KFÍ mætir Fsu í Powerade bikarnum á föstudaginn

Fjör á Jakanum

KFÍ mætir Fsu frá Selfossi í 32 liða úrslitunum i Powerade bikar karla næstkomandi föstudag. Þetta er síðasti heimaleikur meistaraflokks karla fyrir jól og því um að gera fyrir alla að mæta.

Strákarnir tóku Hött í spennandi leik

Chris var traustur að venju og jarðbundinn nema þegar hann tekur á loft

Síðari leikur okkar gegn Hetti var öllu erfiðari en sá fyrri.  Sigur vannst þó 99-95 eftir spennandi lokamínútur.

Liðsheild Ehf með sigur á Hetti

Edin kominn aftur og stóð sig frábærlega

Þá er fyrri leik okkar gegn Hetti lokið og er skemmst frá því að segja að við kláruðum leikinn með frábærum liðsleik sem er svo sem ekkert nýtt hér í KFÍ. Sex leikmenn okkar gerðu meira en tólf stig og níu af tíu leikmönnum okkar skoruðu stig í kvöld og Edin lék að nýju með okkur og stóð sig eins og allir vel.

Við byrjuðum fyrri hálfleikinn sterkt og vorum alltaf skrefinu á undan Hetti í öllum aðgerðum inn á vellinum og leiddum í hálfleik. 31-42. Í þriðja gáfum við í og vorum komnir með  17 stiga forustu 50-67 þegar haldið var í lokafjórðunginn. Sá síðasti var mjög skemmtilegur hjá báðum liðum og mikið skorað, en leikrurinn var aldrei í neinni hættu og "Ísdrengirnir" skelltu Hetti á ís og sigur í höfn. Lokatölur 75-91.

Stig KFÍ. Ari 22 stig (6 af 11 í þristum), Edin 14 stig 12 fráköst, Chris 13 stig, 13 fráköst, Craig 13 stig, 9 stoðsendingar, Kristján Pétur 12 stig, 7 fráköst (4 af 7 í þristum), Siggi Haff 10 stig, (100% nýting 1/1 í tveggja, 2/2 í þriggja og 2/2 í vítum), Hlynur 3 stig og Hermann 3 stig.

VARÚÐ ENDURTEKNING !! Þetta var sigur heildarinnar og flott að sjá svona dreyfingu á stigum á meðal manna. Síðari leikur okkar er á morgun kl. 15.00 á Egilstöðum og við viljum skila kveðjum til Gunnars Péturs Garðarsonar sem öskraði okkur áfram fyrir austan.

Áfram KFÍ

Strákarnir í meistaraflokk halda í víking

"Velkomin um borð" á vel við núna þar sem flogið er langt

Á morgun föstudag fara Ísdrengirnir okkar til Egilstaða og keppa þar tvo leik við Hött,i þ.e.a.s. bæði heima og útileik okkar á tímabilinu. Samkomulag náðist um að spila leikina á Egilstöðum og er sá fyrri á morgun föstudagskvöld kl. 20.00 og sá síðari á laugardaginn 3. desember kl. 15.00.

Því fara þeir á fyrramálið og koma til baka á sunnudag. Það er stundum kvartað yfir því að koma vestur í einn leik, en þessi tvö lið vita hvað þarf til að ferðast og kippa sér ekkert upp við það.

Við vitum að gamli gjaldkeri okkar Gunnar Pétur Garðarson verður á leiknum og biðjum við hann að vera okkur hliðhollur þrátt fyrir að vera búinn að breyta um lögheimili.

Áfram KFÍ

KFÍ og Flugfélag Íslands áfram saman á ferð og flugi

Hér eru tveir kappar í góðum degi saman þeir Arnór Jónatansson frá FÍ og Sævar Óskarsson frá KFÍ

KFÍ og Flugfélag Íslands gerðu með sér áframhaldandi samning sem er til þriggja ára eða til ársins 2014 og er gríðarlega mikilvægur fyrir félagið. Það er mikil gleði hjá báðum aðilum og hefur samstarf félaganna tveggja verið afar farsælt í mörg ár. Við þökkum Flugfélagi Íslands kærlega fyrir og minnir aðdáendur okkar jafnframt á  "Velkomin um borð"  skotið vinsæla sem er á öllum heimaleikjum hjá meistaraflokkum félagisins, en þá fá tveir heppnir áhorfendur tækifæri á að "skjóta" sig í flug með Flugfélaginu.

Áfram KFÍ og Flugfélags Íslands

KFÍ og BÍ/Bolungarvík í samstarf. "Vinnum saman"

Ásgeir Guðbjartsson og Eyþór Jóvinsson eru hér ásamt fulltrúum KFÍ og BÍ/Bolungarvík Guðna Ó. Guðnasyni og Samúel Samúelssyni. Mynd. Benedikt Hermansson

Í hálfleik í leik KFÍ-Breiðabliks var skrifað undir við fyrstu tvo korthafa stuðningmannakorts "Vinnum saman" sem er samstarf sem KFÍ og BÍ/Bolungarvík settu á koppinn. Þetta samstarf snýst um að selja stuðningmannakost sem gildir á alla leiki meistaraflokka félaganna og veitir korthöfum bæði forgang að ýmsu s.s. kaffiveitingum og forkynningum á liðunum fyrir leiki frá þjálfurum félaganna og ýmsum góðum afsláttum frá fyrirtækjum í Ísafjarðarbæ, Bolungarvík og frá Sólsteinum sem er alliða steinsmiðja og hefur verið dyggur stuðningaðili beggja félaganna.

Þetta er stór áfangi hjá þessum félögum og er byrjun á meira og betra samstarfi í náinni framtíð.

Það voru þeir Ásgeir Guðbjartsson "Geiri á Guggunni" og Eyþór Jóvinsson sem fengu kort númer 1. og 2. Eyþóri finnst það ekki leiðinlegt að vera næstur á eftir stórhöfðingja sem Geiri er og brosti út í eitt. Þess má geta að Eyþór æfði körfubolta undir handleiðslu Guðna Ó. Guðnasonar og lét ekki stoppa sig að búa á Flateyri. Hann sótti æfingar af ákefð og alúð og er annálaður áhugamaður um íþróttir eins og Geiri sem hefur stutt dygglilega við íþróttir og félagsmál í áratugi. Við bjóðum þá hjartanlega velkomna í þennan klúbb og er von okkar að karfan og fótboltinn muni áfram vera til fyrirmyndar.

Við hvetjum alla að kynna sér ágæti kortsins sem mun veita þeim sem það eiga góða aflætti frá mörgum fyrirtækjum og styðja við starf félaganna í leiðinni. Þetta er tímamótasamningur á milli KFÍ og BÍ/Bolungarvíkur og er mikil tilhlökkun hjá öllum þeim sem að þessu standa.

Áfram KFÍ og BÍ/Bolungarvík

7. flokkur drengja - Fjölliðamót á Ísafirði

Strákarnir okkar í 7. flokki léku 3 leiki í fjölliðamóti sem fram fór hér á Ísafirði um helgina.  Allir töpuðust leikirnir en framfarir greinilegar hjá strákunum.  Nánar um leikina hér í meira:

Mikið að gerast hjá KFÍ á helginni

"Ísdrottningarnar" stóðu sig vel á Íslandsmótinu eins og strákarnir.

Mikið var að gerast hjá KFÍ um helgina.Á föstudagskvöldið byrjaði körfuhelgin hjá okkur með sigri á Breiðablik 110-103 hjá meistaraflokk karla og er sagt frá þeim leik neðar á síðunni.

Ísdrengirnir skautuðu fram hjá Blikum

"Teamwork Inc."

Pétur og KFÍ með pre-game ráðabrugg

Uppkast

Vinnum saman!

1 af 8

En einn spennuleikurinn var á Jakanum í kvöld fyrir framan fjölda áhorfenda sem skemmtu sér frábærlega á hröðum leik. Lokatölur 110-103.

KFÍ sem voru án Chris í kvöld voru smá stund að ná áttum og það notfærðu Kópavogspiltar sér svo sannarlega og voru komir með 12 stiga forskot eftir 5 mínútna leik, 5-17 og 11-22 skömmu síðar, og tóku fyrsta leikhluta 18-27. Það var ekki gleðilegur svipur á Pétri Má þarna og lét hann menn heyra það. Annar leikhluti byrjaði með krafti hjá okkur og á fyrstu mínútunni vorum við komnir inn í leikinn, staðan 26-27 og Sævaldur tekur tíma. Þar hresstust kóparnir aftur og náðu aftur tökum á leiknum og leiddu 28-36, 36-47  en strákarnir í KFÍ tóku sig á og leiddu blikarnir einungis með 1 stigi þegar skautað var í tehléið fræga á Jakanum. 50-51.

Eftir tæpa mínútu í síðari hálfleik komust við loks yfir síðan í stöðunni 1-0 þegar Kristján Pétur setti þrist og kom okkur í 53-51 og það sem eftir lifði leikhlutans var skipst á að leiða og vorum við með 3 stiga forskot þegar leikhlutinn var flautaður af, 78-75 og það er greinilegt að peppræða Péturs í hálfleik hefur skilað sér og var allt annað að sjá til piltanna enda baráttan til fyrirmyndar.

Og þá byrjar fjórði og síðasti leikhlutinn hjá Ísdrengjunum sem eru alltaf sprækir á þessum tíma og vel hvattir áfram af Ísfólkinu fórum við í gang og þegar tvær mínútur voru liðnar var staðan komin í 91-78 og þarna vorum við komnir með flott flæði í leiknum og allir að skila mikilli liðsvinnu. Það er skemmst frá því að segja að við unnum öruggan sigur 110-103 þótt að blikar hafi alltaf sótt hart að okkur og gáfust aldrei upp.

Það er orðinn algjör tugga að liðsheildin hafi skilað þessu, EN það er skemmtileg tugga þegar hún er sönn og það var staðreynd í kvöld. Craig "little big man" Schoen fór fyrir okkar drengjum með 27 stig, 10 fráköst, 9 stoðsendingar, 6 stolna og 2 varin skot !! og hinir "fjóru fræknu" voru ekki langt á eftir Ari 26 stig, Kristján Pétur 23 stig (5/9 í þristum), Jón Hrafn 19 og Siggi Haff með 12 stig. Sævar Vignis bætti 2 stigum við og Leó 1. Chris og Edin voru á bekknum í klappstýruhlutverki og stóðu sig með stakri príði.

Pétur Már stjórnaði leiknum af festu og áhorfendur okkar voru æðislegir. Sem sagt toppkvöld, með toppfólki á Jakanum og er langt síðan svona fjörugur leikur hefur verið spilaður og er hann öllum sem tóku þátt til mikil sóma, hafið þökk fyrir.

Hjá Breiðablik var Þorsteinn frábær með 20 stig og 23 fráköst, en skammt á eftir komu þeir Hraunar og Atli Örn með 20 stig hver. Arnar Pétur átti góða spretti með 11 stig, Snorri 10 stig, og þeir Ægir og Rúnar með 9 stig hvor og svo kom Sigmar með 4.

Dómar leiksins voru þeir Davíð Tómas Tómassson og Björn Leósson sem komu vel frá sínu í erfiðum leik, þar sem menn voru í misgóðu skapi eins og gefur að skilja. 

Hérna í restina er MYNDBAND frá leik okkar gegn Haukum og vonum við að þig njótið. Við komum svo með annað frá þessum leik von bráðar. Þetta er í boði meistar Fjölnis Baldurssonar. Hann er mikill meistari.

Áfram KFÍ

KFÍ-Breiðablik á föstudagskvöld

Kristján Pétur er klár í helgina

Hörkuleikur verður á föstudagskvöldið 25. nóvember n.k og laugardaginn 26. nóv. Þar koma drengirnir frá Kópavogi í heimsókn og spila hér tvo leiki. Fyrri leikurinn er á milli meistaraflokkanna og hefst hann kl. 19.15 og sá síðari er viðureign á milli unglingaflokka félagsins og er á laugardeginum kl. 11.00 en þessi tími er til þess að þeir komist heim með flugi strax eftir leik.

Við voumst til að sjá sem flesta á þessum leikjum og hvetjum fólk að nota látúnsbarkann sem þeir fengu í fæðingargjöf til að öskra ísdrengina áfram.

Áfram KFÍ