Valsmenn flykkjast vestur

Körfubolti | 04.02.2010 Á sunnudaginn n.k. koma Valsmenn hingað og verður margt um manninn. Það er vegna þess að keppt verður í drengja og meistaraflokk sama dag. Fyrri leikur dagsins er hjá drengjaflokk og hefst kl.14.00 og sá síðari er stórviðureign sömu liða í meistaraflokk og hefst sá leikur kl 19.15.


Það verður hörkuslagur þennan sunnudag, en núna eru strákarnir í meistaraflokk í efsta sæti 1. deildar með 22 stig en Valur kemur þar á eftir með 20 stig. Fyrri leikur þessara liða var allsvakalegur og má geta þess að Valsmenn náðu að vera 16 stigum á undan okkur í hálfleik, en með frábærum leik komum við til baka í seinni hálfleik og unnum 11 stiga sigur.  

Þetta er toppslagur af bestu gerð og eru ALLIR hvattir til að koma á leikina báða á sunnudag og styðja við bakið á okkar strákum. Um er að ræða tvöfaldan skammt af körfubolta sem ætti að gleðja alla.

Mætum á Jakann og styðjum liðið okkar til sigurs, og það tvisvar á sama degi :)

Áfram KFÍ
Nánar

8. flokkur drengja í framför

Körfubolti | 01.02.2010 8. flokkurinn okkar tók þátt í fjölliðamóti um helgina.  Allir leikirnir töpuðust en frammistaðan mun betri en í síðasta móti og framfarir greinilegar.  Nánar um leiki og stigaskor hér í meira Nánar

8. flokkur stúlkna tapaði tveimur leikjum og vann einn

Körfubolti | 31.01.2010 8. flokkur stúlkna tók þátt í fjölliðamóti í dag og tapaði tveimur leikjum.  Skallagrímur mætti því miður ekki í mótið þannig að þar fengum við einn sigur gefins.

Umfjöllun um leikina hér í meira Nánar

Drengjaflokkur tapaði heima gegn Snæfell/Skallagrímur

Körfubolti | 29.01.2010 Drengjaflokkur KFÍ tók á móti liði Snæfells/Skallagríms í gærkvöld og tapaði leiknum 73-82. Strákarnir stóðu sig vel í leiknum lengstum, en áttu það til að drippla of mikið og taka skot sem hefðu að ósekju mátt vera nær körfunni. Það er þó greinilegt að lið KFÍ hefur lært mikið í vetur og fer leikur þess batnandi. Þó er einstaklingframtakið of áberandi enn og meira þarf að gera til þess að láta leikinn flæða meira. Nánar

Er nauðsynlegt að skjóta þá?

Körfubolti | 29.01.2010

KFÍ mótmælir þeirri ómannúðlegu stefnu stjórnvalda "að skjóta fyrst og spyrja svo" þegar kemur að mögulegum tvíförum ástsæls lukkudýrs okkar KFÍ manna.  Nú hafa borist þær fregnir að ung birna hafi verið felld fyrir Norðan.  Hér eru ekki allir vissir um hverra manna þessi björn var en vissulega var lukkudýrið okkar ekki eins stórt og fullvaxið karldýr og því óttast margir hið versta.  

Eftir ítrekaðar fréttir af sviplegum endi á ferðum þessara dýra á Norðurlandi, þarf engan að undra að lukkudýr okkar skuli ekki enn hafa þorað að koma heim af flakki því sem það lagði upp í fyrir um 5 árum.  Við höfum þó ekki gefið upp alla von og skorum á stjórnvöld að leyfa fulltrúa KFÍ að fá tækifæri til þess að bera kennsl á dýrið ef svo óheppilega skyldi vilja til að þarna sé þá komið okkar lukkudýr.

Nánar

Myndir frá leik Hauka og KFÍ.

Körfubolti | 24.01.2010

Okkur er sönn ánægja að birta hér tengil á myndir sem Tomasz Kolodziejski tók fyrir karfan.is á leik Hauka og KFÍ. hér er linkurinn

Nánar

11.flokkur steinlá í Grafarvogi

Körfubolti | 23.01.2010

Við vorum að fá fréttir af því að Fjölnir hafi tekið okkur í kennslusund í hvernig eigi að spila köfubolta. Lokatölur 83-41. En það sem við höfum frétt er að Gummi hafi meiðst illa á fingri og Sigmundeur fór af velli með 5 villur og þar með báðir leikstjórnendur okkar frá, en það skipti ekki öllu í þessum ósigri. Við vonum að Gummi sé ekki illa slasaður og minnum aðra á að æfing skapar meistara :) Algjör óþarfi að gráta Bjössa bónda, hann er í fínu lagi og kemur til leiks næst. Nú er bara næsta verkefni. Fjölnisstrákarnir mikið betri í dag og á morgun er nýr dagur :)

Áfram KFÍ.

Nánar

Öruggur sigur gegn Grindavík

Körfubolti | 23.01.2010 Rétt í þessu voru strákarnir í drengjaflokk að sigra Grindavík. Lokatölur 74-54 :) meira frá leiknum í kvöld, en nú kl.19.00 eru strákarnir í 11.flokk að fara að keppa við Fjölni í bikarkeppni KKÍ. Leikurinn er í Grafarvogi.  Nánar

Einir á toppnum eftir sigur á Haukum.

Körfubolti | 22.01.2010 Nánar

KFÍ berst liðstyrkur!

Körfubolti | 21.01.2010

Það er sönn ánægja að segja frá því að Atli Rafn Hreinsson hefur ákveðið að ganga til liðs við KFÍ.  Atli er framherji sem mun styrkja hóp okkar verulega.  Hann hlaut uppeldi sitt í Snæfelli og hefur verið í yngriflokka landsliðum Íslands.  Fyrst uppeldi er nefnt hér, er ekki úr vegi að nefna það að Atli er sonur þekkts körfuknattleiksmanns, Hreins Þorkelssonar, sem er nýráðinn áfangastjóri MÍ.   Hjá KFÍ hittir hann svo fyrir bróður sinn Hlyn Hreinsson sem fluttist til Ísafjarðar nýlega og hefur einmitt stimplað sig skemmtilega inn í drengjaflokk KFÍ.

Við bjóðum Atla Rafn velkominn til leiks með KFÍ!

Nánar