Snerpa og Körfuknattleiksdeildin endurnýja samstarfssamning

Ingólfur Þorleifsson og Jakob Einar við undirritun samningssins.

Til marks um langt og farsælt samstarf Snerpu og körfuboltans á Ísafirði birtum við hér til gamans mynd frá árinu 2000 þegar Jakob Einar Úlfarsson opnaði nýja heimasíðu KFÍ með viðhöfn á fyrirtækjasýningu á Torfnesi.

1 af 2

Í hálfleik á fyrsta heimaleik Vestra í 1. deildinni gegn Snæfelli síðastliðinn föstudag var undirritaður endurnýjaður samstarfssamningur Körfuknattleiksdeildar Vestra og tölvu- og netþjónustufyrirtækisins Snerpu á Ísafirði. Snerpa hefur um árabil staðið þétt við bakið á körfuboltanum á Ísafirði en samstarf þessara aðila má rekja u.þ.b. tvo áratugi aftur í tímann. Það er því sérstaklega ánægulegt að endurnýja samstarfið og þakkar stjórn Körfuknattleiksdeildar Vestra Snerpu kærlega fyrir stuðninginn í gegnum tíðina og hlakkar til áframhaldandi samstarfs.

Það voru þeir Jakob Einar Úlfarsson, sölu- og þjónustustjóri Snerpu og Ingólfur Þorleifsson formaður Kkd Vestra sem undirrituðu samninginn.