Knattspyrna | 06.05.2011
Bolvíkingurinn Bjarni Pétur Jónsson er í fjölmiðlafræðinámi á Akureyri. Bjarni er bæði góður penni og fótboltamaður og mun í pistli sínum fræða oss almúgann um undirstöðuatriði í knattspyrnu og jafnframt eitt elsta bragðið í boltanum, hvar Sir Stanley Matthews, Ronaldinho og Andri Rúnar Bjarnason koma við sögu: Að rekja knöttinn. Við gefum Bjarna orðið.
Nánar
Yngri flokkar BÍ88 hafa fengið nýjan styrktaraðila. Skrifað var undir samstarfssamning 14.apríl sl. milli steinsmiðjunar Sólsteina og unglingaráðs BÍ88. Þar með verða Sólsteinar aðalstyrktaraðili yngri flokka félagsins næstu ár. Merki Sólsteina verður hér eftir framan á öllum keppnisbúningum yngri flokka BÍ/Bolungarvík. Svavar Þór Guðmundsson formaður BÍ88 og Brjánn Guðjónsson framkvæmdastjóri Sólsteina skrifuðu undir og staðfestu samningin á aðalfundi BÍ88 sem fram fór 14.apríl sl. Forsvarsmenn BÍ/Bolungarvík sjá nú fram á að yngri flokkar og meistaraflokkur félagsins, muni klæðast eins keppnisbúningum.
Knattspyrna | 04.05.2011
BÍ/Bolungarvík náði aðeins 1-1 jafntefli gegn Njarðvík í gærkvöldi, í fyrsta grasleiknum sínum á þessu ári. Njarðvík komst yfir á 45. mínútu með laglegu marki, en Óttar Kristinn Bjarnason jafnaði metin á 65. mínútu eftir laglega sókn.
Knattspyrna | 03.05.2011
BÍ/Bolungarvík óskar eftir að fá húsgögn gefins eða fyrir lítinn pening. Ísskápa, örbylgjuofna, sófa og margt fleira....þeir sem geta lagt okkur lið eru beðnir um að hafa samband við Nonna í síma 862-4443.
Nánar
Líkt og glöggir lesendur síðunnar hafa séð, er ætlunin að vera með reglulega pistla á vefnum í sumar. Söngfuglinn Birgir Olgeirsson reið á vaðið með lofgjörð um Gunnar Má Elíasson, fyrirliða BÍ/Bolungarvíkur. Að þessu sinni er komið að fjölmiðlastjörnu okkar vestfirðinga, Guðmundi Gunnarssyni.
Knattspyrna | 30.04.2011
BÍ/Bolungarvík vann góðan sigur gegn Gróttu í snjóblautum æfingarleik í morgun, 3-1. Þeir Colin, Gunni Wonder, og Sölvi gerðu mörkin, en mark Gunnars var einkar glæsilegt. Mark Gróttu var sjálfsmark.
Knattspyrna | 28.04.2011
Stjórn BÍ/Bolungarvíkur hefur skrifað undir styrktarsamning við fyrirtækin Olís og Bílaleigu Akureyrar. Samningurinn við Olís er til tveggja ára en Bílaleigu Akureyrar til þriggja ára. Stjórn BÍ/Bolungarvíkur er gríðarlega ánægð með fá þessa öfluga bakhjarla til liðs við sig næstu árin. Samningarnir munu klárlega styðja við það öfluga starf sem unnið hefur verið og aðstoða okkur á komandi tímabilum.
„Við erum virkilega ánægðir með styrktarsamningana og berum miklar væntingar til samstarfs við jafn öflug fyrirtæki. BÍ/Bolungarvík er metnaðarfullt íþróttafélag og sá öflugi stuðningur sem félagið fær með samstarfi þessu er okkur mjög mikilvægur. Við erum vissir um að samstarfið verði gæfuríkt fyrir alla aðila." sagði Mangús Pálmi Örnólfsson, framkvæmdarstjóri BÍ/Bolungarvíkur.
Knattspyrna | 28.04.2011
Bolvíkingurinn Birgir Olgeirsson tók sig til og sendi okkur skemmtilegan pistil um fyrirliða liðsins og Herra Bolungarvík sjálfan, Gunnar Má Elíasson.
Nánar