Síðasta mót vetrarins

Á laugardaginn kemur stendur KFÍ fyrir skemmtilegu móti í íþróttahúsinu í Bolungarvík fyrir börn í 1.-4. bekk. Mótið hefst kl. 11 og stendur væntanlega til 12.30. Við hvetjum iðkendur KFÍ til að bjóða vinum með sér því öll börn á þessum aldri eru að sjálfsögðu velkomin. Boðið verður upp á hressingu og allir fara heim með verðlaun í mótslok.

Með mótinu lýkur vetraræfingum félagsins í Bolungarvík en myndarlegur hópur barna á þessum aldri hefur sótt laugardagsæfingarnar þar í vetur. Æfingarnar hafa verið tvískiptar, annarsvegar 1.-2. bekkur og hinsvegar 3.-4. bekkur og má merkja greinilegar framfarir eftir veturinn þótt aðeins hafi verið æft einu sinni í viku. Það voru Shiran Þórisson, Pance Ilievski og Florijan Jovanov sem höfðu veg og vanda að æfingunum en þeir eru allir í þjálfarateymi KFÍ. Pance og Florijan eru leikmenn meistaraflokks karla.

Sjáumst á laugardag!

Lokahóf í Krílakörfunni

Það var sannarlega handagangur í öskjunni í íþróttahúsinu á Austurvegi í dag á síðustu æfingu vetrarins í Krílakörfu KFÍ. Um og yfir tuttugu börn á aldrinu 4-5 ára hafa verið að æfa þar í allan vetur undir röggsamri stjórn Sigríðar Guðjónsdóttur og Rósu Överby.

Æfingarnar eru foreldrum að kostnaðarlausu og eru þær hugsaðar til að efla hreyfiþroska og boltafærni barnanna. Greinileg framför hefur orðið í hópnum í vetur en eins og gefur að skilja er ekki hlaupið að því að stýra svo stórum hópi af ungum börnum. Þær Sirrý og Rósa hafa þó gert það listavel.

Æfingunni í dag lauk með hollri hressingu í boði KFÍ og svo fengu öll krílin flottan körfubolta í kveðjugjöf frá KKÍ og KFÍ. Hann geta þau notað til að æfa sig vel í sumar og koma vonandi full áhuga aftur á æfingar þegar tekur að hausta. Eldri börnin byrja í grunnskóla í haust og eru því útskrifuð úr Krílakörfunni en geta með haustinu byrjað að æfa í Krakkakörfu KFÍ sem ætluð er börnum í 1.-2. bekk.

Ný stjórn KFÍ tekin til starfa

Shiran Þórisson færði Guðna Ólafi Guðnasyni þakklætisvott frá félaginu fyrir vel unnin störf í gegnum tíðina.

Hluti nýkjörinnar stjórnar KFÍ. Frá vinstri: Birna Lárusdóttir, Shiran Þórisson, Ingólfur Þorleifsson, formaður, Ingi Björn Guðnason og Guðmundur Einarsson.

1 af 2

Síðastliðinn mánudag fór fram aðalfundur KFÍ á 50 ára afmælisári félagsins á Hótel Ísafirði. Líkur eru á að þessi fundur, sem haldinn er á 50 ára afmæli félagsins, marki viss þáttaskil í sögu körfuboltans á Ísafirði því eins og fram hefur komið eru allar líkur á því að KFÍ og fleiri íþróttafélögu sameinist nú á vordögum undir merkjum nýs fjölgreinafélags.

Flott mót hjá minnibolta stúlkna

Liðið ásamt Evu Margréti þjálfara og Lindu Marín aðstoðarþjálfara.

Rakel í hraðaupphlaupi.

Tilbúnar í slaginn á bekknum.

Hluti af stuðningsliði KFÍ.

1 af 4

Um síðustu helgi tók fjölskipað lið minnibolta stúlkna KFÍ þátt á C-riðli Íslandsmótsins sem fram fór í Kópavogi. Skemmst er frá því að segja að stelpurnar stóðu sig afar vel og unnu alla leiki sína með talsverðum mun og því er ljóst að þær leika í B-riðli Íslandsmótsins í haust. 

Aðalfundur KFÍ haldinn 20. apríl

Sjoppa og sjónvarpsútsendingar á páskum

Hópurinn á síðustu sjoppuvaktinn var hress í bragði í lok kvölds.

Einn af föstu punktunum í starfsemi KFÍ er umsjón með sjoppunni á tónlistarhátíðinni Aldrei fór ég suður um páskana. Þetta er mikilvægur liður í fjáröflun félagsins en einnig er það skemmtilegt samfélagslegt verkefni að aðstoða við að halda þessari glæsilegu tónlistarhátíð úti. Sjoppureksturinn gekk afar vel og um 35 manns úr okkar röðum lögðu sitt af mörkum. Stjórn KFÍ vill koma til skila þökkum til allra þeirra sem lögðu hönd á plóg.

Svo má ekki gleyma að sjónvarpsfrumkvöðlarnir í KFÍ-TV, sem nú hefur fengið nafnið Jakinn-TV, sýndu mátt sinn og megin og höfðu umsjón með útsendingum frá Aldrei fór ég suður. Þetta magnaða teymi er orðið svo fagmannlegt í öllu sem þeir taka sér fyrir hendur að í ár var útsending þeirra í samstarfi við Ríkisútvarpið og var henni sjónvarpað inn í stofur allra landsmanna um RÚV2. Stjórn KFÍ óskar teyminu á Jakinn-TV til hamingju með þessa glæsilegu útsendingu.

Enn fremur óskar KFÍ öllum iðkenndum, foreldrum og áhangendum gleðilegra páska.

Páskaeggjamót Nóa Siríusar og KFÍ

 Hið árlega páskaeggjamót KFÍ og Nóa Siríus  fer fram venju samkvæmt á Skírdag. Hefst það kl. 11.00.

Skráning fer fram á staðnum.

Þátttökugjaldið það sama og venjulega eða 
kr. 1000 á mann í elstu flokkum
kr. 500 í yngri flokkum
kr. 0 fyrir iðkendur 16 ára og yngri hjá KFÍ

Reglur í mótinu:

Stefnt er að keppni í eftirfarandi flokkum
17 ára og eldri karla
17 ára og eldri kvenna
13-16 ára drengir
13-16 ára stúlkur

10-12 ára drengir(minnibolti)

10-12 ára stúlkur(minnibolti)

9 ára og yngri

Reglur í mótinu:

Mótstjórn hefur óskorað vald til breytinga á flokkum, fer eftir skráningum hvernig endanleg skipting verður.  Skráning fer fram á mótsstað.

Í elsta flokki er óheimilt að manna lið 2 meistaraflokksmönnum, meistaraflokksmaður telst sá sem spilaði meira en 40 mínútur samtals með liði sínu í 1.deild og ofar skv. tölfræðisíðu KKÍ  í vetur.

Spilað í 5 mínútur, sóknin dæmir. Lið skiptast á að vera í sókn(ekki make it take it). Verði lið jöfn í leikslok þá ráðast úrslit í vítakeppni.

Kaffihús og kökubasar KFÍ á skírdag

Á skírdag verður hið árlega kaffihúsi og kökubasar yngri flokka KFÍ í íþróttahúsinu Torfnesi í tengslum við Páskaeggjamót KFÍ. Allur ágóði af sölunni rennur óskiptur til barna- og unglingastarfs félagsins. Heimamenn, gestir og gangandi á Skíðaviku er hvattir til að leggja leið sína í íþróttahúsið, horfa á eða spila skemmtilegan körfubolta og fá sér gott með kaffinu í leiðinni. Mótið hefst kl. 11 og þá um leið opna kaffihúsið og kökubasarinn. Opið verður frameftir degi á meðan kræsingarnar endast.

2 sigrar og eitt tap hjá 9. flokki

Hinn ofurmyndvæni 9. flokkur KFÍ

9. flokur drengja lék í fjölliðamóti í Grindavík um helgina.  Fyrsti leikur tapaðist en tveir þeir næstu unnust.  Spilamennskan almennt góð og coach Nebojsa ánægður með hópinn

Leikur#1  KFÍ-Grindavík  28-41

Okkar piltar spila ekki nógu vel, hittni slæm og liðið eitthvað ryðgað eftir bílferðina.

Stigin:

Rúnar Ingi Guðmundsson  10

Daníel Wale Adeleye 7

Haukur Rafn Jakobbson 7

Benedikt Hrafn Guðnason 2

Hugi Hallgrímsson 2

Tryggvi Fjölnisson 0

Egill Fjölnisson 0

Blessed Gil Parilla 0

Þorleifur Ingólfsson 0

Hilmir Hallgrímsson 0

Leikur#2  KFÍ-Ármann 51-45

Hörkuleikur sem vannst eftir framlengingu.  KFÍ byrjar leikinn betur, komast í 17-7 en Ármann svara með góðum kafla og steðan eftir fyrsta fjórðun 17-14.  Baráttan heldur svo áfram, staðan í hálfleik 23-26 og og við komust loks yfir í lok þess þriðja 34-32.  Í lok leiks jafnar Haukur leikinn með víti, hefði getað klárað dæmið með að setja bæði niður en tryggði okkur framlengingu.  KFÍ sýndi síðan styrk sinn í framlengingunni og vann hana 6-2 og lokatölur þá 55-51.

Stigin:

Haukur 34

Daníel 6

Hilmir 6

Rúnar 3

Egill 2

Bensi 2

Hugi 2

Lekur#3  KFÍ-Höttur  60-32

Góður leikur hjá okkar piltum, og allir að spila vel.  Hattarmenn sprækir í byrjun, voru yfir 10-7 eftir fyrsta fjórðung en eftir það var leikur algerlega eign KFÍ drengja og lokatölur 60-32.

Stigin:

Haukur 23

Hugi 17

Tryggvi 6

Rúnar 6

Egill 4

Blessed 2

Þorleifur 2

Nebojsa þjálfari ánægður með strákana sína.  Samspil gott og varnarleikur líka.  Strákarnir í mikilli framför.  Nú er að æfa áfram og gera enn betri hluti á næsta tímabili.

Eva Margrét í æfingahópi U-20 landsliðsins

Eva Margrét í leik með KFÍ fyrr í vetur.

Eva Margrét Kristjánsdóttir, leikmaður meistaraflokks kvenna hjá KFÍ, var á dögunum valin í æfingahóp U-20 landsliðs KKÍ. Á yfirstandandi keppnistímabili hefur Eva einnig verið valin í æfingahóp U-18 liðsins. Eva hefur umtalsverða reynslu af verkefnum með yngri landsliðum KKÍ og hefur bæði spilað með U-16 og U-18 liðunum auk þess að hafa verið valin í æfingahóp A-landsliðsins.

U-20 landsliðsins bíða spennandi verkefni í sumar en kvennaliðið tekur þátt í Norðurlandmóti í Danmörku um miðjan júní. Þjálfari kvennaliðsins er Bjarni Magnússon en Andri Kristinsson er aðstoðarþjálfari.

Stjórn KFÍ óskar Evu Margréti til hamingju með árangurinn!