William Eskelinen til Vestra

Vestri hefur samið við markvörðinn William Eskelinen. William er stór og reynslumikill markvörður og hefur hann meðal annars leikið í efstu deildum Svíþjóðar, Noregs og Danmerkur. Á síðasta tímabili var William aðalmarkvörður Örebro í Superettan í Svíþjóð. William er væntanlegur til landsins í vikunni og er spenntur að hefja undirbúning fyrir komandi tímabil. Við bjóðum William velkominn og hlökkum til að sjá hann í Vestra treyjunni.

ÁFRAM VESTRI!

ÞRJÚ STIG

Í æfinga og kennsluáætlun Vestra leggjum við áherslu á einstaklingsmiðaðar æfingar og leikæfingar í smáum hópum. Æfingar eru leikgrænar með auknu erfiðleikastigi og hjálpa þannig leikmanninum að þjálfa með sér leikskilning og getu til ákvarðanna við síbreytilegu ástandi leiksins.

Grunnurinn að þessu er grunnfærni einstaklingsins. Fyrir okkur hjá Vestra er grunnfærni einstaklingsins eftirfarandi: 

Fyrsta snerting, móttaka og sending, hlaupa með bolta, 1v1 hreyfngar og klára marktækifæri.

Grunnfærnin er undirstaða þess að hægt sé að þjálfa aðra þætti leiksins. Þess vegna er algjört lykilatriði að æfingar séu uppbyggðar þannig að þær séu leikgrænar með auknu erfiðleikastigi og leikmaðurinn læri að bregðast við og hafi færni til að nýta sér síbreytilegar aðstæður leiksins. 

Við viljum skipta æfingavegferð leikmanna 16 ára og yngri í ÞRJÚ STIG. 

Vegferðin á að vera eftirfarandi að okkar mati: 

Fyrsta stig: 4-6 ára: Þróa með sér fyrstu „færni stigin“: Læra og æfa í gegnum skemmtilega leiki. 

Annað stig: 7-11 ára: Þróa og æfa „grunnfærnina“: Æfa og bæta einstaklinginn. 

Þriðja stig: 12-16 ára: Þróa og æfa „liðsmanninn“: Þróa og æfa árangursríkan leikmann í liði. 

HÉR ER ÆFINGA OG KENNSLUÁÆTLUN VESTRA: 

KNATTSTJÓRNUN: Grunnurinn. 

Fyrsta snerting. Hafa stjórn og sjálfstraust með bolta sem hefur áhrif á alla aðra þætti æfinga og kennsluáætlunarinnar. Þjálfar vinnusemi og sjálfstjórn(bera ábyrgð á sjálfum sér). 

MÓTTAKA OG SENDING: Liðsfærnin. 

Án góðrar færni í móttöku og sendingu eiga leikmenn ekki mikla möguleika. Þjálfar samskipti. 

1v1 HREYFINGAR: Einstaklingsfærni. 

Til að halda leikstöðu og skapa svæði til að skjóta á mark, senda á félaga eða hlaupa með bolta. Þjálfar upp sjálfstraust og sköpunargleði. 

HRAÐI: Hugrænn og líkamlegur hraði. 

Með og án bolta. Taka hlaup. Viðbragð. Ákvörðunartaka. Þjálfar keppnisskap. 

KLÁRUN: Færni til að klára marktækifæri. 

Einbeiting. Tímasetning. Hugrekki. Þjálfar upp ábyrgð. 

SAMSPIL: Allt kemur heim og saman. 

Varnarleikur í smáum hópum. Hraðar sóknir. Samspil. Þjálfar upp liðssamvinnu. 

ÁFRAM VESTRI!

Heimavöllur Vestra verður Kerecisvöllurinn

Frá undirskrift. Frá vinstri: Tinna Hrund Hlynsdóttir, Guðmundur Fertram Sigurjónsson, Jón Hálfdán Pétursson

Kerecis verður aðalstyrktaraðili knattspyrnudeildar Vestra samkvæmt samningi sem tilkynnt var um á Ísafirði
í dag. Kvenna-, karla- og ungmennalið Vestra munu öll leika í búningum merktum Kerecis í sumar og
heimavöllur félagsins hlýtur nafnið Kerecis-völlurinn.

Samúel Samúelsson, stjórnarmaður í knattspyrnudeild Vestra, fagnar samstarfinu og segir stuðninginn
gríðarlega mikilvægan. „2024 er tímamótaár hjá Vestra. Félagið mun leika í efstu deild karla í fyrsta sinn í ár
og jafnframt tefla fram liði í meistaraflokki kvenna í fyrsta skipti síðan 2013. Þá er barna- og ungmennastarfið
í miklum blóma og hér ríkir mikil eftirvænting fyrir sumrinu. Kostnaður vegna alls þessa er verulegur,
sérstaklega vegna ferðalaga, og við erum afar þakklát fyrir veglegan stuðning Kerecis við félagið.“

Guðmundur Fertram stofnandi og forstjóri Kerecis segir að hjarta Kerecis slái á Ísafirði og það sé gaman að
geta lagt knattspyrnudeild Vestra lið. Íþrótta- og æskulífsstarf sé einn af máttarstólpum samfélagsins og
frábær árangur Vestra sé mikil lyftistöng fyrir Vestfirði. „Árangur Vestra er táknrænn fyrir uppganginn á
Ísafirði og nágrenni undanfarin ár. Atvinnulífið blómstrar, íbúum fjölgar og mannlíf dafnar. Allt helst þetta í
hendur og við viljum taka þátt í því að efla samfélagið í okkar heimabæ.”

Hann segir sérstaklega mikilvægt að styðja íþróttastarf á landsbyggðinni, enda sé hrópandi aðstöðumunur í
samanburði við íþróttalið á SV-horninu. „Vestri þarf að ferðast um langan veg í alla útleiki með tilheyrandi
kostnaði og óþægindum fyrir leikmenn, enda eru flugsamgöngur stopular og akleiðin löng. Hér þarf að
stórbæta samgönguinnviði til hagsbóta fyrir mannlíf og atvinnulíf og ætlum við að leggja okkar af mörkum til
að svo verði,“ segir Guðmundur Fertram.

Nánari upplýsingar veitir:
Hrannar Pétursson
s. 666 1000
hpet@kerecis.com

Jako Sport á Ísafirði í dag 20. febrúar

Í dag þriðjudaginn 20.febrúar verður Jako Sport á Ísafirði með afsláttardag fyrir á Vestrafatnaði. Jako Sport verður í íþróttahúsinu á Torfnesi milli 16:00 og 18:00 á þriðjudaginn. 

Gert klárt fyrir æfingar dagsins

1 af 3

Til að geta haldið úti æfingum á nýja gervigrasvellinum á Ísafirði þarf að moka völlinn reglulega.

Eins og allir vita hefur veðrið oft á tíðum ekki verið að leika neitt sérstaklega vel við okkur hér fyrir vestan síðustu misserin.

Við látum það ekki á okkur fá og höfum náð að halda úti æfingum á vellinum í vetur með örfáum undantekningum. Iðkendur og þjálfarar Vestra hafa því lagt ýmislegt á sig til að geta æft úti og eiga sannarlega hrós skilið.  Lykilmaður í að halda vellinum opnum og þar með æfingahæfum er hann Jói vinur okkar, starfsmaður Ísafjarðarbæjar. Við erum heppin að hafa Jóa og erum sannarlega þakklát fyrir hans framlag.

ÁFRAM VESTRI!

Nokkrar myndir frá æfingum

1 af 7

Veðrið hefur verið allskonar í þessari viku.

Við höfum þurft að hliðra aðeins til vegna veðursins hjá sumum flokkum en allt gengið upp samt sem áður.

Nú stefnir í það að við séum að fá fleiri mörk á gervigrasvöllinn á Torfnesi og fyrir því erum við eðlilega spennt.

ÁFRAM VESTRI!

Æfingar í fullum gangi hjá yngri flokkum Vestra í knattspyrnu.

Allar æfingar hafa gengið vel hjá yngri flokkum Vestra í knattspyrnu.

Æfingarnar fara fram á gervigrasvellinum á Torfnesi, íþróttahúsinu á Torfnesi, íþróttahúsinu á Austurvegi, íþróttahúsinu í Bolungarvík og í sjálfu vallarhúsinu á Torfnesi. 

Þannig að æft er á fimm stöðum.

Þetta er það sem þarf til að halda úti því æfingamagni og gæðum sem við viljum gera.

Nú erum við að klára okkar fjórða mánuð í að æfa eftir nýrri æfinga og kennsluáætlun Vestra.  Verður að segjast eins og er að þjálfarar Vestra eiga sannarlega hrós skilið fyrir sína vinnu.   Það er eitt að vera með góða áætlun og æfingar á blaði og annað að framkvæma! Við sjáum það líka á leikmönnum að framfarir eru strax farnar að koma fram og það gefur aukna orku í starfið.

Nú höldum við áfram sem leið liggur með velferð Vestra að leiðarljósi(hraði, hæfni, hreysti, hugur og hyggja).

ÁFRAM VESTRI

Andreas yfirgefur Vestra.

Andreas Søndergaard hefur yfirgefið Vestra, en leikmaðurinn samdi í Nóvember. Andreas bauðst tækifæri til þess að ganga til liðs við flott lið í Danmörku og var erfitt fyrir félagið að standa í vegi fyrir honum. Knattspyrnudeild Vestra óskar Andreas góðs gengis í nýju verkefni og velfarnaðar í framtíðinni.

Íþróttafólk ársins í Bolungarvík og Ísafjarðarbæ 2023

Í gær, laugardag 13. janúar fór fram val á íþróttamanni ársins 2023 í Ísafjarðarbæ og Bolungarvík.

Elmar Atli íþróttamaður ársins í Ísafjarðarbæ

1 af 2

Elmar Atli Garðarsson, fyrirliði meistaraflokks karla í knattspyrnu, var í dag valinn íþróttamaður Ísafjarðarbæjar árið 2023.