Víkingar frá Reykjavík eru komnir í annað sæti 1. deildar eftir góðan útisigur á BÍ/Bolungarvík á Ísafirði.
Aron Elís Þrándarson og Igor Taskovic skoruðu mörk Víkinga á fjögurra mínúta kafla áður en Daniel Osafo-Badu var sendur í sturtu á 70. mínútu.
Haukar og BÍ/Bolungarvík eru í þriðja og fjórða sæti deildarinnar með 15 stig, en Víkingar eru einnig með 15 stig.
Grindvíkingar eru á toppi deildarinnar með 18 stig eftir tap á heimavelli gegn Selfyssingum.
Frétt frá Fótbolta.net. Sjá alla fréttina
Tengt efni
Kvennalið BÍ/Bolungarvíkur gerði markalaust jafntefli við lið Tindastóls á Sauðárkróki á Torfnesvelli í gærkvöldi. Djúpstúlkur eru í áttunda og næstneðsta sæti A-riðils 1. deildar með 5 stig eftir 8 leiki. Tindastóll er í sjötta sæti með 6 stig.
NánarBÍ/Bolungarvík mun taka á móti Víking frá Reykjavík á laugardaginn kl. 14. Tíu mínútum fyrr eða klukkan 13:50 verður nýja stúka á Torfnesi vígð við hátíðlega athöfn. Fólk er beðið um að fjölmenna á völlinn og styðja sitt lið.
Nánar1-0 Theodóra Dís Agnarsdóttir ('56)
2-0 Theodóra Dís Agnarsdóttir ('61)
Álftanes heldur sigurgöngu sinni áfram en liðið hefur nú unnið þrjá leiki í röð og situr í 3.sæti A-riðils á eftir ÍA og Fylki.
Eftir markalausan fyrri hálfleik tókst Theodóru Dís Agnarsdóttur að skora tvívegis fyrir Álftanes. Í fyrra markinu komst hún ein inn fyrir og kláraði vel og síðara markið skoraði hún með fínu skoti úr teignum eftir fyrirgjöf.
Frétt frá Fótbolta.net
Meistaraflokkur karla beið lægri hlut á móti heimamönnum í KA á Akureyri í dag. Leikar fóru 1-0 og skoraði Hallgrímur Mar Steingrímsson eina mark leiksins á 39 mínútu. BÍ/Bolungarvík er eftir sem áður í 2. sæti deildarinnar, 3 stigum á eftir Grindavík.
Nánar má lesa um leikinn á fotbolti.net
Eyjamenn verða í pottinum þegar dregið verður til 8-liða úrslita Borgunarbikarsins en þeir unnu 1-0 útisigur gegn Djúpmönnum á Ísafirði í kvöld.
Eina mark leiksins skoraði Aaron Spear með skalla á 38. mínútu en það var í skrautlegri kantinum og skrifast á Alejandro Munoz, markvörð heimamanna, sem átti hrikalega lélegt útspark.
NánarÞegar Fjölnir og BÍ/Bolungarvík mættust í fyrstu deild karla í dag var einn leikmaður inni á vellinum sem átti nokkur hundruð leiki að baki í tveimur efstu deildunum á Englandi. Sá leikmaður átti eftir að gera gæfumuninn því Nigel Quashie skoraði tvö mörk í síðari hálfleik sem hjálpuðu BÍ/Bolungarvík að landa sínum fjórða sigri í fyrstu deildinni í sumar.
NánarBÍ/Bolungarvík tapaði í gær fyrir Fylki, 4-1, í 1. deild kvenna. Djúpkonur komust í 1-0 á 41 mínútu með marki frá Karitas Ingimarsdóttur en Fylkir jafnaði á 45 mínútu. Fylkiskonur bættu svo við þremur mörkum í seinni hálfleik og stóðu því uppi sem sigurvegarar.
BÍ/Bolungarvík er í 5. sæti A-riðils 1. deildarinnar eftir leik helgarinnar með 4 stig á meðan Fylkir er í 2. sæti með 10 stig.
0-1 Karitas S Ingimarsdóttir ('41)
1-1 Anna Björg Björnsdóttir ('45)
2-1 Hulda Hrund Arnarsdóttir ('49)
3-1 Ruth Þórðar Þórðardóttir ('66)
4-1 Anna Björg Björnsdóttir ('71, víti)
BÍ/Bolungarvík lagði Fjölni af velli í Grafarvogi í dag, 2-4. Nigel Quashie skoraði 2 mörk fyrir Djúpmenn en Max Touloute og Ben Everson bættu við einu hvor. Eftir leiki dagsins er BÍ/Bolungarvík í 2. sæti 1. deildarinnar með 12 stig líkt og Grindvíkingar sem eru í 1. sæti.
Umfjöllun á öðrum miðlum
Nánar
Meistaraflokkur kvennaliðs BÍ/Bolungarvíkur og Orkubú Vestfjarða hafa gert með sér 3ja ára samstarfsamning sem gerir Orkubúið að einum af stærstu styrktaraðilum liðsins. Merki Orkubúsins mun prýða keppnistreyjur liðsins.
Nánar