Vel mætt í jólaboltann

Hópurinn í ár var ekki af verri endanum.

Sigurvegararnir í ár með verðlaunin. Björgvin, Birgir, Daníel og Unnþór.

1 af 2

Vel var mætt í jólaboltann á aðfangadaginn en hann var haldinn í 34. skiptið samkvæmt kunnugum. Mátti þar sjá margar gamlar stjörnur sem keppt hafa fyrir félagið í gegnum tíðina og sýndu þeir margir að þeir hafa litlu gleymt þrátt fyrir stækkandi vömb og hækkandi aldur.

Það fór svo að lokum að lið skipað Björgvin Sigurðssyni, Birgi Péturssyni, Daníel Þorsteinssyni, Unnþóri Jónssyni og Viðari Júlíussyni stóðu uppi sem siguvegarar.

Myndasafn frá boltanum

Gleðileg jól

GLEÐILEG JÓL. Mynd Guðfinna Hreiðarsdóttir

Þrátt fyrir smá óveður létu krakkarnir það ekki aftra sér frá að mæta í hinn árlega jólabolta KFÍ og skemmtu sér vel. Í lokinn fóru allir heim með smá nammi og gleðin skein úr hverju andliti. Þegar krakkarnir kláruðu komu stóru krakkarnir og hefur sú hefð verið allt frá árinu 1979 og við höldum að Gaui Þ. hafi verið viðstaddur öll skiptin.  

Við hjá KFÍ óskum öllum gleðilegra jóla og vonum að allir fái ást og umhyggju.

GLEÐILEG JÓL

Jólakarfa á aðfangadag

Jólakarfan verður samkvæmt hefðinni á aðfangadag og hvetjum við alla krakka í KFÍ til að mæta og bjóða systkinum sínum og foreldrum með. Frá klukkan 11 til 12 verður íþróttahúsið á Torfnesi opið fyrir börn til 14 ára aldurs og er von á óvæntum gesti sem mun gleðja yngri kynslóðina. Frá klukkan 12 til 14 taka eldri iðkendur við, en segja má að þar fái þeir gullið tækifæri til að hreyfa sig ærlega áður en haldið er heim í jólasteikina. 

Stjórn yngri flokka KFÍ óskar öllum iðkendum félagsins og aðstandendum þeirra gleðilegra jóla og farsæls nýs árs.

Dómaranámskeið í janúar

KKÍ mun standa fyrir dómaranámskeiði sem hefst um miðjan janúar og mun námskeiðið verða kennt á veraldravefnum með fjarkennslu og lýkur henni með bóklegu prófi á netinu.

Verkleg kennsla fer svo fram í lok febrúar á fjölliðamóti yngri flokka og verður fjölmennt á þá staði þar sem auðveldast er fyrir flesta að mæta eða jafnvel verklega prófið tekið á tveim mismunandi stöðum eins og hentar.

Skráning er á netfanginu kki@kki.is og lýkur skráningu föstudaginn 10. janúar. Þátttökugjaldið er 4.000 kr. og sem greiða verður fyrir upphaf námskeiðisins.

Um er að ræða nýtt fyrirkomulag dómaranámskeiða á vegum KKÍ en byrjað var í fyrravetur að kenna á netinu og tókst það gríðarlega vel.

Tilgangurinn er að ná til fleiri þátttakenda og taka námskeiðið á lengri tíma en verið hefur hingað til. KKÍ vonast til að með þessu nýja fyrirkomulagi gefi fleiri sér tíma til að sækja námskeið og taka þannig þátt í eflingu körfuknattleiksíþróttarinnar út um allt land.

Óhætt er að segja að þetta fyrirkomulag hefur slegið í gegn og þátttakendur ráða námshögun og framvindu innan vissra marka sem gerir þátttöku mun auðveldari. 

OV og KFÍ í samstarf

Hér eru þeir Sævar Óskarsson formaður og Halldór Magnússon frá Orkubú Vestfjarða að handsala samniginn. Með þeim er fyrirliði KFÍ Jón Hrafn Baldvinsson og þjálfari okkar Birgir Örn Birgisson

Það var gleðistund í hálfleik og má segja að birt hafi yfir salnum þegar Orkubú Vestfarða og KFÍ skrifuu undir þriggja ára samning. Þetta er mikið gleðiefni fyrir okkur í KFÍ og erum við afar þakklát fyrir þenna stuðning. Það er ekki hægt að halda úti félagstarfi án stuðning fyrirtækja og er O.V. að bætast í stóran og góðan hóp sem heldur utan um KFÍ.

Jason Smith farinn frá KFÍ

Stjórn Körfuknattleiksfélags Ísafjarðar leysti í morgun Bandaríkjamanninn Jason Anthony Smith undan samningi hans við félagið. Var það gert að ósk Jasons sem hefur fengið gott tilboð um að leika með körfuknattleiksliði í Brasilíu.

Stjórn KFÍ þakkar Jason fyrir afar gott starf í þágu liðsins, jafnt innan sem utan vallar, og óskar honum alls hins besta á nýjum og krefjandi vettvangi.

Vænta má þess að nýr erlendur leikmaður bætist fljótlega í hóp leikmanna KFÍ og verður greint nánar frá því í fyllingu tímans. Mirko Virijevic, sem átt hefur frábært tímabil hjá KFÍ í vetur, mun taka við þeim verkefnum sem Jason hefur haft með höndum í yngri flokkum KFÍ.

Sigur í síðasta leik fyrir jól

Óskar var frábær í kvöld og setti 18 stig.

KFÍ og Valur mættust í kvöld á Jakanum á Ísafirði. Bæði lið hafa verið í botnbaráttunni í vetur en fyrir leikinn var KFÍ í níunda sæti með 4 stig á meðan Valur var í því tólfta með 2 stig.

KFÍ tekur á móti Val á morgun 15. desember

Á morgun sunnudag koma Valsmenn hingað heim og vonum við að okkar drengir séu ekki komnir í of mikinn jólagír því þetta er jú síðasti leikurinn á árinum og því sannkallaður jólaleikur.

Valur hefur háð erfiða baráttu í deildinni. Þeirra á meðal er Birgir Björn Pétursson og bjóðum við hann náttúrulega velkomið á gamla parketið sitt. Muurikka pannan verður á sínum stað og byrjum við þar 18.30 með dýrindis mat. Nú er bara að klára vinnuna, koma upp á Jaka og fá sér að borða fyrir leik sem hefst kl.19.15.

Fyrir þá sem ekki komast á leikinn er hann sýndur eins og ávallt á KFÍ-TVog hefst útsending kl.18.50.

Áfram KFÍ

Enn eitt frábært myndaband frá meistara Fjölni Baldurssyni

Snillingur

Fjölnir Baldursson er orðinn órjúfanlegur partur af KFÍ og mætir með vélina á alll leiki með okkur á KFÍ-TV og er maðurinn á gólfinu. Hann er einstaklega laginn að sýna frá leikjum og sýnir bestu hliðar beggja liða eins og á að gera í leikjum. Við kunnum honum bestu þakkir fyrir hans ómetanlega framlag

Hér eru "háuljós" frá leik KFÍ og Snæfell

Spennusigur á Ísafirði