Fjölmennt og vel heppnað Hamraborgarmót

Yngri hópurinn af kátum körfuboltakrökkum sem tók virkilega á því á Hamraborgarmótinu undir vaskri stjórn meistaraflokksmanna.

Eldri hópurinn var úr 5.-6. bekk og þar sýndi sig að leikreynslan var orðin töluvert meiri en hjá þeim yngri.

1 af 2

Hátt í 80 krakkar í 1.-6. bekk létu ljós sitt skína á fyrsta Hamraborgarmótinu sem Kkd. Vestri stóð fyrir á Torfnesi í gær. Mótið var boðsmót meistaraflokks karla og Hamraborgar en meistaraflokkur sá um allt skipulag undir stjórn Yngva Gunnlaugssonar yfirþjálfara og gerðu það með stakri prýði.

Góður sigur á Ármanni

Nebojsa var stigahæstur í liði Vestra í kvöld með 22 stig.

Í kvöld lögðu Vestramenn Ármenninga í 1. deild karla í körfubolta með 98 stigum gegn 81. Með þessum fjórða sigri í röð komst Vestri upp í sjötta sæti deildarinnar með jafnmörg stig og Hamar sem situr í fimmta sætinu vegna betri stöðu í innbyrðist leikjum.

Hamraborgarmótið 2017

Allir krakkar í 1.-6. bekk eru velkomnir á Hamraborgarmótið 2017.

Meistaraflokkur kkd. Vestra karla og Hamraborg sameina krafta sína í stórskemmtilegu minniboltamóti á Torfnesi á mánudaginn kemur, 23. janúar. Mótið hefur hlotið heitið Hamraborgarmótið 2017 og er vonandi komið til að vera í fjölbreyttri vetrardagsrká kkd. Vestra.

Vestri mætir Ármanni

Ljósmynd: Ágúst G.Atlason www.gusti.is

Meistaraflokkur karla í körfubolta tekur á móti Ármenningum í fyrsta leik liðsins eftir jólahlé hér heima á Jakanum, Torfnesi. Leikurinn fer fram föstudaginn 20. janúar og hefst kl. 19:15

Jóhann Jakob kominn heim

Ingólfur Þorleifsson, formaður Kkd Vestra og Jóhann Jakob.

Miðherjinn Jóhann Jakob Friðriksson er genginn í raðir Vestra á nýjan leik og mun leika með liðinu út tímabilið. Jóhann Jakob er uppalinn innan raða KFÍ og hefur leikið með meistaraflokki liðsins undanfarin ár.

Komnir í undanúrslit í bikarnum í körfu

Sigursælir 9. flokksstrákar með Yngva Páli Gunnlaugssyni, þjálfara sínum. Ljósmynd: Guðjón Þorsteinsson.

Vestri mun eiga fulltrúa í pottinum þegar dregið verður í undanúrslit bikarkeppni KKÍ en drengirnir í 9. flokki Kkd. Vestra tók á móti Breiðabliki í leik sem fram fór síðastliðinn laugardag og unnu öruggan sigur 82-39.

Bikarhelgi hjá 9. flokki

Strákarnir í 9. flokki ásamt Hallgrími Kjartanssyni farastjóra og íhlaupaþjálfara eftir góðan sigur fyrr í vetur.

Stelpurnar í 9. flokki á móti í Bolungarvík fyrr í vetur.

1 af 2

Á laugardaginn leika bæði 9. flokkur drengja og stúlkna í 8-liða úrslitum bikarkeppninnar í körfubolta. Strákarnir eiga heimaleik og taka á móti Breiðabliki á Jakanum kl. 16:00. Stelpurnar skreppa hinsvegar á Suðurlandið og mæta sameiginlegu liði Hamars og Hrunamanna í Hveragerði á sama tíma.

Körfuboltaæfingar hefjast á ný eftir jólafrí

Æfingar allra æfingahópa körfuknattleiksdeildar Vestra hefjast aftur samkvæmt æfingatöflu á morgun, þriðjudaginn 3. janúar 2017, eftir jólafrí. Nokkrar æfingar voru í boði fyrir elstu iðkendurna og meistaraflokk milli jóla og nýárs en yngstu iðkendurnir fengu góða hvíld um hátíðirnar.

Stjórn og barna- og unglingaráð óska öllum iðkendum, þjálfurum, foreldrum og stuðningsfólki gleðilegs árs og hlakkar til samstarfsins á nýju körfuboltaári.

Jólakarfa Vestra

Hin árlega jólakarfa Vestra verður á sínum stað að venju á aðfangadag. Löng hefð er fyrir því að körfuboltakappar mæti á aðfangadagsmorgun á Torfnes og hiti þannig upp fyrir jólahátíðina.

Þrír sigrar í röð! ÍA steinlá á Jakanum

Yngvi Gunnlaugsson og lærisveinar hans fara inn í jólafríið með þriggja leikja sigurgöngu.

Vestri og ÍA mættust á Jakanum í gærkvöldi í lokaleik liðanna í 1. deild karla í körfubolta fyrir jólafrí. Gestirnir stóðu í heimamönnum í fyrsta fjórðungi en snemma í öðrum fjórðungi stungu Vestramenn af enduðu á að rjúfa hundrað stiga múrinn, lokatölur 103-63.