Íslandsmeistaratitill í CX hjólreiðum

Hafsteinn á palli

Hafsteinn gefur ekkert eftir

María Ögn grjóthörð

1 af 4

Nýtt keppnistímabil í hjólreiðum 2020 hófst á helginni með Íslandsmeistaramóti í cyclocross (CX), okkar fólk mætti að sjálfsögðu til leiks. María Ögn sigraði kvennaflokkin örugglega og landaði Íslandsmeistaratitli í CX hjólreiðum. Hafsteinn var annar í karlaflokkinum. 

Í CX keppni er keppt í þrautabraut þar sem keppendur hjóla í hring í 60 mín. Í CX brautinni eru ýmsar hindranir lagðar fyrir keppendur, í þessari keppni þurfti meðal annars að hjóla  upp tröppur, yfir druma, hlið, og sandpitti. Hér er flott myndband frá keppninni sem lýsir keppninni vel. 

María Ögn og Hafsteinn gengin til liðs við Vestra  

María Ögn í XC braut Ísfirðinga

Hafsteinn í XC braut Ísfirðinga

María Ögn í XC braut Ísfirðinga

1 af 3

María Ögn Guðmundsdóttir og Hafsteinn Ægir Geirsson margfaldir Íslands - og bikarmeistara í hjólreiðum eru gengin til liðs við Vestri. María og Hafsteinn eru meðal sterkasta hjólafólks í landinu. 

María Ögn er fædd og uppalinn á Ísafirði, dóttir Sigrúnar Halldórsdóttur og barnabarn Dúdda Hall.  María Ögn er harðkjarna íþróttamaður og hefur alltaf viljað fara hratt. Hún æfði skíði að kappi með SFÍ í 14 ár og og varð 11 ára Andrésarmeistari í stórsvigi.  

Hafsteinn er úr 101, Skerjarjafirði, byrjaði í siglingum í Nauthólsvík og æfði íshokkí í 6 ár. Hafsteinn hefur tvisvar keppt í siglingum á ólympíuleikunum. 

Enduró - Fjallahjólamót.

Berglind Aðalsteinsdóttir sigurvegari í kvennaflokki 2018

1 af 4

Vestri hjólreiðar heldur seinna fjallahjólamót sumarsins næstkomandi laugardag, í þetta skiptið er keppnin sett upp í Enduró formi og eru 82 keppendur skráðir til leiks. Þessi tegund fjallahjólreiða er vinsælust meðal félagsmanna Vestra.

Mótið snýst aðalega um að eiga góðan dag á fjöllum með skemmtilegu fólki. Dagleiðin er ca. 25 km og er aðeins tímataka á hluta brautarinnar, þann hluta sem felur í sér mestu brekkurnar niður á við. En keppendur koma sér með eigin orku milli tímatökusvæða, t.d. með því að labba með hjólið upp á Hnífafjall og hjóla upp á Sandfellið. Keppnin er því töluvert púl ekki bara keppni í að láta sig renna niður brekku....

Vestri hjólreiðar á hjólahelgi fyrir norðan

Kata þeysist af stað

Siggi á fullri ferð í átt að gullinu.

1 af 2

Hjólreiðahelgi Greifans var haldin á Akureyri síðastliðna helgi. Hátíðin var glæsileg að vanda með mörgum fjölbreyttum hjólreiðaviðburðum og átti Vestri fimm þáttakendur á helginni.  

Sigurður og Katrín Ólafsbörn tóku þátt í barna- og unglingamóti í XC fjallahjólreiðum og landaði Sigurður fyrsta sætinu í flokki 9-10 ára drengja. Þrír keppendur Þórdís, Heiða og Ólafur tóku þátt í Enduró fjallahjólamóti og Fjallabruni.

Fjallahjólamót upp á dal

Vestri hjólreiðar hélt Íslandsmeistaramót í Ólympískum fjallahjólreiðum (XCO) síðastliðinn sunnudag.

Mótið var haldið í nýrri hjólabraut upp á Seljalandsdal. XCO er ólympísk keppni í fjallahjólreiðum og krefst þess að keppendur hafi bæði tæknilega getu til þess að hjóla ákveðna leið og úthald til þess að hjóla í ca 90mín en hjólaðir eru nokkrir hringir í brautinni og ræðst hringjafjöldi af hraðasta keppanda í hverjum flokk.

Aðstaðan upp á Seljalandsdal er með eindæmum góð, það er góð er yfirsýn yfir keppnisbrautina frá gönguskíðaskálanum og öll aðstaðan í skálanum til fyrirmyndar. Keppnir sem þessar eru mjög áhorfendavænar þar sem hjólaðir eru margir hringir í brautinni sem liðast um svæðið í hlykkjum, lúppum og allskonar krúsídúllum.  

Heilt yfir voru keppendur ánægðir með brautina og vilja ólmir að sambærileg keppni verði haldin að ári. Útslit má sjá hér https://timataka.net/xcoislandsmeistaramot2019/

Sigurvegar í Elite kvk og elit KK voru eftirfarandi:

Ingvar Ómarsson                  01:19:10

Hafsteinn Ægir Geirsson        01:19:38

Bjarki Bjarnason                   01:24:27

María Ögn Guðmundsdóttir   01:22:29

Karen Axelsdóttir                  01:26:44

Kristín Edda Sveinsdóttir      01:32:54

Staðfest úrslit má sjá hér 

Aðstandendur keppninnar eru nokkuð ánægðir með framkvæmdina enda fyrsta sinn sem þeir koma að svona móti. Við erum gríðarlega þakklát fyrir þá miklu samvinnu sem var í gangi, þar sem allir voru boðnir og búnir til að koma að mótinu með einum eða öðrum hætti, því langar okkur að senda þakkir á her þrautþjálfaðra sjálfboðaliða sem stóð þétt við bakið á stjórnarmönnum Vestri – hjólreiða. 

Opið Vestfjarðamót barna og unglinga var haldið strax á eftir Íslandsmeistaramótnu í ólympískum fjallahjólreiðum.

Hjólaður var ca 2km hringur á svæðinu og fóru allir sem enn á góðum tíma í gegnum brautina.  

Keppendur á mótinu voru aðalega ungmenni héðan af svæðinu og er greinilegt að framtíðin á fjallahjólasportinu er björt hérna fyrir vestan.

Vegleg verðlaun voru í boði fyrir fyrstu sætin en við viljum þakka

Púkanum, Hamraborg, Ísafjarðarbíó, Bobba í Craftsport,sérstaklega fyrir stuðninginn á Unglingamótinu.Einnig viljum við þakka Ísafjarðarbæ, Fossavatnsgögnuna, SFÍ, Skíðasvæði Ísafjarðar, Bakaranum, Nettó og síðast en ekki síst þeim keppendum sem hjóluðu fyrir okkur hin eins og enginn hafi verið Vesturgatan.

Ólympísk fjallahjólakeppni á nýrri og spennandi braut á Ísafirði 

Hér hjólar Hólmfríður Vala niður Múlann.

Félagsmenn Vestra hjólreiða eru í óðaönn að undirbúa Íslandsmeistaramót í ólympískum fjallahjólareiðum (XCO) í samstarfi, og að beiðni, Hjólreiðasambands Íslands, sem haldið verður 21. júlí n.k. Mótið verður haldið upp á Dal, í nýrri fjallahjólabraut á Seljalandsdal, og er brautin orðin klár. Brautin er unnin í samstarfi við Skíðasvæði Ísafjarðar og að hluta til á grunni skíðagöngubrautarinnar á Seljalandsdal. Það er því skemmtilegt að sú útivistarparadís fái meiri notkun allt árið. 

Brautin er rúmlega 4 km löng og hjóla keppendur mismarga hringi eftir flokkum. Ólympisk fjallahjólakeppni (XCO) snýst um að keppendur hjóli nokkra hringi í fjallahjólabraut, fjöldi hringja er áætlaður út frá hraðasta keppanda en sá keppandi ætti að hjóla í ca 90mín. Keppnin er útsláttarkeppni og detta keppendur út þegar þeir eru hringaðir af öðrum keppanda í sama flokki.

Keppnin er sérstaklega áhorfendavæn og verður mikið lagt upp úr stuði og stemmingu á dalnum.

Strax eftir Íslandsmeistaramótið verður ekki síður mikilvæg keppni en þá verður opið Vestfjarðamót barna og unglinga í fjallahjólreiðum.

Eins og Ísfirðingar hafa tekið eftir hefur mikil uppbygging í fjallahjólaleiðum í Tungudal og á Seljalandsdal nýir fjallahjólastígar eru að taka á sig mynd. Stígarnir taka allir nöfn frá örnefnum á svæðinu, svo sem Hnífarnir, Bunan, Tungan og Múlinn. Stígarnir hafa allir verið unnir í sjálfboða vinnu og öll hjálp er mjög vel þegin við áframhaldandi vinnu og að hjóla þá til. Þeir sem hafa áhuga á að koma að leggja málefninu lið get lagt inn á félagið í gegnum Aur á símanúmerið 849-9111.

Hjólaþyrstir hafa í nægu að snúast og hvetjum við ykkur öll til að fylgjast með eða taka þátt í Íslandsmótinu, Vestfjarðamótinu eða Skálavíkurhjólreiðunum og Vesturgötunni sem Hlaupahátíðin stendur fyrir. 

Við erum farin að hlakka til helgarinnar og vonandi þið líka.

#fjallahjólabærinn #vestrihjol

Samhjól

Vestri hjólreiðar stendur fyrir samhjóli miðvikudaginn 19. Júní kl 18:15, mæting á hjólaplanið (Gamal KNH planið fyrir neðan Grænagarð).

Samhjólið er fyrir fólk sem langar að hreyfa sig í góðum félagsskap,

Alls ekki vera feimin við að mæta, hver og einn getur hjólað á sínum hraða

Sumarnámskeið

Hjólanámskeið Vestri

Barna og unglinganámskeiðin fyrir 9-15 ára eru frá kl 17-18:00 á mánudögum og miðvikudögum í Júní. Skipt verður í hópa eftir aldri og getu.

Námskeiðið stendur yfir frá 12.júní - 01. júlí. Samtals 5 skipti ( 17.júní eru frídagur)

Helstu námsþættir , staða á hjóli, bremsutækni, beiting á hjóli við mismunandi aðstæður

Skráning á námskeiðið fer fram hér 

Námskeiðsgjald er kr. 6.000,- og er greitt inn á reikning félagsins
rn: 156-26-020030, kt. 500119-1870.

Hjólreiðadeild stofnuð

Hjólreiðar eru í mikilli sókn á Íslandi og eru Ísafjörður og nærsveitir ekki undanskildar. Síðustu misseri hefur borið á áhuga á að stofna formlegan félagsskap um íþróttina og þann 5. september komu á þriðja tug hjólreiðamanna saman á Hótel Horni til stofnfundar. Þar var ákveðið sækja um aðild að Vestra og bætast við fjölbreytta flóru undirdeilda félagsins. Á dögunum samþykkti aðalstjórn Vestra umsókn hjólreiðafólksins. Deildin mun starfa undir merkjum almenningsíþróttadeildar þar til hún verður formlega stofnuð á næsta aðalfundi Vestra sem verður haldinn fyrir 31. mars n.k.