Skúrinn gefur eftir - Gísli Jón og Magnús Bjarna bestir

Getraunir | 17.11.2021

Liðin helgi var snúin.  Stórliðin náðu 10 réttum nema hvað Skúinn náði ekki nema 9 og er því einu stigi á eftir HG og Hampiðjunni í toppbaráttunni.

Gísli Jón Hjaltason og Magnús Bjarnason stóðu sig manna bestu og náðu báðir 11 réttum sem skilaði Magnúsi tæpum 15.000 í vinningsfé og Gísla kr. 10.000, Maggi var með tvær raðir með 11 réttum og fleiri tíur en Gísli, vel gert Maggi.  Hér fara menn sem hafa greinilega vita á alþjóðaboltanum.

Villi Matt stendur sig best í einstaklingskeppninni, kominn með þriggja stiga forystu á næsta mann  og ekki nema þremur stigum  á eftir Skúrnum.

Annars má sjá stöðuna í leiknum og árangur keppenda    hér 

Stóri pottur náði einnig 11 réttum sem skiluðu ekki nema  kr. 4.500  í vinning, styttist í þann stóra.

Næsti seðill snúinn venju samkvæmt, sexleikir úr efstu deild og sjó úr þeirri næstu, seðilinn má finna hér. 

Nefndin verður á sínum stað í Skúrnum á laugardaginn frá 12 - 13.30 að taka við röðum.  Ath!  Nú er kominn vetrartími í Englandi og því færist allt aftur um eina klst.

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra

Enski boltinn verður í beinni hjá Dóra, sjá hér á síðu Símans hvað verður í boði.

Deila