Fjörið að byrja.

Allir á Jakann

Um næstu helgi byrjar fjörið hjá KFÍ. Stúlknaflokkur KFÍ fer til Hveragerðis til keppni og spilar þar gegn Hamar, Breiðabik, Þór Akureyri og ÍR á laugardag og sunnudag.

Minniboltinn og 7. flokkur stúlkna og drengja fer á Patreksfjörð og tekur þá í Vestjarðarmóti þar og er fríður hópur krakka og foreldra á ferðinni þar.

Unglingaflokkur tekur á móti liði KR hér á Jakanum og fer leikurinn fram kl. 13.00 á laugardag 15. október.

Og síðast en ekki síst byrjar keppni í 1. deild hjá okkur með hörkuleik gegn Hamri hér á Jakanum á sunnudagskvöldið 16. október kl. 19.15.

Við vonumst til að sjá sem flesta á þessum leikjum bæði heima og að heiman.

Áfram KFÍ

Unnið að ljósleiðaratengingu fyrir KFÍ-TV

Stulli, Gautur og Gaui (sem var meira þarna til að röfla strákana áfram)

Ok. Kaffið er búið !!

Snjór en það er allt í lagi. Við erum jú á Jakanum :)

1 af 3

Það voru röskir drengir sem mættu í grenjandi rigningu snemma í morgun og hófust handa við að leggja ljósleiðara á Jakann. Þarna var Jakob Einar frá hans fyrirtæki. Sturla Stígs og Björn Davíðsson frá Snerpu og feðgarnir Gaui og Gautur, en þeir Jakob Einar, Stulli, Gaui og Gautur eru einmitt á bak við KFÍ-TV. Allt er þetta gert í sjálfboðavinnu og kunnum við þeim bestu þakkir fyrir. Og þetta væri ekki mögulegt nema vegna mikils velvilja Gröfuþjónustu Jakobs Einars og Snerpu. 

Það verður gaman að sjá leikinn gegn Hamri á næstu helgi í toppgæðum með toppfólki í toppskapi.

KFÍ og Vestfirskir Verktakar í samstarf

Vestfirskir Verktakar og KFÍ skrifuðu undir samning á dögunum og eru báðir aðilar mjög ánægðir. Vestfirskir koma til með að vera stór styrktaraðili KFÍ og er styrkur þeirra kærkominn til handa KFÍ, en eins og allir vita er dýrt að halda úti liði á landsbyggðinni. HÉR má sjá heimasíðu þeirra og hvetjum við fólk að kynna sér starfsemi þeirra.

KFÍ vill koma á þökkum til starfsfólks Vestfirskra Verktaka og bjóðum þá velkomin í fjölskylduna. 

Troðfullt hús og mikið fjör á KFÍ deginum

Það var mikið fjör í morgun :)

KFÍ dagurinn tókst með eindæmum vel. Um 400 manns komu á Jakann í morgun og skein gleði úr allra augum. Má með sanni segja að þessi dagur hafi slegið í gegn. Þegar fólk bar að tók á móti þeim meistaraflokkar félagsins og stjórn.

Íþróttaleikjaskóli KFÍ með þeim Árna "Íþróttaálfs" og Ernu var með aðstöðu fyrir yngstu "púkana" og var fjölmennt þar.

Meistaraflokkar KFÍ undir stjórn Péturs þjálfara var með leikjastöðvar og Kristján "gullbarki" Andrésson sem sagði meðal annars þann sannleik að Pétur Már hafi gefið tvær stoðsendingar á sínum ferli.

Tekið var við nýskráningum, seld árskort og veitingar voru slíkar að öll borðin í húsinu svignuðu undan þunganum.

Hljómsveitin Klisja sem meðal annars er skipuð drengjum úr 10. flokki KFÍ voru frábærir og spiluðu allan tímann við mikla kátínu gesta.

KFÍ vill koma á framfæri þökkum til allra sem gerðu þenna dag nog hlakkar til að hefja veturinn með keppni allra flokka. 

Fjölnir Baldursson meistari kom og tók upp á myndband daginn og er afraksturinn HÉR

Fjölskylduhátíð KFÍ laugardaginn 1. október

Fjölskyldudagur KFÍ er mikið fjör

Öllum íbúum Ísafjarðarbæjar, Bolungarvíkur og Súðavíkur, börnum jafnt sem fullorðnum er boðið á fjölskylduhátíð laugardaginn 1. október í Íþróttahúsinu á Torfnesi milli 11-13.

Dagskrá fjölskylduhátíðar KFÍ

• Meistaraflokkar félagsins verða á staðnum og taka þátt í leikjum og árita plaköt
• Þjálfarar KFÍ verða með þrautir og æfingar fyrir alla
• Íþróttaleikjaskóli Árna og Ernu verður á staðnum
• Ýmsir klassískir leikir verða á dagskrá s.s. "Stinger"
• Hljómsveitin Klysja tekur nokkur lög
• Veitingar verða í boði KFÍ

Komdu í körfu. Skráning í KFÍ er á staðnum og eru engin æfingagjöld fyrstu tvo mánuðina.

Mömmur, pabbar, afar, ömmur, frænkur, frændur, systur, bræður og vinir þeirra - Allir velkomnir í íþróttarhúsið á Torfnesi á laugardaginn.

"KÖRFUBOLTI ER FYRIR ALLA"

Komnir heim reynslunni ríkari

Góð æfingaferð í alla staði

Meistaraflokkur KFÍ fór í örferð suður og spilaði tvo æfingaleiki gegn Borgarnesi og Hamar. Þessir leikir voru liður í að sjá hvar við stöndum í æfingaferlinu og sjá hvað má bæta fyrir mótin í vetur. Fimmtán manna hópur fór í ferðina og fengu allir að spila.

Fyrsti leikur okkar var gegn Borgarnesi og vannst hann 99-57. Þess ber þó að geta að Borgnesingar eiga eftir að fá báða sína erlendu leikmenn og var Pálmi líkt og Pétur að leyfa öllum ungu strákunum að spreyta sig. Við áttum fína spretti og var sérstaklega gaman að sjá baráttuna í liðinu og þriggja stiga nýting var góð eða 21/13.  Stigaskor var sem hér segir: Ari 19, Kristján 19, Chris 13 (15 fráköst og 5 varin skot), Craig 15, Gautur 6, Leó 6, Nonni 6, Jón Hrafn 6, Sævar 4, Siggi Haff 4, Hlynur 4, Simmi 1.

Seinni leikur okkar var gegn Hamri og vorum við lengi að komast í gang og duglegir strákar í Hamri báru enga virðingu fyrir okkur. Gaman er að sjá að Raggi Nat. er kominn af stað hjá Hamri en hann meiddist í haust.  Eftir mikinn klaufaskap af okkar hálfu í vörn og sókn tókum við af skarið í restina og unnum fjórða leikhluta 34-4 og tókum leikinn 76-46. Hamar er ekki kominn með sinn erlenda leikmann og einnig vantaði Svavar Pál í liðið og munar um minna. Pétur þjálfari og Lalli þjálfari Hamars leyfðu öllum að spila og er það vel því einhvern tímann verða ungu strákarnir að fá reynslu. Stigaskor var sem hér segir: Chris 21 stig (18 fráköst, 6 varin skot), Craig 19, Jón Hrafn 11, Kristján 10, Ari 10, Siggi Haff 3, Simmi 2.

Það er langt í land hjá okkur, en erum þó alveg á þeim stað sem Pétur Már þjálfari taldi að drengirnir væru á. Það sem hann var að reyna fá út úr þessum leikjum var að sjá hvar menn væru komnir í varnar og sóknarkerfum og var hann fljótur að kippa mönnum út af ef þeir voru ekki með sitt á hreinu og á það við með alla. Nú fer restin af æfingum fram að móti að taka frá þessum leikjum lexíu og bæta það sem betur mátti fara. Og eitt er á tæru. Það verða engin frí gefin.

Það sem best var við þessa ferð var að sjá hve góður liðsandi er í hópnum og það er aldrei sjálfgefið. Í lokinn viljum við þakka Borgnesingum og Hvergeringum fyrir góðar móttökur og gestrisni. Og kærar þakkir til drengjanna að leggja á sig þessa erfiður ferð.

Meistaraflokkur karla á leið suður

KFÍ drengirnir að plana átök vetrarins

Meistaraflokkur karla er á suðurleið og mun spila tvo æfingaleiki. Sá fyrri er gegn Borgarnesi í kvöld 23. sept. og hefst kl. 19.00. Sá síðari er gegn Hamar í Hveragerði og er á morgun 24. sept. og hefst kl. 13.00.

Við skorum á sem flesta aðfutta Vestfirðinga að koma og sjá drengina okkar. Núna er undirbúningur á fullu og er þetta liður í að sjá hvar við stöndum í ferlinu. 

Nú fer að koma að byrjun móts en aðeins eru þrjár vikur eru í mót og er spenna í öllum flokkum, en Pétur Már er með 9. flokka í mótum vetrarins og verður því nóg að gera hjá KFÍ.

Skráning í yngri flokka

Nú er bara að skrá sig

Í samstarfi við HSV hefur KFÍ tekið upp Nori skráningar- og greiðslukerfi.  Kerfið heldur utan um upplýsingar um iðkendur og foreldra.  Foreldrar skrá börn sín á námskeið og ganga frá æfingagjöldum um leið.

Tvær fyrrum landsliðskonur í meistaraflokk kvenna KFÍ

Sólveig og Svandís eru hér við undirskriftina ásamt formanni KFÍ Sævari Óskarsyni, Pétri þjálfara og hluta af mfl. kvenna

Þær Sólveig Helga Gunnlaugsdóttir og Svandís Anna Sigurðardóttir skrifuðu undir samning við KFÍ og munu spila með meistaraflokk kvenna í vetur. Þetta mun styrkja liðið mjög enda hér á ferðinni tvær mjög leikreyndar stúlkur sem til samans eiga að baki 31 leik með landsliðinu.  

Sólveig spilaði hér á árum áður með KFÍ, en hefur einnig spilað með KR, Stjörnunni og Grindavík. Svandís hefur spilað með ÍS, Stjörnunni og KR og eru báðar stúlkurnar boðnar hjartanlega velkomnar í KFÍ.

KFÍ TV ætlar sér stóra hluti í vetur

Og við erum í loftinu

Nú eru drengirnir í KFÍ TV að gíra sig upp fyrir veturinn og eru búnir að endurnýja búnað sinn. Ennfremur er ljósleiðaratenging að komast á og þá verða gæði útsendingar í hæstu gæðum. Það er mikil tilhlökkun í hópnum sem telur fimm manns og verið er að leggja lokahönd á frágang og er ætlun okkar einnig að gera okkur góða aðstöðu á Jakanum, en aðstaðan er slæm eins og er. En nú stendur til að laga það.

Við viljum einnig koma skilaboðum til aðkomuliða og dómara að taka með sér minnislykil. Við tökum þá fyrir leik og setjum leikina inn á fyrir þá.