6 og 7. flokkar drengja á TM mótinu í Garðabæ um sl helgi

1 af 3

Drengir í 6.-7. flokki hjá Vestra tóku þátt í TM móti Stjörnunnar í Garðabæ um sl helgi.

Drengirnir í 7. flokki spiluðu á laugardaginn og drengirnir í 6. flokki í gær, sunnudag.

Á þriðja þúsund drengir tóku samtals þátt í mótinu og má segja að TM mót Stjörnunnar sé fyrsta stórmót sumarsins fyrir yngstu iðkendurna. En mótið er haldið ár hvert fyrir iðkendur í 6.-8. flokki.

Næsta sunnudag þ.e. 28. apríl spilar 6.flokkur stúlkna á mótinu og fara Vestra stúlkurnar suður með tvö lið.

ÁFRAM VESTRI!

Staðfest leikjadagskrá yngri flokka

Mótanefnd KSÍ hefur staðfest niðurröðun leikja sumarsins í yngri aldursflokkum.

3.-5. flokkur drengja og stúlkna taka þátt í Íslandsmóti yngri flokka og eru leikir þessara flokka allir komnir inn á vefinn fyrir utan leiki 3. flokks drengja hvar þeir hefja leik í svokallaðri lotu 2 sem liggur ekki fyrir fyrr en í maí.

Hér er hlekkur hvar er dagskrá allra leikja í Íslandsmótinu 2024.

ÁFRAM VESTRI!

Tilboð á peysum hjá Jakosport

Nú stendur yfir tilboð á peysum hjá Jakosport.

Hægt er að versla á netinu og er vefslóðin hér og einnig í verslun Jakosport við Krókháls 5F í Reykjavík.  Tilboðin standa á meðan birgðir endast.

Vestri leitar að þjálfara fyrir yngri flokka félagsins

Vestri leitar að þjálfara fyrir yngri flokka félagsins.

Um er að ræða fullt starf.

Hæfniskröfur.

Hreint sakarvottorð.

Mikill áhugi á knattspyrnu og þjálfun.

Hæfni í mannlegum samskiptum.

Viðeigandi þjálfaramenntun.

Við umsóknum tekur Heiðar Birnir yfirþjálfari á netfangið heidarbirnir@vestri.is fyrir 20. apríl nk.

Leikjaniðurröðun hjá yngri flokkum bráðum staðfest

Leikir í yngri flokkum í Íslandsmótinu 2024 verða staðfestir í lok næstu viku.

Í yngri flokkum Vestra taka 3.4.og 5. fl drengja og stúlkna þátt í Íslandsmótinu.

Á dögunum gaf KSÍ út drög að leikjaniðurröðun og fengu félögin tækifæri til að koma með sínar athugasemdir. Þegar verður búið að fara yfir þær af hálfu knattspyrnusambandsins verður staðfest lekjaniðurröðun gefin út.

ÁFRAM VESTRI

Æfingar falla niður - Páskafrí hefst í dag.

Vegna ófærðar og snjóflóðahættu verða engar æfingar hjá knattspyrnudeild Vestra í dag.

Barna og unglingastarfið er því komið í páskafrí og hefjum við æfingar að nýju 02. apríl nk.

Við hvetjum alla til að fara varlega í óveðrinu og vonum að allir eigi gleðilega páska.

ÁFRAM VESTRI!

ÁVINNINGUR OG ÁHRIF 1V1 HREYFINGA

1v1 hreyfingar flokkast undir tæknileg atriði en hafa mikil áhrif og eru ávinningur fyrir hina þætti leiksins.

Tilgangur 1v1 hreyfinga er að búa til svæði til að skjóta á mark, senda á félaga eða hlaupa áfram með bolta(fara sjálf(ur)).

En skoðum ávinning og áhrif 1v1 hreyfinga á hina grunnþætti leiksins.

Andlegur þáttur:
 - 1v1 hreyfingar þjálfa sjálfstraust hjá leikmönnum.
 - 1v1 hreyfingar þjálfa einbeitingu hjá leikmönnum. Það þarf einbeitingu til að læra gabbhreyfingar og finna út hvenær á að framkvæma.
 - 1v1 hreyfingar snúast um sköpunarkraft og hafa þær einnig áhrif á hinn andlega sköpunarkraft hjá leikmönnum hvar þær „frelsa hugann” og brjóta niður fyrirstöður sem gætu verið fyrir hendi gagnvart öðrum þáttum leiksins.

Líkamlegur þáttur:
 - 1v1 hreyfingar hafa jákvæð áhrif á samhæfingu, sveigjanleika og jafnvægi hjá leikmönnum.
 - 1v1 hreyfingar vinna að líkamlegu formi leikmanna( með bolta). Mikilvægt er, og þá sérstaklega hjá ungum leikmönnum að allar æfingar séu með bolta og er það stefna Vestra.
 - 1v1 hreyfingar þjálfa upp hraðar fætur hjá leikmönnum og byggja einnig upp vöðva framan og aftan í læri.

Taktískur þáttur:
Gegn vel skipulögðum og öguðum varnarleik eru 1v1 hreyfingar fremsta atriðið sem getur eyðilagt slíkar varnir og leikskipulag. Þannig að 1v1 hreyfingar hafa sérstaklega í nútímanum gríðarleg áhrif á hinn taktíska þátt leiksins.

Pep Guardiola þjálfari Man City hefur látið hafa það eftir sér að bæði í nútið og framtíð eru sterkir leikmenn í 1v1 hreyfingum þeir mikilvægustu í fótboltanum, en þá væri jafnframt erfitt að finna.

Af hverju gæti verið spurt? Ungir leikmenn fá ekki nægilega mikla og góða þjálfun í stöðunni 1v1.  Ávinningur af slíkum æfingum er gríðarlegur og styrkir bæði sóknar og varnareiginleika leikmanna.

Þróunin í þjálfuninni hjá okkur í Vestra er eftirfarandi:
1. Bolti + leikmaður.
2. Bolti + leikmaður + liðsfélagi.
3. Bolti + leikmaður + liðsfélagi + lið.

Ummæli:
„1v1 hreyfingar eru algjör undirstaða sem allir leikmenn verða að læra. Þær eru ekki bara „trix” heldur hafa þær tilgang” - Robin Van Pierse(fyrrum stjörnuleikmaður Hollands, Arsenal og Man Utd).

„Ég vildi óska að ég hefði haft þjálfara í 1v1 hreyfingum þegar ég var yngri. Það hefði klárlega gert mig að betri leikmanni og ég hefði skorað fleiri mörk” - Jurgen Klinsmann( Heimsmeistari 1990 og Evrópumeistari 1996 með Þýskalandi).

ÁFRAM VESTRI!

Síðasti æfingadagur fyrir páska er 22. mars.

Síðasti æfingadagur hjá yngri flokkum knattspyrnudeildar Vestra verður föstudaginn 22. mars.

Fyrsti æfingadagur eftir páska er þriðjudagurinn 02. apríl.

Nú eru öll nýju mörkin komin á gervigrasið á Torfnesi og er það virkilega vel.

Síðustu daga og vikur hefur fjöldinn allur af börnum og ungmennum verið dugleg að koma á gervigrasið fyrir utan hefðbundnar æfingar til að leika sér í fótbolta.

Við fögnum því sérstaklega og hvetjum enn fleiri til að koma.

ÁFRAM VESTRI!

Aðalfundur knattspyrnudeildar Vestra

Knattspyrnudeild Vestra boðar til aðalfundar þriðjudaginn 26.mars klukkan 20:00.

Fundurinn verður haldinn á annarri hæð í Vallarhúsinu á Torfnesi og á dagskrá eru hefðbundin aðalfundarstörf samkvæmt lögum félagsins.

Allt áhugafólk um knattspyrnu á svæðinu er að sjálfsögðu hvatt til að mæta.

Framboðsfrestur til stjórnar rennur út á miðnætti 19. mars, framboðum skal skila til formanns félagsins, Svavar Þór Guðmundssonar á svavarthor@gmail.com

Stjórn knattspyrnudeildar Vestra

William Eskelinen til Vestra

Vestri hefur samið við markvörðinn William Eskelinen. William er stór og reynslumikill markvörður og hefur hann meðal annars leikið í efstu deildum Svíþjóðar, Noregs og Danmerkur. Á síðasta tímabili var William aðalmarkvörður Örebro í Superettan í Svíþjóð. William er væntanlegur til landsins í vikunni og er spenntur að hefja undirbúning fyrir komandi tímabil. Við bjóðum William velkominn og hlökkum til að sjá hann í Vestra treyjunni.

ÁFRAM VESTRI!