Knattspyrna | 01.12.2014
Miðjumaðurinn Joey Spivack skrifaði undir eins árs samning við BÍ/Bolungarvík fyrir helgi og mun þ.a.l. spila með félaginu á næstu leiktíð. Spivack er 24 ára gamall en hann lék 10 leiki með Víking Ó. í sumar og skoraði í þeim 2 mörk. Þar áður lék hann í heimalandi sínu Bandaríkjunum og svo í 2 ár með Kemi Kings í Finnlandi.
Spivack hefur einnig leikið í Belgíu og Englandi á ferli sínum en hann var í akademíu New York Red Bulls á sínum tíma.
BÍ/Bolungarvík bíður Joey Spivack velkominn til félagsins.
Nánar
Knattspyrna | 30.11.2014
Aðalfundur Boltafélags Ísafjarðar verður haldinn á veitingahúsinu Bræðraborg að Aðalstræti 22 Ísafirði miðvikudaginn 10.desember nk. Fundurinn hefst kl. 20:00
Dagskrá samkvæmt lögum félagsins:
1. Fundur settur
2. Kosnir fundarstjóri og fundarritari
3. Skýrsla stjórnar
4. Reikningar félagsins lagðir fram
5. Umræður um skýrslu og afgreiðsla reikninga
6. Lagabreytingar
7. Ákvörðun árgjalda
8. Kosningar
9. Önnur mál
Á fundinum verður borin upp tillaga um að ganga til formlegra viðræðna um sameiningu íþróttafélaga.
Stjórnin
Nánar
Knattspyrna | 12.11.2014
Þrír leikmenn 2.flokks karla BÍ/Bolungarvík tóku þátt í landsliðsæfingum dagana 8.-9.nóvember sl. Daði Freyr Arnarsson og Viktor Júlíusson tóku þátt í æfingum U-17 og Elmar Atli Garðarsson tók þátt í æfingum U-19. Allir spila þeir með 2.flokki og spiluðu allir leiki með meistaraflokki BÍ/Bolungarvík á þessu ári í Lengjubikar eða Íslandsmóti.
Nánar
Knattspyrna | 04.11.2014
Viktor Júlíusson leikmaður 2.flokks og meisaraflokks BÍ/Bolungarvík, tók þátt í 2 leikjum með U-17 landsliðinu í undanriðli EM sem fór fram í Moldóvu dagana 15.-20.október sl. Viktor kom inn á í leik gegn Moldóvu, og var svo í byrjunarliðinu í lokaleiknum gegn Ítalíu.
Nánar
Knattspyrna | 28.10.2014
Stelpudagur BÍ/Bolungarvíkur verður nk.laugardag 1.nóvember í íþróttahúsinu Torfnesi og íþróttahúsinu Árbæ, Bolungarvík.
Harpa Þorsteinsdóttir( Stjarnan) og Rakel Hönnudóttir( Breiðablik) leikmenn kvennalandsliðs Íslands koma í heimsókn, spjalla við stelpurnar, taka þátt/aðstoða við æfingu og gefa áritun. Dagskráin er eftirfarandi:
Í íþróttahúsinu Torfnesi kl.10:30-12:00 fyrir stelpur í 4., 3. og m.fl kvenna (fæddar 2002 og eldri)
Í íþróttahúsinu Torfnesi kl.12:00–13:30 fyrir stelpur í 8., 7., 6. og 5.fl.kvk (fæddar 2003 og yngri)
Í íþróttahúsinu í Bolungarvík kl.15:00–16:30 fyrir allan aldur.
HVETJUM ALLAR STELPUR TIL AÐ MÆTA
Nánar
Knattspyrna | 24.10.2014
Nánar
Knattspyrna | 21.10.2014
Jón Hálfdán Pétursson hefur verið ráðinn þjálfari BÍ/Bolungarvíkur í 1. deildinni en hann hefur áður þjálfað yngri flokka félagsins í mörg ár.
Jón Hálfdán skrifaði undir þriggja ára samning við BÍ/Bolungarvík í kvöld.
Hann tekur við af Jörundi Áka Sveinssyni sem hefur stýrt BÍ/Bolungarvík undanfarin þrjú tímabil.
Nigel Quashie verður Jóni til aðstoðar en hann hefur spilað með BÍ/Bolungarvík undanfarin tvö ár.
Quashie spilaði á sínum tíma rúmlega 100 leiki í ensku úrvalsdeildinni en ekki er ljóst hvort hann muni halda áfram að spila með Vestfirðingum næsta sumar eða hvort hann einbeiti sér að þjálfuninni.
Nánar
Knattspyrna | 08.10.2014
Helgina 3.-5.október sl tóku Daði Freyr Arnarsson og Viktor Júlíusson leikmenn BÍ/Bolungarvík þátt í æfingum U-17 landsliðsins. Æfingarnar fóru fram í Fagralundi og voru síðustu æfingar liðsins fyrir undankeppni EM í Moldóvu. Viktor Júlíusson var að lokum valinn í 18 manna lokahóp fyrir leikina í Moldóvu dagana 15.-20.október nk. Daði Freyr stóð í marki U-17 á Norðurlandamótinu í Danmörku dagana 28.júlí-2.ágúst sl.
Nánar
Knattspyrna | 06.10.2014
Uppskeruhátíð yngri flokka BÍ/Bolungarvík fór fram í blíðskaparveðri laugardaginn 4.október. Ætlunin var að halda hátíðina á gerfigrasinu, en það var hins vegar þakið snjó. Hátíðin var því flutt í íþróttahúsið Torfnesi, þar sem að iðkendur léku sér í þrautum undir leiðsögn þjálfara. Um 100 iðkendur mættu og að loknum þrautum var öllum boðið upp á grillaðar pylsur og safa. Í lokin var svo öllum iðkendum færð viðurkenning fyrir sl.vetur og sumar, ásamt því að allir voru leystir út með bolta og sundpoka frá Vífilfell, og 15% afsláttarmiða frá Hafnarbúðinni.
Nánar
Knattspyrna | 02.10.2014
Uppskeruhátíð yngri flokka BÍ/Bolungarvík fer fram laugardaginn 4.október nk. Þá ætlum við að gera okkur glaðan dag á gerfigrasinu milli kl.11:00-13:00. Þar ætlum við að spila fótbolta, veita viðurkenningar, grilla pylsur og hafa gaman. Allir að mæta vel klæddir í bláu frá toppi til táar. Ef veðurguðirnir verða okkur ekki hagstæðir, munum við færa okkur í íþróttahúsið Torfnesi á sama tíma.
Nánar