Þjálfarakynning Þórir

Nú er komið að því að kynna Þórir Karlsson. Þórir hefur verið að þjálfa 8.flokk hjá okkur síðustu 2 ár og staðið sig rosalega vel.  Í vetur verður hann að þjálfa 6.fl og 3.fl stráka í samstarfi við Daniel Badu.  Þórir á ættir að rekja í Hnífsdal og eru það meðmæli sem ekki öllum hlotnast. 

Þjálfarakynning 8.flokkur

Tveir ungir og efnilegir knattspyrnumenn og þjálfara sjá um þjálfun í 8.flokki í vetur.  Þetta eru algjörir gullmolar og sinna krökkunum vel og ná vel til þeirra.  Við lögðum fyrir þá nokkrar spurninga.

Stelpur í fótbolta, gleði og félagsskapur.

Barna og unglingaráð BÍ/Bolungarvík hefur mikinn áhuga á að auka hlut stúlkna hjá félaginu. Á síðasta ári héldum við sérstakan stelpudag og mættu til okkar tvær landsliðskonur sem töluðu við stelpurnar og voru með á æfingu, stefnt er að endurtaka það í vetur.

Aðalfundur Boltafélags Ísafjarðar 2015

Aðalfundur Boltafélags Ísafjarðar verður haldinn fimmtudaginn 5. nóvember næstkomandi kl. 20:30 á Hótel Ísafirði.

Aðalfundur Boltafélags Ísafjarðar 2015

Aðalfundur Boltafélags Ísafjarðar verður haldinn fimmtudaginn 5. nóvember næstkomandi kl. 20:30 á Hótel Ísafirði.

Þrír efnilegir framlengja samning

Félagið framlengdi samninga við þrjá unga og efnilega leikmenn í síðustu viku. Þeir Elmar Atli Garðarsson, Viktor Júlíusson og Pétur Bjarnason skrifuðu þá allir undir nýjan samning. Þeir spiluðu stórt hlutverk síðasta sumar í 1.deildinni og ættu því að vera vel sjóaðir fyrir átökin í 2.deild næsta sumar.

Búast má við fleiri fréttum af samningamálum á næstunni þar sem von er á að framlengja við fleiri uppalda leikmenn.

Ásgeir tekur við meistaraflokki karla.

BÍ/Bolungarvík hefur samið við Ásgeir Guðmundsson um að taka við þjálfun meistaraflokks karla í knattspyrnu. Ásgeir hefur áður komið að þjálfun liðsins. Hann var aðstoðarmaður Guðjóns Þórðarsonar árið 2011 og síðan aðstoðarmaður hjá Jörundi Áka Sveinssyni næstu þrjú ár þar á eftir. Í sumar tók Ásgeir sér frí frá þjálfun en ætlar að taka slaginn á næsta ári í 2. deild.

Ásamt þessari ráðningu er félagið einnig í viðræðum við erlendan þjálfara sem mun þá starfa við hlið Ásgeirs. Félagið reiknar með að tilkynna það fljótlega ef að verður.

Þráinn í landsliðsúrtak U-16

Þær góðu fréttir komu frá KSÍ að Þráinn Arnaldsson markvörður BÍ/Bolungarvík í 3.flokki karla var valinn til að taka þátt í úrtaksæfingum fyrir U-16 ára landslið Íslands.  Þetta er frábær árangur hjá Þránni sem hefur staðið sig gríðarlega vel hjá BÍ/Bolungarvík.  Þráinn er góð fyrirmynd annara og mjög duglegur að æfa.

Jónas ráðinn yfirþjálfari yngri flokka BÍ/Bolungarvík

Jónas Leifur Sigursteinsson hefur tekið við yfirþjálfarastöðu í barna- og unglingaflokkum BÍ/Bolungarvík. 

Fjögur frá BÍ/Bolungarvík á hæfileikamótun KSÍ og N1

Hæfileikamót KSÍ og N1 fyrir leikmenn í 4.flokki karla fór fram í Kórnum í Kópavogi um nýliðna helgi. Halldór Björnsson yfirmaður hæfileikamótunar sá um mótið og voru 92 einstaklingar boðaðir.  BÍ/Bolungarvík átti hvorki fleiri né færri en 3 stráka, þá Þórð Hafþórsson, Þráinn Arnaldsson og Guðmund Svavarsson.  Líkt og áður hefur komið fram á heimasíðunni fór Lára Ósk Albertsdóttir í september fyrir stelpur á sama aldri.

Í sumar ferðaðist Halldór Björnsson um landið með Hæfileikamótun KSÍ og N1 og vann með krökkum á öllu landinu á æfingum.  Halldór kom tvisvar á Ísafjörð í sumar og er þetta mót framhald af þeirri vinnu.  Halldór var mjög ánægður með alla krakkana sem mættu og voru fleiri nálægt því að komast inn á þetta mót.  Við óskum krökkunum okkar til hamingju með flottan árangur.