Albert Ingi til Bröndby í vikunni

Albert Ingi Jóhannsson leikmaður Vestra mun í vikunni fara til danska stórliðsins Bröndby og æfa í knattspyrnuakademíu félagins.

Albert Ingi er fæddur 2009 og hefur verið í æfingahóp meistaraflokks karla hjá Vestra frá því í haust.  Á dögunum lék hann sína fyrstu leiki með meistaraflokki Vestra gegn FH og Stjörnunni.

Bröndby er eitt allra stærsta félag Danmerkur og þar með Norðurlanda.  Margar af skærustu knattspyrnustjörnum danskrar knattspyrnusögu hafa leikið með Bröndby og má þar nefna bræðurna Michael og Brian Laudrup og markmanninn  Peter Schmeichel.

Það er mikill metnaður í yngri flokka starfi knattspyrnudeildar Vestra.  Æfingar fara fram á mörgum stöðum hér á svæðinu.  2.-4. flokkur kk og kvk æfir eingöngu á gervigrasvellinum á Torfnesi.  5.-8. flokkur kk og kvk æfa í íþróttahúsunum í Bolungarvík, Torfnesi og Austurvegi.  Leikmenn í 2.-4. flokki eru einnig í styrktarþjálfun einu sinni í viku og fara þær æfingar fram í Stöðinni - Heilsurækt. Þegar aðstæður eru þannig að ekki er hægt að æfa á gervigrasvellinum á Torfnesi t.d. vegna klaka þá hafa þessir flokkar ekki tök á að fara inn í íþróttahúsin.  Efri hæðin í vallarhúsinu á Torfnesi hefur þá oft verið nýtt í allskonar liðleika og styrkleikaæfingar.  Einnig hafa leikmenn í þessum flokkum æft í sundlaugunum auk fleirri æfinga í Stöðinni Heilsurækt.

Framtíðin er björt hjá knattspyrnudeildinni, mikill metnaður er bæði hjá iðkendum og öðrum sem að félaginu standa. Síðasta ár hefur mikið verið unnið með ýmsa þætti líkt og hugarfar leikmanna og þjálfara. Ekki síður höfum við unnið að því að setja upp heildrænt æfingaplan sem byrjar í yngstu flokkunum og nær alla leið upp í meistaraflokkana. Aðstöðumálin eru enn mikil áskorun fyrir félagið yfir vetrartímann. Þrátt fyrir miklar endurbætur og uppbyggingu á svæðinu. Vetrar aðstaðan er ennþá nokkuð þung þegar veður og vindar eru okkur ekki í hag. Við bindum miklar vonir við að áfram verði farið í fjárfestingar á svæðinu til að gera íþróttinni kleift að æfa við góðar aðstæður allan ársins hring. 

ÁFRAM VESTRI

Kjör á íþróttamanni ársins fór fram í gær

Opið fyrir umsóknir í Afrekssjóð HSV

Opnað hefur verið fyrir umsóknir í Afrekssjóð HSV.

Samkvæmt reglugerð Afrekssjóðs HSV er markmið sjóðsins að styrkja unga og efnilega íþróttamenn með því að gera eins árs samning við viðkomandi (8. grein) og mun sá samningur gilda fyrir árið 2025.

Einnig er heimilt að úthluta einstaka styrkjum til þeirra íþróttamanna sem ekki falla undir skilyrði til samnings (9. grein) og eru þeir styrkir veittir á grundvelli landsliðsverkefna á árinu 2024.

3. grein Eingöngu iðkendur aðildarfélaga HSV, sem stunda íþróttir sem viðurkenndar eru af Íþrótta- og Ólympíusambandi Íslands (ÍSÍ), geta sótt um styrk úr sjóðnum.

8. grein Meginmarkmið sjóðsins er að styrkja unga og efnilega íþróttamenn sem líklegir eru til að verða afreksmenn í framtíðinni. Sjóðurinn skal ná því markmiði með því að gera eins árs samning við viðkomandi.

9. grein Heimilt er að úthluta úr Afrekssjóðnum einu sinni á ári til þeirra íþróttamanna sem ekki falla undir skilyrði til langtímasamnings.

Umsóknarferlið er eins hvort sem sótt er um að gera samning eða fá einstaka styrki, umsækjandi merkir við hvoru hann sækist eftir.

Umsækjandi sem óskar eftir samningi en fær ekki, mun sjálfkrafa færast yfir í hóp þeirra sem sækja um einstaka styrki.

Umsóknarferlið fer fram í gengum umsóknarform afrekssjóðs HSV.

Umsóknarfrestur er til og með 26. janúar 2025

Síðasti æfingadagur fyrir jól er 15. desember

Síðasti æfingadagur yngri flokka knattspyrnudeildar Vestra verður sunnudagurinn 15. desember nk.

Fyrsti æfingadagur á nýju ári verður mánudagurinn 06. janúar.

 ÁFRAM VESTRI 

6.-7. flokkar drengja og stúlkna voru á knattspyrnumótum um sl helgi

7. flokkur stúlkna

7. flokkur drengja

6. flokkur stúlkna

6. flokkur drengja

6. flokkur drengja

1 af 5

Eins og hefur trúlega ekki farið framhjá neinum sem fylgist með barna og unglingastarfi knattspyrnudeildar Vestra þá er mikið um að vera í leikja og mótahaldi hjá mörgum af okkar flokkum.

Nú um síðastliðnu helgi voru iðkendur í 6.-7. flokki sem eru börn í 1.-4. bekk á tveimur knattspyrnumótum á höfuðborgarsvæðinu.

Annarsvegar tóku 6. flokkar drengja og stúlkna þátt í Jólamóti KIA og Fram í Egilshöll í Reykjavík, og hinsvegar 7. flokkar drengja og stúlkna í KidsCoolmóti Breiðabliks sem fram fór í Fífunni í Kópavogi.

Samtals tóku 5 lið frá Vestra þátt í þessum mótum hvar drengirnir í 6. flokki voru með tvö lið.

Þess má geta að 3 iðkendur úr 8. flokki tóku þátt með 7. flokki og var yngsti þáttakandinn 4 ára :)

Allir okkar krakkar eru sannarlega dugleg að æfa og hafa gríðarlega mikinn áhuga á fótbolta og er framtíðin björt.

Foreldrar iðkenda hjá knattspyrnudeild Vestra er sannarlega duglegur og virkur hópur og m.a. vegna þessa er mögulegt að bjóða börnunum upp á knattspyrnumót á þessum árstíma. 

ÁFRAM VESTRI

3.fl stúlkna og 4. fl drengja komin úr æfinga og keppnisferð

3.flokkur stúlkna

4. flokkur drengja

Heimsókn í höfuðstöðvar KSÍ

Brandon N. Piel og Cloe Hennigan þjálfarar hjá yngri flokkum

1 af 4

Um helgina fóru 3. flokkur stúlkna og 4. flokkur drengja í æfinga og keppnisferð í Kópavog.

Er þetta í annað skipti á þessu ári sem flokkar frá Vestra fara í slíkar ferðir og eru þær í samstarfi við knattspyrnudeild Breiðabliks. Allar æfingar, fyrirlestrar og æfingaleikir fara fram á æfingasvæði Breiðabliks í Kópavogi. Við höfum verið virkilega ánægð með samstarf okkar við knattspyrnudeild Breiðabliks í gegnum tíðina og vonum innilega að það haldi áfram.

Haldið var eldsnemma af stað á föstudagsmorgni og komið heim aftur á sunnudagskvöld(í gær).

Í ferðinni spiluðu bæði lið tvo leiki við lið frá Breiðablik. Það var ein hefðbundin æfing auk liðleikaæfinga, fyrirlestra og heimsóknar í höfuðstöðvar Knattspyrnusambands Íslands hvar Dagur starfsmaður sambandsins kynnti fyrir leikmönnum starfsemina og húsakynnin.   

Ætlunin er að fara í 2 æfinga og keppnisferðir á ári með elstu yngri flokkana og þá í þeim mánuðum sem ekki eru Íslandsmót og að öllu jöfnu fært á milli staða.

ÁFRAM VESTRI 

Mikið er um að vera um helgina hjá yngri flokkum

1 af 2

Það verður mikið um að vera í yngri flokkum knattspyrnudeildar um helgina.

Það verða einir 6 flokkar að spila á höfuðborgarsvæðinu.  3. flokkur stúlkna og 4. flokkur drengja halda í fyrramálið suður í æfingaferð hvar verður æft og spilaðir æfingaleikir á æfingasvæði Breiðabliks í Kópavogi.

Vestri og Breiðablik hafa átt í farsælu og góðu samstarfi undanfarin ár og er þessi ferð liður í því.  Stefnt er að því að elstu flokkarnir fari allt að tvisvar á ári í slíkar ferðir og þá í þeim mánuðum þegar ekki eru leikir í Íslandsmótinu.

6. & 7. flokkur drengja og stúlkna taka þátt í sitthvoru mótinu um helgina.

6. flokkur drengja og stúlkna taka þátt í Jólamóti KIA og Fram í Egilshöll og 7. flokkur drengja og stúlkna taka þátt í KidsCoolshopmóti Breiðabliks í Fífunni.

ÁFRAM VESTRI 

Góð aðsókn á fyrirlestur Elísu Viðarsdóttur

1 af 3

Elísa Viðarsdóttir næringarfræðingur og knattspyrnukona hélt fyrirlestur í gærkvöldi fyrir fullum sal af ungmennum og foreldrum þeirra.

Fræðsla Elísu um tengingar og gildi góðrar næringar við jákvæða frammistöðu í námi, íþróttum og í hinu daglega lífi var virkilega vel tekið og var ljóst á viðstöddum að upplýsingarnar munu koma sér að góðum notum.

ÁFRAM VESTRI

Elísa Viðarsdóttir með fyrirlestur í vallarhúsinu á Torfnesi í kvöld

1 af 2

Elísa Viðarsdóttir fyrrverandi landsliðskona í knattspyrnu og næringarfræðingur verður með fyrirlestur í vallarhúsinu á Torfnesi fyrir leikmenn og foreldra í 2.-4. flokki í kvöld kl. 20.30.

Elísa er með BSc gráðu í Næringarfræði og MSc gráðu í næringar- og matvælafræði auk þess gaf hún út bókina Næringin skapar meistarann árið 2021. Elísa hefur mikla reynslu úr íþróttum þar sem hún hefur spilað fjöldann allan af landsleikjum fyrir Íslands hönd ásamt því að hafa spilað erlendis og verið fyrirliði í Íslandsmeistaraliði Vals.

Elísa hefur mikla reynslu á sviði næringar. Elísa hefur haldið fjölda fyrirlestra fyrir eintaklinga, fyrirtæki og íþróttafélög. Elísa brennur fyrir að hjálpa fólki að ná tökum á næringunni með heilbrigðum hætti.

Albert Ingi valinn til U16 æfinga hjá KSÍ

Lúðvík Gunnarsson, landsliðsþjálfari U16 karla, hefur valið Albert Inga Jóhannsson leikmann Vestra til úrtaksæfinga dagana 26. – 28. nóvember nk.

Albert Ingi er vel að þessu kominn og óskum við honum til hamingju með valið :)

ÁFRAM VESTRI