Körfuboltabúðir KFÍ 2011 - Jón Oddsson og Plyometriskar æfingar

1 af 6

Jón Oddsson fylgdi í dag eftir fyrirlestri sínum, frá því fyrr í vikunni, með sýnikennslu í s.k. Plyometrics æfingum og fengu áhugasamir iðkendur að taka þátt í þeim.  Þetta eru æfingar sem leika stórt hlutverk í því kerfi sem Jón hefur byggt upp við sína þjálfun. Við munum birta við fyrsta tækifæri glærurnar frá fyrirlestri hans en núna látum við myndirnar tala sínu máli.

Körfuboltabúðir 2011 - Viðtal: Nebosja Vidic

Nebosja Vidic

Nú undir lok búðanna fengum við Nebosja í viðtal, en hann er hér í þriðja sinn.  Spurðum við hvernig honum þætti búðirnar þróast og hvað hann hefði frekar að segja okkur um þær.

Ég finn til nokkurrar ábyrgðar á búðunum þar sem ég hef verið með ykkur frá upphafi. Mér sýnist þær vera að sækja í sig veðrið með hverju árinu.  Ég hef orðið var við bætingu hjá þeim krökkum sem ég hef fengið að hitta áður.  Greinilegt er að þau sem koma aftur eru ánægð með reynsluna hér.  Einnig er ánægjulegt að sjá mörg ný andlit.

Gistingin og mötuneytið sem krökkunum og okkur er boðin er til fyrirmyndar.  Íþróttahúsið er mjög gott fyrir okkar starf. Þetta er góð áskorun fyrir alla krakka sem hafa metnað í körfubolta, að fá að dvelja hér við erfiðar en uppbyggjandi æfingar. Ég tel að við höfum bætt þjálfaranámskeiðin með nýju efni á dagskránni og kollegar mínir þeir Geoff og Tony, sem og íslensku þjálfararnir sem hér eru eiga þakkir skildar fyrir það. Ég hef lært mikið af þessu samstarfi með þeim og það er mjög eftirsóknarvert fyrir þjálfara eins og mig.

Það hefur alltaf verið jafn gaman að koma til Ísafjarðar og dvelja hér þessa viku með vinum og félögum, og það er ánægjulegt fyrir mig að vinna með krökkum sem taka vel leiðbeiningum.

Körfuboltabúðir KFÍ 2011 - Dagur 6

NBA stofan

Sara Diljá Sigurðardóttir var með góða matarlyst

Hópur 1

Hópur 1

Hópur 2

Hópur 3

Hópur 3

1 af 7

Þá fara búðirnar að styttast í annan endann og næst síðasti dagurinn upp runninn að þessu sinni. Æfingar skv. dagskrá.  Geoff fór yfir sóknarkerfi og post-hreyfingar með elsta hópnum (hópur 4). Hópur 3 fékk góðar æfingar og leiðbeiningar hjá Nebosja í boltameðferð. Tony var með hóp 2 og fór yfir fjölbreytt undirstöðuatriði og boltatilfinningu og meðferð. Finnur stýrði æfingu hjá hópi 1 og þar voru viðeigandi undirstöðuatriði áfram á dagskrá. 

Það er gaman að segja frá því að loksins var fiskur í matinn í hádeginu og fögnuðu krakkarnir mikið.  Lúlu og Dagný reiddu fram dýrindis stektan fisk með soðnum kartöflum, kokteilsósu og hrásalati. Að hádegisverði loknum byrjaði NBA stofan þar sem sigurleikur Dallas yfir Miami var sýndir á breiðtjaldi í setustofu matsalsins. Talsverð stemning ríkti á staðnum. Núna kl. 15:00 í dag mun Jón Oddsson halda fyrirlestur um styrktarþjálfun og fara sérstaklega með sýnikennslu á s.k. plyometrics-æfingum. 

Körfuboltabúðir KFÍ 2011 - Tómas og Ægir í heimsókn

Tómas H. Tómasson og Ægir Þ. Steinarsson

Hrafn kynnir þá félaga til leiks

Ægir og Tómas mættust í 2v2 keppni á kvöldæfingunni.

Geoff Kotila gaukaði að þeim heilræðum fyrir för þeirra til USA.

1 af 5

Tómas og Ægir eru á leið suður eftir góða heimsókn í Körfuboltabúðirnar í gær.  Þeir voru gripnir í stutt viðtal á leiðinni inn á flugvöll. 

Körfuboltabúðir KFÍ 2011 - Fyrirlestur Geoff Kotila

Horfðu á boltann!

1 af 4

Nú var röðin komin að Geoff Kotila, sem í upphafi kynnti fyrir áheyrendum hvernig hans ferill hófst sem þjálfari og lýsti á mjög svo fróðlegan hátt hvernig hann hefði lært m.a. af mistökum sínum og ekki síður lærimeisturum. Geoff á langan og farsælan þjálfaraferil að baki svo hann hafði frá mörgu að segja á þessu sviði. Hann ræddi um helstu reglur sem hann vinnur eftir við þjálfun og lýsti hvernig hann reyndi að byggja upp lið sín.

Körfuboltabúðir KFÍ 2011 - Dagur 5

Orri Stínuson bregður á leik

Hópur 1

Hópur 3

Hópur 2

Hópur 4

1 af 5

Krakkarnir eru farin að venjast æfingunum og skipulaginu í búðunum. Æfingar gengu vel hjá þeim og var fram haldið með vinnu undir stjórn sömu þjálfara og stýrðu hópunum í gær að mestu leyti. Hápunktur dagsins var alveg örugglega hjá flestum þeirra þegar þeir liðsfélagarnir Tómas H. Tómasson og Ægir Þór Steinarsson komu í heimsókn.

Körfuboltabúðir 2011 - Viðtal: Tony Garbelotto

Tony Garbelotto

Tony þekkja Ísfirðingar vel og snéri nú til baka til þess að taka þátt í Körfuboltabúðunum, en hann hefur ekki komið til Ísafjarðar frá því hann var hér þjálfari KFÍ 1998-2000. Við báðum hann um að gefa sér nokkrar mínútur til þess að ræða við KFÍ síðuna og það reyndist auðsótt.

Körfuboltabúðir 2011 - Viðtal: Sævar Harðarson

Sævar Harðarson kenndur við Skipavík frá Stykkishólmi er ekki alls ókunnugur körfuboltastarfinu og hann er nú staddur á Ísafirði að fylgja hvorki fleiri né færri en þremur af börnum sínum í Körfuboltabúðir KFÍ (geri aðrir betur!). Hann var auðvitað gripinn í stutt viðtal við fyrsta tækifæri.

Körfuboltabúðir KFÍ 2011 - Dagur 4

1 af 13

Æfingar gengur fyrir sig með samskonar sniði og hingað til og óþarft að telja það í smáatriðum.  Í dag voru æfingabúðirnar hálfnaðar og eins og fyrirséð var, nokkrir orðnir svolítið þreyttir, sárir og meiddir.  Ekkert þó alvarlegt svo vitað sé og krakkarnir hafa sum hver eignast nýja "bestu vini" í bæði Deep Heat (hitakremi) og Hansaplast plástrum.

Körfuboltabúðir KFÍ 2011 - Fyrirlestur: Pétur og Tony

Fyrir áhugasama!

Pétur Már Sigurðsson

Tony Garbelotto

1 af 3

Pétur Már þjálfari KFÍ hóf daginn með umfjöllun um uppbyggingu snarpra æfinga á undirbúningstímabili eingöngu með boltaæfingum á samþáttun þeirra við sóknar- og varnarkerfi sem hann innleiðir síðar á undirbúningstímabilinu. Þetta var mjög góð fræðsla og sýnikennslan hjálpleg.  Skiptar skoðanir komu fram hjá fjólþjóðaliðinu og voru þeir lengi fram eftir degi að útkljá þær - en það er orðin dagleg venja hér.