4.flokkur kk BÍ/Bolungarvík tók þátt í Greifamóti KA helgina 9.-11.mars sl. BÍ/Bolungarvík sendi 2 lið til keppni þar sem 4.flokkurinn er mjög fjölmennur hjá félaginu. Um 30 strákar fóru norður og tóku þátt í mótinu fyrir hönd félagsins, þ.e. A og B-lið.
Skemmst er frá því að segja að A-liðið lenti í 2.sæti á eftir Þór Ak., sem tóku efsta sætið á markatölu. A-liðið vann 5 leiki og gerði 1 jafntefli og markatöluna 11-0.
B-liðið gerði 1 jafntefli og tapaði 4 leikjum og markatöluna 2-8 

Hér má nálgast öll úrslit mótsins:
 http://www.ka-sport.is/greifamot/4fl/2012/?page_id=4

Unglingadómaranámskeið á vegum KSÍ var haldið á Ísafirði á dögunum. Námskeiðið var í formi 3 tíma fyrirlesturs um knattspyrnulögin, svo þreyttu þátttakendur próf í lok námskeiðs. KSÍ útskrifaði 15 unglingadómara hjá BÍ/Bolungarvík og eru þeir á aldrinum 17-27 ára.

Lið 4.fl.kvenna frá BÍ fór um síðastliðna helgi í keppnisferð norður á Akureyri og tóku þar þátt í Goðamótinu. Þetta var fyrsta fótboltamótið sem stelpurnar taka þátt í frá því í sumar og var mikil tilhlökkun í stelpunum að fá loksins að keppa aftur. Þær stóðu sig með mikilli príði og spiluðu mjög flottan fótbolta á köflum og börðurst vel í öllum 6 leikjunum sem þær spiluðu. Að lokum enduðu þær í 4 sæti  b-riðils eftir úrslita leik við KA2 um bronsið. Stelpurnar eru staðráðnar í því að leggja mikið á sig í vetur og mæta vel undirbúnar til leiks fyrir Íslandsmótið í sumar. Atli Freyr Rúnarsson er þjálfari 4.fl.kvenna hjá BÍ