Fyrsti leikurinn í Dominos deildinni á föstudag á Jakanum

Þá er þetta að byrja. Fyrsti leikur okkar í Dominos deildinni er á föstudaginn 11.október og hefst kl.19.15. Gestir okkar að þessu sinni eru lið Njarðvíkur er þeim er spáð þriðja sæti í deildinni og er því um að ræða gríðarlega öflugt lið á ferð. Við erum "undirhundar" í spánni og er okkur spáð falli, en þess ber að geta að þetta er spá og það er alls ekki í plönum Bigga þjálfara eða leikmanna KFÍ að láta spána rætast..

Við viljum sjá fullt hús á föstudagskvöldið og hvertjum alla að koma með verkfæri til að gera læti og gleðja okkur og ykkur í leiðinni. Árskort KFÍ verða til sölu í andyrinu og auðvitað er ekkert eins gott að eiga það í vasanum. Við munum kyna fríðindi sem fylgja kortinu í þessari og næstu viku og það er pottþéttt að þetta kort verður búið að borga sig upp á mettíma.

Og að sjálfsögðu verðum við með Muurikka borgarana á sínum stað fyrir leik með meistara Steina þannig að gott er að skella sér á Jakann um 18.30 og taka kvöldið snemma með okkur

Áfram KFÍ

Uppfært 11. okt kl 11:10 - Njarðvíkingar eru lagðir af stað keyrandi vestur og dómararnir lentu á Þingeyri áðan þannig að veðrið stoppar ekki leikinn af í kvöld!

''Is this a joke?'' Af Skálarvíkurhlaupinu mikla.

Strákarnir mættir í Skálavík.

1 af 7

Þeir vissu að það var útihlaup en þeir vissu ekki hvað Birgir Örn þjálfari hafði í huga fyrir þá. "Is this a joke?", spurði Jason gáttaður á laugardaginn þegar búið var að skutla meistaraflokki karla yfir í Skálavík og þeim var sagt að hlaupa yfir til Bolungarvíkur. En þetta var sko ekkert grín og hópurinn lagði af stað yfir fjall, öslandi skaflana í vetrarríkinu á Skálavíkurheiði. Á leiðinni biðu strákanna ýmsar þrautir til að leysa, s.s. eins og að ýta bílunum sem þeir höfðu komið með. Þannig komst virðulegur formaður KFÍ hvorki lönd né strönd á sínum ameríska eðaljeppa og þurfti heilt körfuboltalið til að koma honum yfir heiðina. Körfuboltahetjurnar leystu allar þessar þrautir með sóma og skiluðu sér allir sem einn í heita pottinn í sundlauginni í Bolungarvík. Þjálfarinn verðlaunaði þá svo með því að bjóða þeim heim í ítalskan málsverð. Og það var nú meira en að segja það því að þessir piltar voru SVANGIR eins og soltin úlfahjörð eftir afrek dagsins. Þau Sigrún og Birgir Örn kipptu sér ekki upp við það og matreiddu ofan í hópinn eins og ekkert væri, svona fyrir utan smá stirðleika í þjálfaranum eftir hlaupið. Þessari æfingu gleyma menn væntanlega ekki í bráð.

Þjálfaramenntun ÍSÍ - fjarnám

Haustfjarnám 1. stigs þjálfaramenntunar ÍSÍ hefst 7. október næstkomandi.  Skráning hefur verið góð en enn eru laus pláss í námið sem er allt í fjarnámi og gildir jafnt fyrir allar íþróttagreinar. Skráning er á namskeid@isi.is eða í síma 514-4000.   Um að gera að skella sér í frábært nám sem gefur réttindi og þekkingu til að takast á við frábært og gefandi starf við íþróttaþjálfun.  Allar frekari upplýsingar um þjálfaramenntun ÍSÍ gefur Viðar Sigurjónsson skrifstofustjóri ÍSÍ á Akureyri í síma 460-1467 eða á vidar@isi.is.

Fjarnám 2. stigs hefst 14. okt og stendur skráning yfir.

Guðmundur Jóhann Guðmundsson semur við KFÍ

Gummi og Sævar formaður í góðum gír

Gummi okkar hefur samið að nýju við KFÍ og eins og við höfum sagt áður eru strákarnir okkar mikilvægur hlekkur í keðjunni og þar er Gummi engin undantekning. Við erum ákaflega glöð yfir því að allir drengirnir hafa sett nafn sitt á blað og nú fer leikmannalisti okkar að verða tilbúinn.

Áfram KFÍ

KFÍ á Greifamótið í körfubolta

Strákarnir verða á Akureyri á helginni. Mynd: Karfan.is

Nú um helgina fer fram hið árlega Greifamót í körfubolta karla á Akureyri. Auk heimamanna í Þór mæta Höttur, FSu og KFÍ. Mótið hefst á föstudagskvöld með leik Þórs og Hattar klukkan 19:00 svo um klukkan 21:00 mætast KFÍ og FSu. 

Leikjaplan laugardagsins
Kl. 09:00 Þór – FSu 
Kl. 11:00 Höttur – KFÍ 
Kl. 14:00 Höttur – FSu 
Kl. 16:00 Þór – KFÍ

KR sluppu með skrekkinn gegn KFÍ

Mynd: Jón Björn/Karfan.is

Hamar engin fyrirstaða í kvöld á Jakanum

Og þá erum við komnir áfram

KFÍ og Hamar mættust í kvöld í Ísjakanum á Ísafirði í lokaleik liðanna í riðlakeppni Lengjubikarsins. KFÍ var fyrir leikinn í 2. sæti C-riðilsins og átti góða möguleika á að komast í 8. liða úrslitin með sigri. Hamar hafði hins vegar tapað öllum fimm leikjum sínum í riðlinum og því skiptu úrslit úr þessum leik þá litlu sem engu máli.

Hamar í heimsókn á Jakann

Núna eru þeir í sama liði og ætla að sýna tennurnar

Liðið hans Lalla frá Hveragerði er á leið til okkar til að leika gegn okkur síðasta leikinn í Lengjubikarnum sunnudagskvöldið 22.september. Við eigum möguleika á að komast áfram í þessari skemmtilegu keppni með því að sigra þennan leik og eru því allir kallaðir á svellið. Fyrri leikur okkar gegn þeim vannst en þessir strákar úr Hamri eru í þessu til að sigra leiki og koma ekki hingað í þeim eina tilgangi að láta taka myndir af sér. Það er því nauðsynlegt að alli mæti tilbúnir til verks, leikmenn sem og stuðningsmenn/konur.

Leikurinn hefst kl.19.15 og fyrir þá sem ekki komast þá er KFÍ-TV að sjálfsögðu í vinnu og byrjar útsending þeirra kl.18.50 og er hægt að sjá leikinn HÉR

Áfram KFÍ

Sigur á Skallagrím í Lengjubikarnum

KFÍ og Skallagrímur mættust í kvöld í C-riðli Lengjubikarsins. Bæði lið þurftu nauðsynlega á sigri að halda í leiknum, Skallagrímur til að tryggja sig áfram úr riðlinum og KFÍ til að halda lifandi möguleikanum á að komast í 8. liða úrslit bikarsins.

Körfuveisla um helgina á Jakanum

Mirko er tilbúinn

Það verður kátt á Jakanum um helgina en þá fáum við Skallagrím og Hamar í heimsókn í Lengjubikarnum. Fyrri leikurinn er á föstudagskvöldið 20.september kl.19.15 gegn Skallagrím úr Borgarnesi en fyrri leikur þessara liða var spennandi og fóru fjósamenn með sigur í þeim leik og verður því örugglega barist sem aldrei fyrr.

Seinni leikurinn er á sunnudgaskvöldið 22.september kl19.15 en þá mæta drengirnir hans Lalla frá Hveragerði til okkar. Fyrri leikur okakr gegn þeim endaði með sigri okkar og er einnig víst að Lalli lemur sína sveina áfram.

Það verður því sannkölluð körfuboltaveisla um helgina og skorum við á alla að fjölmenna og taka þátt.

Fyrir stuðningmenn okkar sem eru fjarri heimahögum eða stuðningsmenn gesta okkar þá minnum við á KFÍ-TV sem verður nú sem endranær í góðum gír og hefst útsending frá báðum viðureignum kl. 18.50

Hér er smá STRÍÐNI frá strákunum á KFÍ-TV

Áfram KFÍ