4 vikur eftir - Skúrverjar enn efstir

Getraunir | 08.04.2021

Árangur Vestfirskra tippara var rýr um liðna helgi.  Fjórar ellefur sáust sem skiluð alveg kr. 410 í vinningsfé hver.  Efstu liðin HG og Skúrinn náðu 11 réttum og er staðan því óbreytt á toppnum.  Jói Torfa sækir á en hann var einmitt einn af þessum sem náðu 11 réttum.

Team Skúrinn situr enn á toppnum með þriggja stiga forystu á HG sem er með 5 stiga forystu á Hampiðjuna og Villa nú þegar við erum búin að draga 2 vikur frá.  4 vikur eftir af leiknum.

Annars má sjá árangur keppenda og stöðuna í leiknum hér.    Vorleikur er 17 vikna leikur, 14 bestu telja.

Stóri pottur náði einnig 11 réttum sem skilaði heilum kr. 410 í vinning sem er nú ekki gott þegar miðinn kostaði kr. 61.000.  Þetta er lognið fyrir storminn, styttist í stóra vinningin.

Næsti seðill er snúinn venju samkvæmt, 2 leikir úr efstu deild, 10 úr þeirri næstu og einn frá Svíþjóð.  Næsta seðil má finna hér.

Nú er komin sumartími í Evrópu og verðum við því klukkutímanum fyrr á ferðinni,  verðum í Skúrnum á laugardaginn frá 11 - 12.30 að taka við röðum. 

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra.

Enski boltinn verður í beinni hjá Dóra, sjá hér á síðu Símans hvað verður í boði

Deila