Knattspyrna | 30.09.2010
Stjórn BÍ/Bolungarvíkur sendi frá sér yfirlýsingu nú í morgun.
Stjórn knattspyrnudeildar BÍ/Bolungarvíkur og Alfreð Elías Jóhannsson hafa komist að samkomulagi um að Alfreð láti af störfum sem þjálfari meistaraflokks félagsins. Stjórn BÍ/Bolungarvíkur vill þakka Alfreð vel unnin störf í þágu félagsins og óskar honum velfarnaðar í því sem hann tekur sér fyrir hendur.
"Hvar er hann nú" er liður á bibol.is þar sem fjallað er um fyrrum leikmenn BÍ/Bolungarvíkur og hvar þeir eru staddir í heiminum í dag. Leikmaðurinn sem fjallað verður um í dag er án efa einn sá umdeildasti sem hefur borið merki sameiginlegs liðs Ísfirðinga og Bolvíkinga, bæði innan vallar sem utan.
Þetta er að sjálfsögðu engin annar en aukaspyrnusérfræðingurinn og miðjumaðurinn litríki Guðmundur Guðjónsson.
Knattspyrna | 21.09.2010
Emil Pálsson, Andri Rúnar Bjarnason og Jónmundur Grétarsson voru í dag valdir í lið ársins í 2. deild. Það var knattspyrnuvefurinn fotbolti.net sem stóð fyrir valinu en það voru þjálfarar og fyrirliðar liðanna sem völdu liðið. Róbert Örn Óskarsson var valinn varamarkvörður fyrir liðið annað árið í röð og Dalibor Nedic var einnig valinn sem varamaður. Goran Vujic var eini leikmaður BÍ/Bolungarvík sem komst í byrjunarliðið í fyrra. Emil og Andri áttu einnig möguleika á að vera valdnir efnilegasti og besti leikmaðurinn en það fór í skaut leikmanna Víkings frá Ólafsvík. Nýkjörin leikmaður ársins, Sigurgeir Sveinn Gíslason, komst ekki í liðið en fékk nokkur atkvæði.
Knattspyrna | 20.09.2010
Sigurgeir Sveinn Gíslason var valinn besti leikmaður BÍ/Bolungarvíkur á lokahófi félagsins. Auk hans fékk Andri Rúnar Bjarnason verðlaun fyrir að vera mikilvægasti leikmaðurinn og einnig markahæstur. Emil Pálsson var valinn efnilegastur annað árið í röð. Um 90 manns sóttu lokahófið sem var hið glæsilegasta og einnig veislustjóri kvöldsins, Kristján Jónsson, sem fór hamförum í veislustjórnun. Ýmsar minni viðurkenningar voru gefnar af leikmönnum tengdum skemmtilegum atvikum sumarsins ásamt því að bæjarstjórn Ísafjarðabæjar afhenti liðinu 100. þúsund króna ávísun vegna árangursins í sumar.
Þá er tímabilið 2010 lokið, leikmenn taka sér örstutta pásu áður en þeir fara að hefja undirbúningstímabilið fyrir 1. deild. Bibol.is mun áfram starfa í vetur og fylgjast með leikmönnum liðsins við æfingar. Búast má við fleiri óvenjulegum og skemmtilegum fótboltafréttum í vetur á meðan beðið er eftir næsta sumri. Ætlunin er að fjölga fréttum, auka gæði fréttanna og bæta mögulega við starfsmanni. Á meðal verkefna í vetur er að skoða þann möguleika að senda beint frá útileikjum liðsins á netinu næsta sumar.
Nánar
Knattspyrna | 16.09.2010
Lokahóf BÍ/Bolugnarvíkur verður haldið næstkomandi laugardag á veitingastaðnum Við Pollinn. Húsið opnar kl. 19:30 og getur fólk nálgast miða á veitingastaðnum Við Pollinn í síma 456-3360. Miðinn kostar 4000 kr. Fólk er hvatt til að koma og samgleðjast árangri liðsins og ljúka núverandi tímabili með stæl.
Nánar
Sportrásin í umsjón Þórðar Þórðarssonar(Doddi litli) var á dagskrá Rás 2 á sunnudagskvöldið. Þar var Doddi að fara yfir úrslit leikja í 2. deild karla og brá heldur betur í brún þegar hann sá úrslitin frá Sandgerði á laugardag. Doddi gaf sér góðan tíma til að fara á ksi.is og fá þetta staðfest því hann hélt að um prentvillu væri að ræða. Í sama þætti fyrr í sumar var Pétur Magnússon í viðtali og sagði Dodda frá okkar mönnum
Knattspyrna | 12.09.2010
BÍ/Bolungarvík fóru til Sandgerðis á laugardaginn til að etja kappi við heimamenn í Reyni. Leikurinn byrjaði fjörlega því Hafþór Agnarsson skoraði sjálfsmark og kom Reyni í 1-0 snemma leiks. Hafþór bætti síðan upp fyrir sjálfsmarkið með flottri sendingu inn á Jónmund Grétarsson sem jafnaði þrem mínútum síðar. Fátt markvert gerðist næstu tuttugu mínúturnar en á 34. mínútu kom Andri Rúnar BÍ/Bol yfir, 1-2 með glæsilegu skoti. Eftir þetta hófst klukkutíma markaveisla þar sem BÍ/Bolungarvík skoraði átta mörk í viðbót og sundurspilaði lið Reynis hvað eftir annað. Leikurinn endaði 4-10 þar sem markvörður Reynis fékk rautt spjald þegar um hálftími var eftir og Andri Rúnar skoraði úr vítaspyrnu strax á eftir. Andri skoraði 3 mörk, Jónmundur 2, Dalibor, Emil, Milan, Pétur Geir og Addi allir með sitt markið hvor. Andri Rúnar er markahæsti leikmaður 2. deildar með 18 mörk í 21 leik. Jónmundur Grétarsson hefur leikið 10 leiki og skorað 10 mörk með BÍ/Bolungarvík frá því hann kom til liðsins í félagaskiptaglugganum í júlí.
Síðasti leikur tímabilsins er heimaleikur á næstu helgi gegn efsta liði deildarinnar, Víking frá Ólafsvík. Þeir hafa fyrir þó nokkru tryggt sér sigur í deildinni og stefna á að reyna setja íslandsmet í stigafjölda. Leikurinn hefur þess vegna litla þýðingu fyrir bæði lið þar sem þau eru bæði kominn upp um deild. Um kvöldið mun BÍ/Bolungarvík halda lokahóf en greint verður nánar frá því seinna í vikunni.
Nánar
Knattspyrna | 11.09.2010
BÍ/Bolungarvík fer í heimsókn til Sandgerðar í dag og mætir þar heimamönnum í Reyni. Þeir komu vestur um miðjan júlí þar sem við höfðum betur í þeim leik, 2-1. Reynismenn eru um miðja deild og hafa verið að spila ágætlega á köflum en vantað stöðugleika. Þeir skiptu um þjálfara á miðju tímabili og við skútunni tók hinn þaulreyndi Kjartan Másson. Það er önnur saga að segja frá okkur því eins og flestir vita tryggði liðið sér annað sætið í seinustu umferð. Deildin mun síðan enda 18. september þegar við fáum efsta liðið, Víking Ólafsvík, í heimsókn vestur. Leikurinn í Sandgerði efst kl. 14.
Nánar
Knattspyrna | 06.09.2010
Æfingatími 7. flokks breytist í dag en æfingarnar, sem voru á miðvikudögum og föstudögum, verða framvegis á mánudögum og miðvikudögum kl. 13-14. Fyrst um sinn verða æfingarnar á gervigrasinu við Grunnskólann, en munu síðan færast inn í íþróttahúsið við Austurveg þegar veður fer að versna. Þá munu þessir æfingatímar halda sér svo að ekki ætti að verða neitt rask á því fyrir krakkana.
Nánar
BÍ/Bolungarvík vann í gær lið Víðis frá Garði 4-2 á Skeiðisvelli. Jónmundur Grétarsson skoraði tvö mörk og bræðurnir Andri og Óttar sitt markið hvor. Með sigrinum tryggði liðið sér endanlega annað sæti deildarinnar og þar með þáttökurétt í 1. deild að ári. Margt fólk mætti á leikinn og þegar dómarinn hafði flautað til leiksloka brutust út mikil fagnaðarlæti meðal leikmanna og stuðningsmanna liðsins og voru blys tendruð í lok leiksins upp í brekku.
Þar með er ljóst að við erum að fara fá gömul stórveldi í heimsókn hingað vestur næsta sumar og strákarnir spila á ekki ómerkari völlum heldur en Valbjarnarvelli og Akranesvelli.