Kraftur í krílakörfunni

Í haust hefur mikið fjör verið á miðvikudögum í íþróttahúsinu við Austurveg en þar mæta allt að 17 krakkar á aldrinum 3-5 ára í krílakörfu KFÍ. Krakkarnir eru mjög duglegir og skemmta sér konunglega á æfingunum. Þessi mynd var tekin á æfingu síðasta miðvikudag en þá voru margir krakkanna að fá KFÍ búning og ríkti mikil gleði á æfingunni.

Sirrý og Rósa geta alltaf tekið við nýjum krílum sem vilja prófa körfubolta. Mikið er lagt upp úr leikjum með og án bolta, grunnfærni, s.s að kasta og grípa, og að efla hreyfiþroska barnanna. Rétt er að geta þess að æfingarnar eru foreldum að kostnaðarlausu.

Hvammstangaferð 9. flokks drengja

9. flokkur ásamt strákum úr 7. flokki

9. flokkur drengja tók þátt í fjölliðamóti um helgina.  Mótið fór fram á Hvammstanga og vannst einn leikur af fjórum.

Svipmyndir úr leik KFÍ og Grindavíkur frá Fjölni

Eins og venjulega er meistari Fjölnir Baldursson mættur með vélina og er maðurinn á gólfinu. Það er frábært að eiga þennan mann að og þakkar KFÍ-TV og allir í félaginu honum kærlega fyrir allt sem hann hefur gert. Hér eru klippurnar úr leiknum í gær gegn Grindavík.

KFÍ-Grindavík

Margt gott þrátt fyrir stórt tap gegn Íslandsmeisturunum

Mirko var frábær í leiknum

Það er furðulegt að segja og enn einkennilegra að skrifa en margt jákvætt er hægt að taka frá þessum leik sem gott er þrátt fyrir stórt tap. Lokatölur 94-122.

Biggi þjálfari leyfði öllum að spreyta sig og tíu leikmenn KFÍ léku meira en níu mínútur í leiknum og fengu flotta reynslu gegn feykisterku liði Grindavíkur. Í stuttu máli spiluðu strákanir á pari við gestina meiri hluta leiksins, en svo dró í sundur og vó reynsla gestana þar þungt.

Meira verður skirfað um leikinn á karfan.is seinna í kvöld og er hægt að lesa meira þar. Það er þó skoðun okkar hér á kfi.is að Jason fái ekki mikið fyrir sinn snúð og er stundum full langt gengið að stoppa hann í leik sínum. það hafði ekkert með úrslit leiksins að gera, en þetta er bagalegt og tekur af honum greinlega. 

Mirko átti enn einn stórleikinn og var með 34 stig og 11 fráköst og Jason var með  24 stig og 8 stoðsendingar. Við söknuðum einnig Gústa mikið en hann er í því núna að taka á móti körfubolta erfingja og sendum við góða strauma til þeirra.

Það fá allir í liðinu stórt klapp frá okkur fyrir að berjast vel og með tímanum munu svona leikir gefa félaginu mikið. Það á að taka það góða með sér úr leik sem þessum og læra af hinu, því til þess að verða betri þurfa menn að gera mistök. Og það er ekki dónalegt að fá 94 í framlag þrátt fyrir að tapa stórt. Menn eru þó að berjast og það vel!

Áfram KFÍ

Leikur KFÍ gegn Grindavík settur á morgun þrátt fyrir kröftug mótmæli

Leikur KFÍ gegn Grindavík var frestað í dag og er nýr leiktimi settur á morgun laugardag kl.17.00. Þetta var gert af mótanefnd en ekkert tillit var tekið til þess að KFÍ vildi leikinn á sunnudag kl.19.15 til þess að fá sem flesta á leikinn. 

þess má geta að þegar við sáum að leiknum var frestað þá fórum við inn á kki.is og þar stóð með stórum stöfum að leikurinn væri 24.nóvember sem er á sunnudaginn k.19.15 og auglýst á fésbókinni. 

En leikurinn er sem sagt settur á morgun laugardag 23.nóvember kl.17.00

Leikurinn er einnig sýndur í beinni á KFÍ tv fyrir þá sem komast ekki.

Sigurför 7. flokks drengja til Reykjavíkur – miklar framfarir

7. flokkur KFÍ með Mirko þjálfara og Irek fararstjóra

Strákarnir í 7. flokki drengja KFÍ gerðu sér lítið fyrir og sigruðu þrjá af fjórum leikjum sínum á fjölliðamóti KKÍ sem  haldið var í Reykjavík um nýliðna helgi. Mótið fór fram í íþróttahúsi Kennaraháskólans og öttu strákarnir kappi við Ármann b, Breiðablik b, Álftanes og ÍR. Mjög naumt var á munum í leiknum gegn Breiðablik og fór svo á endanum að Blikarnir rétt mörðu sigur á okkar mönnum, 26-22. Mótið er annað af fjórum mótum sem liðið tekur þátt í vetur og ef fram fer sem horfir eiga strákarnir góða möguleika á því að vinna sig upp um riðil í vetur en þeir keppa nú í D-riðli.

Þjálfari 7. flokks er Mirco Virijevic, meistaraflokkskempa KFÍ, og hefur liðið tekið miklum framförum undir hans stjórn í vetur. Mjög góður andi ríkir í liðinu og sýndu strákarnir það bæði innan sem utan vallar. Lið helgarinnar var skipað þeim Gísla Steini, Þorleifi, Michau og Daníel sem allir eru fæddir 2001 og minniboltastrákunum Agli, Hilmi, Huga og Guðmundi, sem fæddir eru 2002. Þess má geta að yngri strákarnir æfa og keppa einnig í minnibolta á meðan þeir eldri hlaupa í skarðið í keppni hjá 9. flokki drengja þegar þörf krefur enda er um sameiginlegan æfingahóp drengja á aldrinum 11-14 ára að ræða og hafa margir þeirra æft saman um árabil þrátt fyrir aldursmuninn.

KFÍ var stigahæst í riðlinum eftir mót helgarinnar en þar sem liðið var einungis skipað 8 leikmönnum náði það ekki upp um riðil. Sú regla er viðhöfð í yngri flokkum körfunnar að þau lið sem tefla fram tíu leikmönnum eða fleirum í keppni fá aukastig fyrir. Okkar menn urðu af aukastiginu í þetta sinn en þar sem verulega hefur fjölgað í yngri flokkum KFÍ í haust standa vonir til þess að æfingahópurinn stækki á næstu vikum og liðið geti þannig mætt með a.m.k. tug leikmanna á næsta fjölliðamót, sem fram fer í febrúar.

Glæsileg frammistaða hjá drengjunum en vítin þarf aðeins að æfa, strákar fengu 26 víti í mótinu og settu 6 niður, það er ekki nógu gott.  Nú er æfa víti og önnur skot og gera betur næst.

Úrslit helgarinnar:

Ármann : KFÍ                     15 – 24

Sigin:

Hilmir 12

Daníel 6

Egill 2

Hugi 2

Guðmundur 2

Breiðablik : KFÍ                 26 – 22

Stigin:

Hilmir 11

Egill 6

Hugi 4

Daníel 1

Álftanes : KFÍ                     22 – 40

Stigin:

Hilmir 17

Hugi 8

Daníel 6

Gísli 4

Egill 2

Þorleifur 2

Guðmundur 1

ÍR : KFÍ                                15 – 30

Stigin:

Guðmundur 10

Hugi 7

Hilmir 7

Daníel 4

Egill 2

Og þá er ísinn brotinn hjá strákunum af Jakanum

Jason fór á kostum í kvöld

Nú rétt í þessu voru strákarnir að leggja ÍR í hörkuleik í Seljaskóla og er það mikill léttir hjá Bigga og lærisveinum hans sem hafa svo oft verið hársbreiddina frægu frá því að innbirða sigur. Nú er að byggja á þessu næstu vikurnar en guttarnir eru niður á jörðinni og vita að ermar þurfa að brettast og sækja þarf Bjössa bónda.

Jason sýndi allra sínar sparihliðar með þá Mirko og Gústa með sér í stuði, en þetta var algjör liðssigur.

Meira verður skrifað á karfan.is seinna í kvöld, þannig að fylgist með grannt.

Áfram KFÍ

Súrt tap gegn Haukum

Enn og aftur eru það leikmenn okkar sem tapa leik og núna gegn Haukum á útivelli. Lokatölur 73-67.

Það sem er að hrella okkur eru tapaðir boltar og þannig fara leikir. Í gær voru það 25 tapaðir boltar sem fór með leikinn en við áttum mjög góðan séns að landa sigri og á köflum vorum við að spila ágætlega, en það vantaði herslumuninn og aðalega þurfa aðrir að stíða upp en Mirko og Jason til að dreyfa stigaskorinu. Þessir ágætu menn geta ekki dregið vagninn í allan vetur og er mikil pressa á þá inn á vellinum. En koma tímar koma ráð og við höfum trú á að þessu verði snúið við með sameiginlegu átaki drengjanna og Bigga þjálfara. 

Nánar um leikinn á karfan.is

Stelpustuð í KFÍ

Heiðdís þjálfari með stelpurnar sína í minniboltanum.

Það er sannkallað stelpustuð þessa dagana hjá KFÍ því mikil fjölgun hefur orðið á iðkendum í minnibolta stelpna í haust. Hátt í 20 stelpur á aldrinum 9-10 ára æfa núna körfubolta hjá félaginu undir styrkri stjórn Heiðdísar Hrannar Dal Magnúsdóttur.  Þær eru þegar búnar að fara á eitt mót,  Sambíómótið sem íþróttafélagið Fjölnir í Grafarvogi hélt í byrjun nóvember. Var KFÍ með tvö lið í þessum flokki og er nokkuð síðan slíkt hefur gerst innan félagsins og er það mikið gleðiefni. Stelpurnar stóðu sig gríðarlega vel og eiga svo sannarlega framtíðina fyrir sér í körfunni.

Frábær barátta dugði ekki til, en allt annað KFÍ lið mætt til leiks

Gústi vex með hverjum leik. Mynd Halldór Sveinbjörnsson/bb.is

Það voru margir búnir að spá að KR myndu mæta hér vestur og kjöldraga ungt og óreynt lið KFÍ og það leit út fyrir það eftir að KR nýttu sér hæð sína og bökkuðu strákana í KFÍ inn í teig og skoruðu körfur og fengu aukskotin á línunni. Allt plan KR var að ganga upp. Þeir pressuðu Jason hátt og komu honum úr takt vð leikinn og var farið að fara um suma. Staðan eftir fyrsta leikhluta var  28-16 og allt leit úr fyrir að KR myndu strauja strákana.

En með baráttu komust púkarnir í takt við leikinn og annar leikhuti var í járnum. Það voru þó gestirnir sem gengu í leikhlé með 46-57 stöðu sér í vil og vörnin hjá KFÍ ekki að standast gott áhlaup KR og var nýting þeirra um 80% inn í teig. 

Biggi hefur heldur betur hent í góða hálfleiksræðu og það var allt annað KFÍ lið sem kom til leiks eftir tepásuna. Vörnin fór að halda og það var alveg sama hvern Biggi sendi inn á völlinn baráttan var til fyrirmyndar og til marks um það skoruðu KR einungis 15 stig í þeim þriðja. Fjorði leikhluti var skemmtilegur og allir að kasta sér á bolta beggja vegna vallarins en að lokum kom reynsla KR til og gerði það gæfumuninn. Gestirnir fóru með sigur og lokatölur 77-91. 

Það sem gladdi í kvöld var traustið sem Biggi sýndi leikmönnum sínum. Allir leikmenn KFÍ komu að og komust vel frá sínu. Það sem skildi að var hæð og reynsla KR sem sýndu frábæra takta á köflum, en það er öruggt að þeir bjuggust ekki við svona mótlæti frá KFÍ eftir að hafa sett 57 stig í fyrri hálfleik. Þeir skoruðu aðeins 34 sig í þeim síðari og það voru Jón Orri, Martin og Helgi sem áttu fínan leik. Pavel fékk ekki mikið ráðrúm og var farið að pirra hann aðeins. KR var þó alltaf með þennan leik í höndum sér og eru með frábæran hóp sem verður í toppbaráttunni í vetur.

Hjá KFÍ voru Mirko, Gústi og Jason allt í öllu í sóknarleiknum og eru það gleðitíðindi að Gústi skuli vera farinn að finna sína fjöl hér fyrir vestan. Jason fékk ekki mikið ráðrúm enda alltaf með tvo á sér þegar hann snerti boltann, en hann átti fínar rispur.

Það er þó vert að hrósa öllu liði KFí í kvöld fyrir frábæra baráttu. Með svona áfframhaldi verður áhugavert að sjá hve langt þeir komast. Enginn skal afskrifa þess drengi. Hraunar meiddist illa eftir samstuð við Pavel og við vonum að hann komi sem fyrst til baka.

Tölfræði leiksins

Það helsta úr leiknum frá Fjölni

Áfram KFÍ