Ný stjórn Körfuknattleiksdeildar

Frá aðalfundi Kkd. Vestra.

Síðastliðinn sunnudag var aðalfundur Körfuknattleiksdeildar Vestra haldinn á Hótel Ísafirði. Ingólfur Þorleifsson var endurkjörinn formaður en auk hans var Birna Lárusdóttir endurkjörin í stjórn ásamt Sveini Rúnari Júlíussyni sem starfað hefur með stjórninni frá því síðsumars 2016. Fyrir í stjórninni voru þeir Birgir Örn Birgisson og Ingi Björn Guðnason.

Aðalfundur Körfuknattleiksdeildar Vestra

Meistaraflokkur Vestra í körfubolta veturinn 2016-2017 ásamt yfirþjálfara Kkd. Vestra Yngva Gunnlaugssyni. Ljósmynd: Ágúst Atlason.

Aðalfundur Körfuknattleiksdeildar Vestra 2017 verður haldinn sunnudaginn 14. maí. Fundurinn fer fram á Hótel Ísafirði og hefst kl. 17:00. Allir þeir sem koma að starfsemi Körfuknattleiksdeildarinnar, jafnt iðkendur sem sjálfboðaliðar, foreldrar iðkenda og fylgjendur eru hvattir til að mæta á fundinn. Á dagskrá fundarins verða aðalfundarstörf eins og kveðið er á um í 4. gr. reglugerðar deildarinnar:

Dagskrá aðalfundar

1. Fundarsetning
2. Kosning fundarstjóra og fundarritara
3. Formenn deildar og barna- og unglingaráðs gera grein fyrir starfsemi deildarinnar
4. Gjaldkeri deildar leggur fram til samþykktar og gerir grein fyrir reikningum deildarinnar sem staðfestir hafa verið af kjörnum skoðunarmanni og gjaldkera aðalstjórnar. Fjárhagsáætlun deildarinnar lögð fram til samþykktar.
5. Reglugerðabreytingar
6. Kosningar: a) kosning formanns b) kosning tveggja aðalmanna til tveggja ára og þriggja til vara til eins árs, samtals fimm manna stjórn með þremur varamönnum
7. Önnur mál
8. Fundargerð upplesin og fundarslit

Allir skuldlausir félagsmenn deildarinnar hafa atkvæðisrétt og kjörgengi á aðalfundi eins og segir í 3. grein reglugerðar deildarinnar.

Uppskeruhátíð körfuboltakrakkanna

Uppskeruhátíð Kkd. Vestra fer fram á fimmtudag kl. 18-20 á Torfnesi.

Uppskeruhátíð yngri flokka Kkd. Vestra verður haldin á Torfnesi á morgun, fimmtudag, milli klukkan 18-20. Iðkendur deildarinnar á aldrinum 4-16 ára gera sér þá glaðan dag með foreldrum og aðstandendum, viðurkenningar verða veittar og slegið verður upp pylsuveislu. Allir velunnarar körfunnar eru velkomnir á hátíðina.

Frammistaða Vestrakrakkanna í vetur hefur verið afar góð, fleiri hópar tóku þátt í Íslandsmótum en verið hefur um langt árabil og fyrsti bikarmeistaratitill hins nýstofnaða Vestra kom í hús hjá 9. flokki drengja í körfunni. Tvö elstu lið drengjanna luku keppni í vor í A-riðli og tvö elstu lið stúlknanna í B-riðli. Krakkarnir hafa því att kappi við öll bestu lið landsins í sínum aldurshópum í vetur og staðið sig með miklum ágætum. Minnibolti eldri drengja (10-11 ára) á lokamót vetrarins eftir og fer það fram í DHL-höllinni nú um helgina.

Formlegum vetraræfingum iðkenda í 4. bekk og yngri er nú lokið en eldri iðkendur æfa út maímánuð eða fram að hinum árlegu Körfuboltabúðum Vestra, sem fram fara í níunda sinn dagana 30. maí-4. júní. Að búðunum loknum taka við sumaræfingar í körfunni sem verða auglýstar nánar síðar.

Vormót Vestra í körfu

Á morgun, þriðjudaginn 2. maí, stendur Kkd. Vestra fyrir léttu og skemmtilegu vormóti fyrir alla káta og áhugasama krakka í 1.-4. bekk grunnskóla. Mótið fer fram á íþróttahúsinu Torfnesi og hefst skráning kl. 16. Allir fara heim með smá verðlaun að móti loknu. Foreldrar eru velkomnir í áhorfendahópinn til að hvetja og styðja hina ungu leikmenn til dáða. Ætla má að mótinu verði lokið fyrir kl. 18.

Allir velkomnir!

Fullt hús stiga hjá Vestra í körfu um helgina

Unglingaflokkur Vestra eftir sigurinn gegn Stjörnunni í Ásgarði ásamt Yngva Páli Gunnlaugssyni, þjálfara.

Sigursæll 9. flokkur Vestra ásamt Yngva þjálfara komnir í hóp þeirra bestu á ný eftir mót helgarinnar.

Vestrastelpurnar í minnibolta eldri unnu alla leikina sína um helgina undir stjórn Nökkva Harðarsonar, þjálfara.

1 af 3

Viðburðarrík helgi er nú að baki í körfuboltanum hjá Vestra en leiknir voru níu útileikir á höfuðborgarsvæðinu frá föstudegi til sunnudags; einn unglingaflokksleikur, fjórir leikir í 9. flokki drengja og fjórir leikir í minnibolta eldri stúlkna. Fór svo að allir leikirnir unnust og er því Vestri karfa með fullt hús stiga eftir þessa annasömu helgi. Gaman er að geta þess að allir hóparnir þrír hafa í vetur æft undir stjórn Yngva Páls Gunnlaugssonar, yfirþjálfara Kkd. Vestra.

Birna Lárusdóttir kjörin í stjórn KKÍ

Nýkjörin stjórn KKÍ. Efri röð frá vinstri: Lárus Blöndal, Ester Alda Sæmundsdóttir, Birna Lárusdóttir, Erlingur Hannesson, Rúnar Birgir Gíslason. Neðri röð frá vinstri: Guðbjörg Norðfjörð, Hannes S. Jónsson og Eyjólfur Þór Guðlaugsson. Á myndina vantar Einar Karl Birgisson og Pál Kolbeinsson.

Á 52. Körfuknattleiksþingi KKÍ sem fram fór í Íþróttamiðstöðinni í Laugardal í gær var Birna Lárusdóttir, formaður Barna- og unglingaráðs og stjórnarmaður í Kkd. Vestra, kjörin í stjórn sambandsins. Birna hefur um árabil starfað í þágu körfuboltans á Ísafirði en hefur einnig undanfarin tvö ár átt sæti Fræðslunefnd KKÍ sem er ein af fastanefndum sambandsins.

Nebojsa semur við Vestra

Ingólfur Þorleifsson og Nebojsa Knezevic handsala samninginn.

Skömmu áður en sjoppuvakt Körfuknattleiksdeildar Vestra hófst síðastliðinn laugardag á tónlistarhátíðinni Aldrei fór ég suður skrifuðu Ingólfur Þorleifsson, formaður Kkd. Vestra og Nebojsa Knezevic undir nýjan samning milli deildarinnar og leikmannsins.

Sigruðu alla leiki á lokamóti vetrarins

10. flokkur drengja að móti loknu um helgina ásamt Yngva Páli Gunnlaugssyni, þjálfara og Nebojsa Knezevic, sem var aðstoðarþjálfari Yngva á mótinu en Nebojsa hefur lengi komið að þjálfun drengjanna.

Síðasta fjölliðamót vetrarins í 10. flokki drengja í Kkd. Vestra fór fram á Torfnesi um nýliðna helgi. Var keppt í B-riðli en Vestradrengir gerðu sér lítið fyrir og unnu alla leiki helginnar. Þeir hófu keppni í haust í D-riðli og má því með sanni segja að liðið hafi verið á mikilli siglingu allt tímabilið til enda.

Auk Vestra tóku lið Vals, Hauka og Skallagríms þátt en lið Fjölnis þurfti frá að hverfa vegna veðurs en þeir höfðu ætlað að fljúga vestur. Hin liðin þrjú sameinuðustu um rútuferð og þrátt fyrir hremmingar á Steingrímsfjarðarheiði mættu þau galvösk til leiks, tæpum þremur tímum á eftir áætlun, og sýndu oft og tíðum flott tilþrif þrátt fyrir langt og strangt ferðalag. Til að koma til móts við Fjölnismenn býðst þeim að leika sína leiki síðar en þegar þetta er skrifað er óvíst hvort af því verður.

Veittu bestu liðunum harða keppni

Ekki náðist að smella af liðsmynd um helgina en þessi mynd var tekin af 9. flokki fyrr í vetur. Á myndina vantar Þórunni Birnu Bjarnadóttur og Júlíönnu Lind Jóhannsdóttur.

Stúlkurnar í 9. flokki Kkd. Vestra kepptu í sínu síðasta Íslandsmóti vetrarins um nýliðna helgi og lá leiðin til Grindavíkur að þessu sinni í sjálfan A-riðil mótsins. Þar mættu Vestrastelpurnar fjórum bestu liðum landsins í sínum aldurshópi en auk Grindvíkinga léku þær við Keflavík, Njarðvík og Hamar.

Unglingaflokkur mætir Njarðvík á Jakanum

Unglingaflokkur Vestra mætir Njarðvíkingum á morgun miðvikudag klukkan 15 hér heima.

Unglingaflokkur Vestra í körfubolta mætir Njarðvíkingum á morgun, miðvikudag, klukkan 15:00 hér heima á Jakanum. Leikurinn er síðasti heimaleikur liðsins á tímabilinu!