Knattspyrna | 22.06.2012
Danirnir Alexander Jackson Møller og Mark Tubæk hafa gengið til liðs við BÍ/Bolungarvík. Þeir ættu að verða löglegir með liðinu þegar félagskiptaglugginn opnast um miðjan Júlí en leikmennirnir eru væntanlegir til Ísafjarðar 1.Júlí.
Alexander Jackson Møller er 22 ára varnarmaður og spilaði síðast með Hobro IK og var einnig á mála hjá AGF þar sem hann kemur upp úr unglingastarfi félagsins. Hann á að baki landsleiki með öllum yngri landsliðum Dana.
Mark Tubæk er 24 ára miðjumaður sem var síðast á mála hjá Blokhus FC í dönsku fyrstu deildinni. Hann kemur upprunalega úr unglingastarfi OB í Óðinsvéum. Fyrir hjá liðinu er einn Dani, Dennis Nielsen, sem hefur staðið sig með mikilli prýði í hjarta varnarinnar.
Nánar
Knattspyrna | 16.06.2012
Stelpurnar í BÍ/Bolungarvík tóku á móti Fram í dag og þrátt fyrir 0-4 tap eru greinilegar framfarir hjá liðinu og var haft eftir þjálfara gestanna Agli Þórarinssyni að þetta hafi verið erfiðasti leikur þeirra í sumar. Munur liðanna í dag var stórleikur Maríu Rós Arngrímsdóttur en hún setti í rándýra þrennu (20-65 og 92 mín) og Dagmar Ýr Arnarsdóttir skoraði fjórða mark Fram eftir glæsilega sendingu frá Maríu Rós.
Nánar
Knattspyrna | 05.06.2012
Smábæjarleikarnir 2012 á Blönduósi fara fram helgina 23.-24.júní og mun BÍ vera með lið í 7.flokki blandað, 6.flokki kk og 5.flokki kk. Eins og undanfarin ár eru keppendur í fylgd með foreldrum/forráðamönnum og koma sér sjálfir á keppnisstað, og hafa keppendur gist í tjöldum, en félaginu verður útvegað stóru tjaldsvæði. Þátttökugjald á mótinu er 9.500kr og innifalið í því er morgunverður lau og sun, hádegismatur lau og sun, kvöldverður lau, auk sundferðar.
Gagnlegar upplýsingar um mótsstað:
http://www.hvotfc.is/index.php?pid=190 Skráningarfrestur iðkenda á mótið er til 12.júní og tilkynnist á netfangið: nonnipje@simnet.is
Nánar
Knattspyrna | 03.06.2012
Ný æfingatafla sem tkeur gildi mánudaginn 4.júní og gildir til fimmtudagsins 14.ágúst. Æfingatöfluna er hægt að sjá undir tenglinum "Æfingatafla" vinstra megin á síðunni.
Nánar
Knattspyrna | 20.05.2012
BÍ/Bolungarvík fór í Grafarvoginn í dag og tók á móti heimamönnum í Fjölni. Niðurstaðan var grátlegt 2-2 jafntefli þar sem við náðum meðal annars í 0-2 forystu um miðjan síðari hálfleikinn.
Byrjunarliðið var þannig skipað:
Doddi(M) - Hafsteinn, Sigurgeir, Dennis, Gulli - Ingimar, Haukur, Alexander - Pétur(F), Andri og Goran
Nánar
Knattspyrna | 18.05.2012
Viðtöl og svipmyndir úr leiknum á
vestur.is
Nánar
Knattspyrna | 15.05.2012
FH hefur lánað miðjumanninn Ingimar Elí Hlynsson til BÍ/Bolungarvík. Ingimar Elí er fæddur árið 1992 og kom til FH frá KS/Leiftri haustið 2010 og spilaði mikið með liði FH á undirbúningsmótunum 2011, oftast á miðjunni. Sumarið 2011 var Ingimar Elí lánaður heim aftur í KF og lék hann þá með liðinu í 2.deild. Hann hefur staðið sig vel með FH þegar hann hefur fengið tækifæri á miðjunni í vetur. Hann á einnig tvo landsleiki með U19 ára liði Íslands.
BÍ/Bolungarvík býður Ingimar velkominn vestur á firði og vonar að hann láti fljótt til sín taka á vellinum.
Nánar
Knattspyrna | 15.05.2012
Ísfirðingurinn Guðmundur Atli Steinþórsson (sonur hans Dúa) er genginn til liðs við BÍ/Bolungarvík frá Ýmir (B-lið HK). Guðmundur hefur verið að raða inn mörkum í 3.deildinni undanfarin tvö ár. Hann hefur góða reynslu að baki í 1.deildinni með HK og Fjarðabyggð ásamt því að hafa verið á mála hjá Grindavík og KR í efstu deild. Á sínum yngri árum lék Guðmundur til skiptis með bæði BÍ og HK.
Gummi mun án efa styrkja framlínu liðsins en hann getur bæði leikið í sókn og á miðju.
Nánar
Knattspyrna | 14.05.2012
Bí/Bolungarvík gerði 0-0 jafntefli við Víking R. á Torfnesvelli á laugardaginn síðasta. Þrátt fyrir markaleysi þá vantaði ekki marktækifærin og hefðu bæði lið geta landað sigri, en heilt á litið geta bæði lið verið sátt með jafntefli.
Byrjunarliðið var þannig skipað:
Doddi(M) - Hafsteinn, Sigurgeir, Dennis, Helgi - Sigþór, Haukur, Hafsteinn - Pétur(F)Andri og Goran
Nánar
Knattspyrna | 09.05.2012
Í tilefni þess að tímabilið í 1.deildinni hefst á laugardaginn ætlar meistaraflokkur karla hjá BÍ/Bolungarvík að hita upp fyrir átökin föstudaginn 11.maí næstkomandi og halda leikmannakynningu fyrir stuðningsmenn liðsins. Atburðurinn mun eiga sér stað á kaffihúsinu Húsinu og hefjast lætin klukkan 21:00 að sjálfsögðu eru allir velkomnir. Á dagskránni eru kynningar á leikmönnum liðsins og einnig mun þjálfari liðsins Jörundur Áki Sveinsson og fyrirliðinn Pétur Markan taka til máls og ræða um komandi tímabil og hvernig veturinn hefur verið. Einnig munu stuðningsmenn og konur í Bláum og mörðum vera á staðnum og er þetta tilvalið tækifærið fyrir þá sem vilja komast inn í þá frábæru stuðningssveit að mæta og hita upp fyrir laugardaginn.
Með þessu viljum við hjá BÍ/Bolungarvík vekja upp stemmninguna og leggja okkar af mörkum til þess að stemmningin á leikjum og stuðningur verði frábær eins og hann hefur verið undanfarin ár. Því stuðningsmenn okkar eru okkar tólfti maður.
Fyrir hönd BÍ/Bolungarvíkur
Ásgeir Guðmundsson
Aðstoðarþjálfari BÍ/Bolungarvíkur
Nánar