,,að koma saman er upphafið"

Svona byrjar þetta og svo höldum við saman

Það er og hefur verið lenska hér á landi að vera alltaf kominn á leik hjá sínu liði þegar vel gengur, en þegar verr gengur þá týnist fólk í burtu og fer að finna að öllu. Það er óhjákvæmilega skemmtilegra þegar vel gengur og gaman að því þegar sigrar koma í hús, en það er mikilvægast að styðja við bakið á sínu liði þegar gengið er ekki jafn gott, þá þurfa menn á hjálp að halda.

Íþróttafólk okkar leggur gríðarlega mikið á sig til þess að æfa og keppa fyrir sitt félag og það á að vera okkar að vera á bak við okkar fólk hvernig sem gengur. Það er marg sannað að stuðningfólk hefur mikið að segja um gengi liða og betri bakhjarl er varla hægt að hugsa sér en þann sem kallar inn á völlinn ,,koma svo" og ,,áfram KFÍ".

Okkar félag hefur fengið að finna fyrir misjöfnu gengi í vetur og því miður er það svo í lottói leikmanna þá koma upp atvik sem verða til þess að breytinga er þörf. Það hafa mörg önnur lið þurft að skipta úr mönnum og það varð KFÍ að gera og þetta gerir engin að gamni sínu, enda bæði kostnaðarsamt og óskemmtilegt. Við misstum einnig einn okkar drengja í erfið veikindi í hans fjölskyldu og sem félag sem rekur stefnu sem er fjölskylduvæn þá stöndum við á bak við hann algjörlega í hans málum og eigum von á honum aftur þegar hans mál eru útkljáð heima fyrir. Þeir hinir tveir sem urðu frá að hverfa frá KFÍ voru einfaldlega ekki að skila sínu hlutverki og er það miður.

Nú höfum við fengið þá Tyrone Bradshaw og Damier Pitts í þeirra stað auk þess sem Hlynur Hreinsson er kominn aftur. Ungu strákarnir hafa verið að stíga upp og er þar til dæmis hægt að benda á Stefán Diego sem heldur betur vann sig inn í liðið en meiddist illa og er á batavegi, Guðmundur Guðmundsson sem einnig var að finna sig, en meiddist einnig. Óskar Kristjánsson er að koma sterkari til leiks og svo erum við með pattana Hauk og Hákon klára.

Það segir sig sjálft að það tekur tíma að búa til lið og við fengum því miður ekki tækifæri til þess að undirbúa lið okkar sem skildi í haust vegna anna þjálfara okkar með landsliðinu. Nú kjósum við að horfa á verkefni vertrarins sem hálfleik. það eru einungis fjögur stig sem skilja að lið í fimmta sæti og það ellefta og er því allt opið í þessu móti. Þarna eru lið sem "ættu" að vera mikið mun ofar en við, en samt eru þau í botnbaráttu ? Svona er boltinn. Misjafnt er gengi liða og væntingar og árangur haldast ekki alltaf í hendur. En lið gefast ekkert upp, enda er það auðvelda leiðin út.

Það sem félag okkar vantar er að jákvætt fylgi og að jákvæður stuðningur komi frá fólki. Við þurfum að berjast í þessu saman og saman tökum við sigrum og tapi.  Þetta er langhlaup og stigin eru talinn í mars og það er langt í þann mánuð.

Komum til leiks í framhaldinu og sýnum strákunum okkar hvatningu. Það er allt of auðvelt að vera neikvæður og það er enn auðveldara að finna blóraböggla og hafa allt á hornum sér. En jákvæðni er leiðin til árangurs.

Áfram KFÍ.

Damier Pitts til lið við KFÍ

Welcome Mr.Pitts

Nýr leikmaður hefur verið fenginn í stað BJ Spencer sem engan veginn var að ráða við hlutverk leikstjórnanda. Sá sem tekur við honum er leikmaður frá Marshall University og heitir kappinn Damier Pitts og spilaði hann sinn fyrsta leik ný lentur á Íslandi eftir sólarhings ferðalag. Damier komst ágætlega frá sínu og auðskilið að hann var með engin kerfi á hreinu, né þekkir leikmenn okkar.

En það sem sást í gær lofar góðu um framhaldið og verður gaman að sjá hann hér á sunnudaginn gegn liði Snæfells. 

Hér er smá myndband af kappanum í fyrra með félögum sínum í Marshall Uni.

Við bjóðum Damier velkominn í KFÍ

Kvennaleiknum frestað og nýr leiktími kemur í ljós eftir helgi

Enn er smá bið í að Brittany fái að sýna sig á Jakanum

Leik mfl. kvenna sem átti að vera á morgun gegn Laugdælum hefur verið frestað vegna veðurs og verður tilkynnnt um nýjan leikdag eftir helgi.

Lélegur varnarleikur okkur að falli í Njarðvík

Hlynur spilaði fyrsta leik sinn í gær

Það er vel hægt að afsaka að erfitt var að keyra að Vestan og nýjir menn inn og gamlir út. En það afsakar ekki að geta ekki tekið á móti þegar hrint er og ýtt. Menn eiga ekki að gefa eftir á vellinum og þá er sama hver á í hlut. Það jákvæða er að Hlynur er kominn heim frá Danmörku og einnig er nýr leikmaður kominn í leiktstjórnanda hlutverkið sem heitir því viðkunnuglega nafni Damier Pitts og kemur frá Marshall University og komst hann ágætlega frá sínu miðað við sólarhrings ferðalag og beint í leik. Hann lítur vel út og mun hann ásamt Hlyn gera okkur mun sneggri og leysa ýmis vandamál.

Það er auðvelt að setja upp grein hér um leikinn, en Nonni á karfan.is komst vel að orði og bendum við á grein hans HÉR. Þessi leikur er farinn og næsti handan við hornið. Snæfell á sunnudagskvöld er málið og þá er bara að bretta upp á ermar og snýta sér vel fyrir þann leik.

Tölfræði

BJ látin fara og Momcilo í veikindarfrí

Momci þarf að sinna sínu og kemur svo aftur

Það var ljóst að BJ var ekki rétti maðurinn í stöðuna sem hann átti að fylla fyrir KFÍ og fór svo að lokum að félagið sagði upp samning sínum við hann og fer hann á næstu dögum til síns heima. Hann er geðþekkur og góður piltur sem myndi sóma sér vel í annarri stöðu á vellinum, en hann hentar ekki KFÍ. Þetta var þó allt gert í mesta bróðerni og þakkar félagið honum fyrir hans störf.

Momcilo þarf þó að yfirgefa okkur í nokkrar vikur til að sinna alvarlegum veikindum í fjölskyldu hans í Serbíu. Hann er sem sagt í veikindarleyfi frá KFÍ en ætlar sér að snúa til baka um leið og hann hefur sinnt sinni skyldu. KFÍ er algjörlega á bak við hann í þessu ferli og vonar að allt gangi að óskum. Það er þannig að körfubolti er leikur og fjölskylda leikmanna gengur fyrir öllu öðru.

Áfram KFÍ

Hlynur Hreinsson kominn heim

Það voru miklir fagnaðarfundir þegar hinn frábæri drengur Hlynur Hreinsson fékk félagaskipti í KFÍ. Hann var í Danmörku, en því miður fyrir Danina og sem betur fer fyrir okkur ákvað hann að koma heim í baráttuna. Hlynur var frábær í fyrra með KFÍ og erum við mjög glöð að hann sé kominn heim. Ekki er það alltaf fréttir ef erlendum leikmönnum sem gleðja mest. Það er að fá til baka  toppeintök sem voru hér hjá okkur.

Við bjóðum Hlyn innilega velkominn til baka og hlakkar okkur til að sjá hann í eldlínunni.

Áfram KFÍ

BB sjónvarp á Jakanum þegar KFÍ tók á móti KR

Félagar og samstarfsaðilar okkar á BB sjónvarp með Fjölni Baldursson voru á Jakanum að venju þegar KR kom í heimsókn. Hér er Myndband

"Girl power" helgi í Reykjavík

Brittany þjálfari hér með Lindu Marín, Þorsteinu Þöll, Heklu, Guðrúnu Ýr, Sögu og Örnu Leu

Um helgina fóru 8.flokkur stúlkna suður og tóku þátt í sínum riðli sem var svo bara einn leikur þar sem Valur dró sig úr á siðustu stundu og við erum sameinað lið KFÍ/Hörður Patró sem er flott mál.

Stelpurnar spiluðu því einungis einn leik gegn KR-B og unnu hann örgugglega, lokatölur 56-18.

Stúlknaflokkur sem er sameiginlegt lið KFÍ og Tindastól spilaði þrjá leiki. Sá fyrsti var gegn sterku liði KR/Snæfell þar sem við töpuðum sannfærandi. En næstu tveir leikir stúlknanna unnust og voru þeir gegn Breiðablik og Fjölni þannig að uppskera stúlkanna til fyrirmyndar þessa helgi.

Sigur og tap hjá 11.flokk drengja

Strákarnir flottir

Strákarnir í 11.flokk voru heima með fjölliðamót og að þessu sinni voru þau þrjú liðin sem kepptu. Það voru auk okkar drengja lið ÍR og Skallagríms.

Fyrri leikur okkar var gegn ÍR og voru sunnandrengir ögn sterkari og tóku þanna slag 53-72.

Stig KFÍ. Dagbjartur 27 stig, Haukur 13, Hákon Ari 8 stig, Helgi 4, Óskar 2 stig, Andri 2 stig.

Seinni leikurinn var gegn liði Skallagrím og var það hörkurimma sem Haukur tók stigin á línunni í blálokin, en strákarnir spiluðu þennan leik vel saman. Lokatölur 47-46.

Stig KFÍ. Haukur 13 stig, Hákon Ari 12,  Helgi 9 stig, Kjartan Elí 6 stig, Dagbjartur 5 stig, Óskar 2 stig.

ÍR tapaði svo fyrir Skallagrím 56-59 þannig að þetta var hörkuspennandi riðill sem hér var spilaður og strákarnir í framför.

Áfram KFÍ.

Ágætisleikur KFÍ dugði ekki gegn sprækum KR strákum

Momci var þéttur í kvöld

Ty og Kristó áttu skemmtilegan dag saman

BJ var flottur á meðan hans naut við

1 af 3

Það var annar bragur á leik KFÍ í kvöld og margt sem taka má frá þessum leik sem túlkast sem jákvætt. Við verðum þó að muna að þriggja stiga skotin bjarga ekki öllu og vorum við ískaldir á Jakanum í fyrri hálfleik, en það skánaði í þeim seinni.

KR komu vel stemdir til leiks með Kristófer Acox í fantaformi og hann ásamt Martin Hemannssyni og Brynjari Birni voru allt í öllu hjá KR, þó að Helgí Már og Gústi hafi ekki verið langt á eftir. Helgi stjórnaði vel á gólfinu og leikurinn flæddi vel. Og stýrðu þeir þessum sigri örugglega í höfn, lokatölur 82-96.

Það voru þó dómararnir sem áttu flesta sprettina og voru ekkert að flauta of lítið. Villur voru ófáar og ekki alveg ljóst hvar þessi svokallaða lína liggur í dag. Það kann ekki góðri lukku að stýra þar sem þetta ruglar alla í ríminu og það sem má í einum leik má alls ekki í þeim næsta og á þetta við leikinn í heild sinni og á öll lið.

Annars voru strákarnir í KFÍ þrælsprækir og áttu fína spretti. Momci var á bekknum lungann úr leiknum í villuvandræðum sem og voru stóru strákarnir allir í villuvandræðum og riðlaði það leiknum töluvert þar sem Helgi, Jón Orri, Gústi og Acox kunna að sækja að körfunni og nýttu sér það.

Það er annar ekki mikið að segja frá. Það sáust flottir taktar báðum megin vallarins og tilþrif hjá Martin og Kristó glöddu viðstadda.

Hjá KFÍ var Momci skástur og setti 22 stig og tók 6 fráköst. Ty spilaði sinn fyrsta leik í kvöld og er því fagnað að fá stóran dreng inn í teig og átti hann fína spretti. hann er þó enn með "fluglappir" hanns etti þó 16 stig og tók 4 fráköst og var með fína nýtingu. BJ var sendur í sturtu fyrir tvær óíþróttamannslega vinnur. Sú fyrri var hárrétt, en sú seinni fékkst á tombólu. Hann kláraði þó leikinn með 18 stig, 3 fráköst og 3 stoðir. Kristján Pétur er að komast í leikform og átti í dag 12 stig. Jón Hrafn var flottur þegar hans naut við, en villurnar fuku á hann og endaði hann á bekknum með 5 slíkar. Hann náði þó að setja 8 stig, taka 6 fráköst og var 100% frá þriggja stiga landinu. Mirko endaði með 6 stig og 9 fráköst.

Tölfræðin

Næsti leikur KFÍ er úti gegn Njarðvík í Dominos deildinni, og svo er heimaleikur á Jakanum n.k sunnudag 18. nóvember gegn frændum okkar frá Snæfell í Lengjubikarnum