Æfingaáætlunin fyrir sumarið 2024 er komin út.

Knattspyrna | 17.05.2024

Æfingaáætlun fyrir yngri flokka knattspyrnudeildar hefur verið gefin út.

Áætlunin miðast við tímabilið frá 04. júní til og með 18. ágúst 2024.

Ætlunin er að vera með eina æfingu á viku í öllum flokkum á Skeiðisvelli í Bolungarvík en aðrar æfingar fara fram á æfingavellinum á Torfnesi.

Við þessa áætlun munu bætast við sérstakar markmannsæfingar og verða þær gefnar út fljótlega.  Markmannsþjálfari verður Brentton Muhammad.

Tæplega 40 iðkendur í 3.-5. flokki hafa nú í maí tekið þátt í fyrstu morgunakademíu Vestra.  Æfingar hafa fram farið tvisvar í viku kl. 06.15-07.15 og eftir þær boðið upp á morgunmat áður en börnin og ungmennin hafa svo farið í skólann.  

Í júlí verður svo knattspyrnuskóli fyrir iðkendur í 6.-7. flokki og er skráning í fullum gangi og fer fram hér

 ÁFRAM VESTRI

Deila