Knattspyrna | 18.05.2012
Viðtöl og svipmyndir úr leiknum á
vestur.is
Nánar
Knattspyrna | 15.05.2012
FH hefur lánað miðjumanninn Ingimar Elí Hlynsson til BÍ/Bolungarvík. Ingimar Elí er fæddur árið 1992 og kom til FH frá KS/Leiftri haustið 2010 og spilaði mikið með liði FH á undirbúningsmótunum 2011, oftast á miðjunni. Sumarið 2011 var Ingimar Elí lánaður heim aftur í KF og lék hann þá með liðinu í 2.deild. Hann hefur staðið sig vel með FH þegar hann hefur fengið tækifæri á miðjunni í vetur. Hann á einnig tvo landsleiki með U19 ára liði Íslands.
BÍ/Bolungarvík býður Ingimar velkominn vestur á firði og vonar að hann láti fljótt til sín taka á vellinum.
Nánar
Knattspyrna | 15.05.2012
Ísfirðingurinn Guðmundur Atli Steinþórsson (sonur hans Dúa) er genginn til liðs við BÍ/Bolungarvík frá Ýmir (B-lið HK). Guðmundur hefur verið að raða inn mörkum í 3.deildinni undanfarin tvö ár. Hann hefur góða reynslu að baki í 1.deildinni með HK og Fjarðabyggð ásamt því að hafa verið á mála hjá Grindavík og KR í efstu deild. Á sínum yngri árum lék Guðmundur til skiptis með bæði BÍ og HK.
Gummi mun án efa styrkja framlínu liðsins en hann getur bæði leikið í sókn og á miðju.
Nánar
Knattspyrna | 14.05.2012
Bí/Bolungarvík gerði 0-0 jafntefli við Víking R. á Torfnesvelli á laugardaginn síðasta. Þrátt fyrir markaleysi þá vantaði ekki marktækifærin og hefðu bæði lið geta landað sigri, en heilt á litið geta bæði lið verið sátt með jafntefli.
Byrjunarliðið var þannig skipað:
Doddi(M) - Hafsteinn, Sigurgeir, Dennis, Helgi - Sigþór, Haukur, Hafsteinn - Pétur(F)Andri og Goran
Nánar
Knattspyrna | 09.05.2012
Í tilefni þess að tímabilið í 1.deildinni hefst á laugardaginn ætlar meistaraflokkur karla hjá BÍ/Bolungarvík að hita upp fyrir átökin föstudaginn 11.maí næstkomandi og halda leikmannakynningu fyrir stuðningsmenn liðsins. Atburðurinn mun eiga sér stað á kaffihúsinu Húsinu og hefjast lætin klukkan 21:00 að sjálfsögðu eru allir velkomnir. Á dagskránni eru kynningar á leikmönnum liðsins og einnig mun þjálfari liðsins Jörundur Áki Sveinsson og fyrirliðinn Pétur Markan taka til máls og ræða um komandi tímabil og hvernig veturinn hefur verið. Einnig munu stuðningsmenn og konur í Bláum og mörðum vera á staðnum og er þetta tilvalið tækifærið fyrir þá sem vilja komast inn í þá frábæru stuðningssveit að mæta og hita upp fyrir laugardaginn.
Með þessu viljum við hjá BÍ/Bolungarvík vekja upp stemmninguna og leggja okkar af mörkum til þess að stemmningin á leikjum og stuðningur verði frábær eins og hann hefur verið undanfarin ár. Því stuðningsmenn okkar eru okkar tólfti maður.
Fyrir hönd BÍ/Bolungarvíkur
Ásgeir Guðmundsson
Aðstoðarþjálfari BÍ/Bolungarvíkur
Nánar
Knattspyrna | 09.05.2012
BÍ/Bolungarvík mun halda sitt árlega herrakvöld laugardaginn 12. Maí. Að þessu sinni verður skemmtunin haldin í Guðmundarbúð. Húsið opnar kl. 19 og hefst borðhald kl. 20. Dóri kokkur min töfra fram glæsilegt sjávarréttahlaðborð úr vestfirskum eðal fiski. Veislutsjóri verður skemmtikrafturinn Sólmundur Hólm og aðalræðumaður kvöldsins er Magnús Pálmi Örnólfsson.
Á dagskránni eru eftirhermur, trúbador og leikmannakynning. Jörundur Áki mun fara yfir markmið sumarsins og svara spurningum úr sal.
Rúsínan í pylsuendanum er síðan uppboðið víðfræga og hið árlega happdrætti með stórglæsilegum vinningum.
ÁFRAM BÍ/Bolungarvík!!!!
Nánar
Knattspyrna | 09.05.2012
Öllum iðkendum BÍ sumarið 2012 stendur nú til boða að kaupa Hummel-galla fyrir sumarið. Gallarnir verða keyptir í gegnum Leggur og Skel, og fer mátunin fram þar. Um er að ræða eins galla og HSV hefur verið að bjóða.
Verð til iðkenda BÍ:
iðkendur sem nota barnastærð 5.500kr.
iðkendur sem nota fullorðinsstærð 6.500kr
Mátunin fer fram þannig að flokkar fá úthlutað dagsetningu og tíma:
Fimmtudagurinn 10.maí kl.20-22 5.flokkur kk og kvk, 4.flokkur kk og kvk, 3.flokkur kk og kvk
Mánudagurinn 14.maí kl.20-22 8.flokkur, 7.flokkur kk og kvk, 6.flokkur kk og kvk
Ef iðkendur komast ekki á uppgefnum tímum, þá er hægt að fara á hinn uppgefna mátunardaginn eða á opnunartíma verslunarinnar. En við mælumst til þess að iðkendur noti uppgefinn mátunartíma.
Nánar
Knattspyrna | 25.04.2012
Stjórn BÍ/Bolungarvíkur hefur skrifað undir þriggja ára styrktarsamning við Íslandsbanka. Stjórn BÍ/Bolungarvíkur er gríðarlega ánægð með fá þennan öfluga bakhjarl til liðs við sig næstu árin. Samningurinn munu klárlega styðja við það öfluga starf sem unnið hefur verið og aðstoða okkur á komandi tímabilum.
„Við erum virkilega ánægðir með styrktarsamninginn og berum miklar væntingar til samstarfs við jafn öflugt fyrirtæki. BÍ/Bolungarvík er metnaðarfullt íþróttafélag og sá öflugi stuðningur sem félagið fær með samstarfi sem þessu er okkur mjög mikilvægur. Við erum vissir um að samstarfið verði gæfuríkt fyrir báða aðila." sagði Samúel Samúelsson, formaður BÍ/Bolungarvíkur.
Nánar
Knattspyrna | 25.04.2012
Franski miðvörðurinn Florian Decamps er genginn til liðs við BÍ/Bolungarvík og hefur gert samning við félagið.
Decamps er kominn til landsins og mun spila með BÍ/Bolungarvík í 1. deildinni í sumar. Hann hafði æft á reynslu með Víkingum frá Ólafvsík í byrjun apríl og skoraði þá eina mark leiksins í sigri á ÍBV í æfingaleik.
Decamps er 25 ára gamall franskur miðvörður. Hann hefur einnig reynslu sem framherji og spilaði í sókn í bandaríska háskólaboltanum.
Nánar
Knattspyrna | 17.04.2012
Aðalfundi Boltafélags Ísafjarðar sem fara átti fram miðvikudagskvöldið 2.maí kl.20:00, hefur verið frestað til þriðjudagsins 15.maí.
Nánar