsinu á Torfnesi.

Frábært fjallahjólamót!

Vestramaðurinn Aron Svanbjörnsson hafnaði í þriðja sæti í Rafhjólaflokki á eftir þeim Helga Berg Friðþjófssyni og sigurvegaranum Karli Lilliendahl Ragnarssyni.

Það var mikið fjör á Seljalandsdal þar sem Ungdúró mótið fór fram!

1 af 2

Enduro- og Ungdúrómót Hjólreiðadeildar Vestra fóru fram í blíðskaparveðri um helgina á Ísafirði. Mótið var tvískipt þar sem fullorðnir og ungmenni kepptu á föstudag og laugardag en börnin fengu að njóta sín á sunnudaginn.

Fjallahjólaveisla á Ísafirði

Í dag kl. 17:00 hefst fjallahjólaveisla á vegum Hjólreiðadeildar Vestra. Um er að ræða tvær keppnir, fullorðinsmótið Enduro Ísafjörður og barnakeppnin Ungdúró Ísafjörður. Fullorðins keppnin fer fram í dag og á morgun en barnakeppnin fer fram á sunnudag.

Ný stjórn hjólreiðadeildar Vestra

Á aðalfundi hjólreiðadeildar Vestra, þann 7. mars síðastliðinn, var ný stjórn kosin til starfa.

Aðalfundur hjólreiðadeildar 2023

Hjólagarður

Hjólagarður Vestra vígður sl helgi að viðstöddu miklu fjölmenni. Í hjólagarðinum er ný hólabraut eða pumpubraut. Það tók um 2-3 vikur að leggja brautina og var það gert í sjálfboðaliðavinnu undir stjórn Ólivers Hilmarssonar. Hjólreiðadeild Vestra lögðu ófáir verkinu lið með því að leggja til aðstöðu, tæki og mannskap. Foreldrar voru dugleg að mæta og taka þátt í undirbúningnum. Guðmundur Kr. Ásvaldsson var löngum stundum á gröfu sinni við verkið og Ágúst Atlason styrkti framtakið með efniskaupum. 

Hólabraut eða pumpubraut er þannig gerð að unnt er að fara brautina með því að nýta sér hólana til þess að ná ferð og komast áfram án þess að stíga hjólið og listin felst í því að ná færni á því sviði.

Það verður gaman að fylgjast með ásókninni í garðinn og sjá hann vaxa í framtíðinni.