Getraunstarfið loks í gang

Sumarið var óvenju langt að þessu sinni en nú er getraunanefndin loksins tilbúin.

Verðum með einn leik að þessu sinni, sameinum haust og vorleikinn í einn stóran 29 vikna leik. 27 bestu vikurnar telja, má henda út tveimur vikum.

Stóri potturinn verður á sínum stað.

Team Getspakir sigraðu í tippleik 2024, þeirra annar sigur, Skúrverjar hafa sigrað oftast, alls þrisvar sinnum.

Tippleikur 2025 verður 12. tímabilið sem getraunaleikur Vestra er í gangi.  Yfirlit yfir sigurvegarí Getraunaleik Vestra frá upphafi má nálgast hér:

Stöðuna hverju sinni má síðan finna hér.

Tippnefndin reiknar með sömu liðum og verið hafa, reiknum einnig með sömu áksrifendum í stóra potti og verið hafa.  Menn beðnir að senda póst á getraunir@vestri.is vilji þeir breyta.  

Ný lið eru að sjálfsögðu velkomin sem og fleiri og stærri framlög í stóra pott.  Allt er þetta jú gert í þágu Íþróttafélagsins Vestra, félagsins okkar.

Nefndin verður á sínum stað í Skúrnum alla laugardaga að taka við röðum.

Team Getspakir sigruðu í tippleik 2024 með yfirburðum

Einn leikur var þannan veturinn í getraunaleik Vestra.  26 vikna leikur.

Team Getspakir höfðu sigur með nokkrum yfirburðum, enduðu veturinn með 252 stig, 10 stigum meira en Team HG sem enduðu í öðru sæti.

Lokastöðuna má finna hér.

Þetta er 2. sigur Getspakra frá upphafi, Hampiðjan og Skúrinn enn sigursælust frá upphafi.

Listann yfir sigurvegara sögunnar má nálgast hér.

Áhugasamir geta sent raðir áfram á Guðna og Krissa næstu vikur og stóri pottur verður keyrður eitthvað áfram.

Gleðilegt sumar

Áfram Vestri

Team Sjálfval efstir

Eftir tvær vikur er Team Sjálfval á toppnum, sýnir hvað sérfræðingar vita mikið.

Stöðuna hverju sinni má sjá hér.

Seðil hverrar viku er síðan hægt að nálgast hér á 1x2.is.

Tippnefndin verður alla laugardaga í Skúrnum hjá Dóra frá 11.30 - 14.00 að taka við röðum.

Boltinn alltaf í beinni, hér má sjá hvað er á dagskrá hverju sinni hjá Dóra.

Áfram Vestri

Getraunastarfið loksins í gang

Sumarið var óvenju langt að þessu sinni en nú er getraunanefndin loksins tilbúin.

Verðum með einn leik að þessu sinni, sameinum haust og vorleikinn í einn stóran 26 vikna leik. 24 bestu vikurnar telja, má henda út tveimur vikum.

Stóri potturinn verður á sínum stað.

Team HG sigraði í vorleik 2023, þeirra annar sigur, Skúrverjar hafa sigrað oftast, alls þrisvar sinnum.

Tippleikur 2024 verður 11. tímabilið sem getraunaleikur Vestra er í gangi.  Yfirlit yfir sigurvegarí Getraunaleik Vestra frá upphafi má nálgast hér:

Stöðuna hverju sinni má síðan finna hér.

Tippnefndin reiknar með sömu liðum og verið hafa, reiknum einnig með sömu áksrifendum í stóra potti og verið hafa.  Menn beðnir að senda póst á getraunir@vestri.is vilji þeir breyta.  

Ný lið eru að sjálfsögðu velkomin sem og fleiri og stærri framlög í stóra pott.  Allt er þetta jú gert í þágu Íþróttafélagsins Vestra, félagsins okkar.

Nefndin verður á sínum stað í Skúrnum alla laugardaga að taka við röðum.

Nefndin

Team HG sigra vorleik 2023

Tema HG unnu með yfirburðum, enda með 145 stig, næstur koma Getspakir 4 stigum á eftir.

Lokastöðuna má sjá hér 

Listi yfir sigurvegara frá upphafi verið uppfærður, HG komnir með 2 sigra, sjá hér

Getraunir þá komnar í sumarfrí, áhugasamir geta enn sent inn raðir, passa að gera það tímanlega.

Stóri pottur verður keyrður eitthvað áfram

Vorleikur 2023 i gang

Vorleikur 2023 hefst á laugardag.  Vorleikur verður 15 vikna leikur, bestu 14 vikur telja.

Stöðuna hverju sinni má sjá hér

Eins og nú þegar hefur komið fram sigruð Getspakir haustleik 2022, þeirra fyrsti sigur.

Vorleikur 2023 verður 10. tímabilið og því ekki seinna vænna að taka saman yfirlit yfir sigurvegar í Getraunaleik Vestra frá upphafi.  Yfirlitið má nálgast hér:

Sigursælustu liðin frá upphafi er

Team Skúrinn 3

Team Hampiðjan 3

HG og Getspakir unnið einu sinni og svo vann Krissi fyrsta leikinn.  Það var áður en menn fóru að hópast í lið.

Úrslit úr hverri keppni má svo nálgast hér á síðunni undir skrár.

Getspakir unnu haustleik 2022

Kom að því að Getspakir ynnu getraunaleik.  Eftir nokkrar tilraunir tókst það nú loksins.  Unnu haustleik 2022 með tveggja stiga mun, náðu alls 106 stigum en Skúrverjar komu næstir með 104 stig, gáfu eftir á lokakaflanum.  Hampiðjumenn urðu svo í þriðja sæti, jafnir HG en náðu fleiri 12 réttum, Team Sjálfval ráku svo lestina með 102 stig ekki nema einu stig á eftir HG og Hampiðju.

Skúrverjar áttu séns en einu stigi munaði á liðunum fyrir lokaumferðina en Villi Matt sigldi þessu heim með góðri 10 í lokaumferðinni.

Getraunir taka sér frí næstu tvær helgar, höldum jól og fögnum nýju ári.  Vorleikur 2023 hefst síðan laugardaginn 7. janúar.  Vorelikur verður 15 vikna leikur, bestu 14 vikur telja.

Lokastöðuna má sjá hér:

Getraunaleikur Vestra, haustleikur 2022.pdf

Getraunastarfið í gang

Þá er loksins komið að því.  Getraunastarf Vestra hefst formlega með haustleik 2022.  Leikum 11 vikur, 10 bestu vikurnar telja.

Hampiðjan vann Vorleikinn með minnsta mun, lokastöðuna má finna hér.   

Stöðuna í haustleik 2022 hverju sinni má nálgast hér.

Reiknum með að lið mæti tvíefld til leiks og vonandi mæta ný lið, tipparar beðnir um að láta orðið berst, allt er þetta jú til styrktar Vestra.

Stóri potturinn verður á sínum stað, hendum í stóran stóran pott, nýtum eitthvað af fríröðum okkar, allir velkomnir í stóra pottinn.  Reiknum með að allir hluthafar haldi áfram, þeir sem ekki vilja vera með láti sérstaklega vita, þögn sama og samþykki.

Seðil vikunnar hveju sinni  má finna hér.  

Nefndin verður á sínum stað í Skúrnum á laugardaginn að taka við röðum. 

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra.

Enski boltinn verður í beinni hjá Dóra, sjá hér á síðu Símans hvað verður í boði

Hampiðjan sigurvegari vorleiks 2022

Hampiðjan heldur sigurgöngu sinni áfram, unnu báða leiki vetrarins, hausteikinn 2021 og vorleikinn 2022.

Sigurinn í vorleiknum getur þó ekki verið naumari en Hampiðjan vann með minnsta mun eða einu stigi.  Kláruðu mótið svo sannarlega ekki með glæsibrag, náðu 8 stigum í lokaumferðinni á meðan Skúrinn náði 11.  Með þessum árangri skutust Skúrverjar í 2. sætið þar sem þeir náðu fleiri tólfum en Team HG.  Svo koma Team Getspakir einu stigi þar á eftir.

Annars má sjá lokastöðuna í leiknum og árangur liða hér 

Húspotturinn stóð sig ágætlega, náði 5 X 11 réttum og fjölmörgum tíum sem einnig skiluðu vinningi, samtals vinningur kr. 43.400 sem er rúmlega 50% af kaupverði miða, eitthvað upp í kostnað.  Vorum bara með einn leik rangan en kerfið hélt ekki.

Nú er getranaleikurinn kominn í sumarfrí en áhugasamir geta sent áfram inn raðir á netfangið getraunir@vestri.is eða í skilaboðum á Krissa eða Guðna.  Stóri pottur verður einnig keyrður eitthvað áfram.

Næsti seðill verður eflaust snúinn venju samkvæmt en hann mun koma í ljós væntanlega á miðvikudag, yfirliett birtur þá,  seðilinn má finna hér. 

Alltaf beinar útsendingar í Skúrnum hjá Dóra, sjá hér á síðu Símans og hér hvað er á Stöð tvö sport.

Hampiðjan að sigla þessu heim - Ein vika eftir af leiknum

Getspakir voru eina liðið sem náði 12 réttum um liðna helgi og laga með því stöðu sína, vinna sig upp úr botnsætinu.

Hampiðjan stígur hins vegar ekki feilspor og lítið sem ekkert sem getur komið í veg fyrir sigur þeirra í vorleiknum nú þegar bara ein vika er eftir af leiknum.  Þeir sitja enn á tveggja stiga forystu á næsta lið HG menn.

Annars má sjá stöðuna í leiknum og árangur liða hér 

Húspotturinn stóð sig ekki vel, náði ekki nema 10 réttum sem skiluðu heilum 1.000 kr. í  vinning, gengur betur næst.

Næsti seðill verður eflaust snúinn venju samkvæmt en hann mun koma í ljós væntanlega á miðvikudag, yfirliett birtur þá,  seðilinn má finna hér. 

Nefndin verður á sínum stað í Skúrnum á laugardaginn frá 11 - 12.30 að taka við röðum, kominn sumartími í Englandi.

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra

Alltaf beinar útsendingar í Skúrnum hjá Dóra, sjá hér á síðu Símans og hér hvað er á Stöð tvö sport.