Góðu ReyCup móti lokið.

1 af 6

3 og 4. flokkar drengja og stúlkna hjá Vestra tóku þátt í hinu árlega ReyCup móti Þróttar í Reykjavík dagana 24.-28. júlí.

Keppt var í 11-manna bolta og voru samtals tæplega 70 iðkendur frá Vestra á mótinu.

Fóru leikirnir fram á æfinga og keppnissvæði Þróttar í Laugardal og Víkings í Safamýri.

Mótið hefur verið haldið síðan árið 2002 og hafa fjölmörg erlend lið tekið þátt í gegnum tiðina.

Nú voru lið frá Bandaríkjunum, Þýskalandi, Afríku, Danmörku og Englandi ásamt íslensku liðunum.

3. flokkur drengja tók þátt í A - liða keppni og eru mörg ár síðan Vestri hefur telft fram liði í þeim styrkileikaflokki.

Drengirnir stóðu sig frábærlega og gerðu sér lítið fyrir og sigruðu sinn riðil.  Voru með 7 stig en í riðlinum voru einnig Keflavík, Grindavík og Grótta.

Í úrsláttakeppninni sigraði Vestri Tindastól en tapaði naumlega fyrir Fram og Afrísku meisturunum í Ascent - Soccer.

Niðurstaðan var 6. sæti í A-liða keppninni sem verður að teljast frábær árangur.

Drengirnir hafa æft gríðarlega vel og vaxið mikið sem leikmenn og lið á þessu keppnistímabili.

Stúlkurnar í 3. flokki stóðu sig einnig vel og spiluðu marga flotta leiki hvar þær stjórnuðu leikjunum að mestu leiti.  Þær hafa æft gríðarlega vel og náð miklum framförum á síðustu misserum.

Stúlkurnar urðu í 5. sæti, sigruðu 3 leiki gerðu 1 jafntefli (2-2 í hörkuleik gegn Austurlandi sem tapaði síðar naumlega úrslitaleiknum) og töpuðu 2 leikjum. Niðurstaðan var 5. sæti og mega stúlkurnar sannarlega vel við una.

Stúlkurnar í 4. flokki spiluðu virkilega flotta leiki hvar þeir einnig stjórnuðu nær öllum leikjum sínum.  Í úrsláttakeppninni sigurðu þær m.a. KA 5-3 í vítaspyrnukeppni en 2-2 var eftir venjulegan leiktíma.  Emilía Rós markmaður varði glæsilega í vítaspyrnukepninni auk þess sem Vestra stúlkurnar skoruðu úr öllum sínum spyrnum.  Niðurstaðan var 6. sæti og hafa stúlkurnar náð gríðarlega miklum framförum á þessu ári enda æft vel.

Drengirnir í 4. flokki spiluðu sannkallaða markaleiki.  Í sínum 6 leikjum skoruðu þeir 25 mörk og var niðurstaðan 5. sæti.

Það býr gríðarlega margt og mikið í þessum flottu drengjum og er ljóst að æfi þeir vel í nánustu framtíð eru þeim allir vegir færir.

Þjálfarar Vestra í ferðinni voru 3 auk yfirþjálfara.

En það voru þau Brentton Muhammad, Sigþór Snorrason og Unnur Hafdís Arnþórsdóttir og unnu þau frábært starf.  Það er mikið álag á þjálfurum í mótum sem þessum og unnu þau gott og faglegt starf.

Fararstjórar og liðsstjórar komu sem fyrr úr hópi foreldra.  Sjálfboðaliðastarf er grunnurinn að öllu íþróttastarfi og þeir foreldrar sem lögðu hönd á plóg unnu sannkallað kraftaverk. Það er gæfa iðkenda og þar með félagsins að eiga slíkt fólk að og þökkum við þeim kærlega fyrir gríðarlega mikið og óeigingjarnt starf í þágu barnanna og félagsins.

Iðkendur frá Vestra voru sem fyrr segir tæplega 70 talsins og héldu þau hópinn vel og studdu hvort annað í blíðu og stríðu.

Var sannarlega góður og ríkur félagsandi í okkar herbúðum sem gefur góð fyrirheit um framhaldið.

ÁFRAM VESTRI.

Sumarfrí 23. júlí. - 06. ágúst

Sumarfrí verður á æfingum og keppni hjá 5.-8. flokki  frá 23. júlí. - 06. ágúst.

Síðasti æfingadagur fyrir sumarfrí hjá þessum flokkum er þriðjudagurinn 23. júlí og fyrsti æfingadagur 06. ágúst.

3.-4. flokkar drengja og stúlkna keppa á ReyCup mótinu í Reykjavík 24.-28. júlí og fara 3.flokkur stúlkna og 4.flokkur drengja og stúlkna í frí eftir mótið. 

3. flokkur drengja spilar leik í Íslandsmótinu þriðudaginn 30. júlí og fara svo í frí eftir leikinn.

Allar æfingar í yngri flokkum hefjast svo aftur eftir sumarfrí þriðjudaginn 06. ágúst

ÁFRAM VESTRI

Knattspyrnuskóli Vestra hefst í næstu viku

Knattspyrnuskóli Vestra hefst í næstu viku. Um er að ræða tvö námskeið, annarsvegar 01.-05. júlí og hinsvegar 08.-12. júlí.  Námskeiðið er fyrir öll börn fædd 2014-2017 og er frá kl. 09.00-12.00 mán-fös. Vistun er í boði frá 08.00 - 09.00.  
Skráning er í fullum gangi og fer fram í Sportabler

Minnum svo á leik Vestra og Fram kl. 18.00 í Bestu deild karla á Kerecisvellinum.

ÁFRAM VESTRI

Yfirlýsing vegna niðurstöðu KSÍ á atvikum í leik Fylkis og Vestra 18.júní sl.

Knattspyrnusamband Íslands hefur komist að niðurstöðu vegna atviks í leik Fylkis og Vestra þann 18.júní s.l.

Loksins heima !

Jörundur Áki,, Garðar Sigurgeirsson og Þorvaldur Örlygsson

Jörundur Áki, Hildur Elísabet og Þorvaldur Örlygsson

Jörundur Áki, Jón Hálfdán Pétursson og Þorvaldur Örlygsson

Jörundur Áki, Sigga Lára og Þorvaldur Örlygsson

Jörundur Áki, Tinna Hrund og Þorvaldur Örlygsson

Jörundur Áki, Gylfi Ólafs, Svavar Þór og Þorvaldur Örlygsson

1 af 6

Um liðna helgi var fyrsti leikur meistaraflokks karla spilaður heima á nýjum og flottum Kerecis velli. Það lögðust allir á eitt við að koma vellinum og svæðinu í keppnishæft stand fyrir leikinn og voru síðustu skrúfur skrúfaðar í hálfleik. 

Það rigndi duglega á okkur í þessum fyrsta leik en það stoppaði ekki stuðningsfólkið okkar, en á leikinn mættu um 450 manns. 

Fyrir leik var Gylfi Ólafsson, formaður bæjarráðs með nokkur orð um sögu knattspyrnunnar á svæðinu og að lokum afhenti hann Svavari Þór Guðmundssyni, formanni knattspyrnudeildar blómvönd fyrir hönd bæjarins. 

Þorvaldur Örlygsson formaður KSÍ og Jörundur Áki Sveinsson starfandi framkvæmdastjóri KSÍ voru viðstaddir þennan fyrsta heimaleik liðsins á nýjum velli. Þeir afhendu Gylfa Ólafssyni og Svavari Þór fallega platta þar sem þeir óska félaginu og bænum til hamingju með nýjan völl. Að lokum voru sex aðilar sæmdir heiðursmerki úr silfri frá KSÍ, en það voru þau Garðar Sigurgeirsson, Hildur Elísabet Pétursdóttir, Svavar Þór Guðmundsson, Jón Hálfdán Pétursson, Sigríður Lára Gunnlaugsdóttir og Tinna Hrund Hlynsdóttir Hafberg. En slík merki eru veitt þeim sem unnið hafa vel og dyggilega að eflingu knattspyrnuíþróttarinnar í áratug eða lengur. 

Við þökkum innilega fyrir góða mætingu og ómetanlegan stuðning úr stúkunni og minnum á næsta leik hér heima sem er n.k. fimmtudag þegar liðið fær Fram í heimsókn. Leikurinn hefst klukkan 18:00, það verða borgarar á grillinu og því tilvalið að skella sér á Kereceisvöllinn með fjölskylduna og hvetja okkar menn til sigurs. 

Áfram Vestri !

TILBOÐSDAGUR FYRIR VESTRA Á MORGUN FIMMTUDAG

Á morgun fimmtudag kemur Jakosport í heimsókn og verður með tilboðsdag fyrir Vestra í andyrri íþróttahússins á Torfnesi frá kl. 16.00-19.00.

ÁFRAM VESTRI

Yfirlýsing knattspyrnudeildar Vestra vegna atviks í leik Fylkis og Vestra

Yfirlýsing frá stjórn knattspyrnudeildar Vestra vegna atviks í leik Fylkis og Vestra þriðjudaginn 18.júní s.l.

Vel heppnað dómaranámskeið

1 af 3

Virkilega vel heppnað dómaranámskeið fór fram í vallarhúsinu á Torfnesi í gærkvöldi.

Námskeiðsstjóri og kennari var Magnús Már Jónsson dómarastjóri KSÍ.

Magnús Már hefur starfað sem dómarastjóri hjá knattspyrnusambandinu frá árinu 2008 og því hokin af reynslu og þekkingu.

Um var að ræða unglingadómaranámskeið og þreyttu þáttakendur próf í lok námskeiðsins.

Námskeiðið var fyrir alla 15 ára og eldri og voru þáttakendur tæplega 20 talsins og komu allir úr knattspyrnustarfi Vestra.

ÁFRAM VESTRI 

DÓMARANÁMSMKEIÐ Á MORGUN - ALLIR AÐ SKRÁ SIG!

Á morgun miðvikudag 12. júní verður dómaranámskeið í vallarhúsinu á Torfnesi frá kl. 19.30-22.00.

Knattspyrnudeild Vestra býður öllum sem eru 15 ára og eldri á námskeiðið. 

Mikilvægt er að fá sem flesta á námskeiðið og hvetjum við því alla sem náð hafa tilsettum aldri að skrá sig á námskeiðið með því að senda póst á heidarbirnir@vestri.is 

Aðalaáhersla verður lögð á knattspyrnulögin en einnig verður farið yfir ýmis konar kynningarefni, fræðsluefni,skýringar og skýringarmyndir.

Próf verður tekið strax að námskeiði loknu og veitir Unglingadómararéttindi.

Námskeiðsstjóri og kennari verður Magnús Már Jónsson dómararstjóri KSÍ.

Skráning fer fram eins og fyrr segir á netfanginu heidarbirnir@vestri.is 

KOMA SVO OG ÁFRAM VESTRI

Sumaræfingar hefjast á morgun þriðjudag 04. júní

Sumaræfingar yngri flokka hefjast á morgun þriðjudag.

Allar æfingar eru komnar í Sportabler.

Engar æfingar verða í Bolungarvík þessa vikuna en við gerum ráð fyrir að byrja með æfingar í Bolungarvík skv æfingaáætluninni í næstu viku þ.e. vika 24.

Við minnum á knattspyrnuskóla Vestra fyrir iðkendur f. 2014-2017 sem hefst í júlí.  Skráning fer fram hér

ÁFRAM VESTRI