Breytingar á tímasetningu hjá mfl.kvenna

Koma svo KFÍ

KFÍ og Þór Akureyri vinna í sameiningu að nýjum tíma fyrir leikina hjá stelpunum og munum við keppa fyrri leikinn föstudagskvöldið 25.janúar og hefst leikurinn kl.19.30.

Síðari leikurinn er síðan á laugardaginn 26.janúar kl.13.00.

Nú er bara að gíra sig upp fyrir skemmtilega helgi hjá stelpunum og hvetjum við alla að koma á Jakann og öskra þær áfram.

KFÍ-TV mun senda leikinn beint út á föstudagskvöldið og munum við hefja útsendingu kl.19.15 og er hér LINKUR

Áfram KFÍ

Tveir leikir hjá mfl.kvenna um helgina á Jakanum

Koma svo KFÍ

Það verður nóg að gera hjá mfl.kvenna um helgina en stelpurnar frá Þór frá Akureyri koam hingað og spila hér tvo leiki. Þetta er góður tími til að sjá stelpurnar okkar í gírnum, en eins og flestir vita var Eva Margrét kosin íþróttamaður Ísafjarðarbæjar um s.l. helgi og verður í eldlínunni ásamt hinum frábæru liðsfélögum sínum. Ef stelpurnar taka þessa tvo leiki fara þær upp í annað sæti 1.deildar og þær stefna þangað.

Það er því mikilvægt að fá stuðning ykkar. Mætið á Jakann og öskrið stelpurnar áfram.

Fyrri leikurinn er á laugardaginn og hefst kl. 16.00 og seinni leikruinn er síðan í hádeginu á sunnudag og hefst kl.12.00.

Áfram KFÍ

Eva Margrét Kristjánsdóttir íþróttamaður Ísafjarðarbæjar 2012

Eva Margét er glæsilegur íþróttamaður. Mynd Halldór Sveinbjörnsson. BB.is

Eva Margrét Kristjánsdóttir var nú fyrir skömmu valinn íþróttamaður Ísafjarðarbæjar í hófi sem Ísafjarðabær stóð fyrir. Það voru margir frábærir íþróttamenn sem voru samankomnir í þessu skemmtilega teiti og á endann var það Eva Margrét sem varð fyrir valinu.

Eva er vel af þessum tittli komin. Hún er frábær íþróttakona og mikil fyrimynd. Eva hefur sýnt að það er allt hægt þegar viljinn og nennan er fyrir hendi. Það er ekkert sjálfgefið í íþróttum og þarf að hafa mikið fyrir því að verða afreksmaður. Það er Eva svo sannarlega og óskum við henni innilega til hamingju og erum við Í KFÍ ákaflega stolt af henni.

Við viljum einnig koma til skila hamingjuóskir til þeirra sem valdir voru frá sínu félagi og fengu viðurkenningar frá Ísafjarðarbæ. Þar er valinn maður í hverju rúmi og eru þau öll okkur mikil hvatning.

Eva Margrét. Til hamingu með titilinn og haltu áfram á þessari braut. 

Áfram íþróttir

KFÍ sigur eftir góðan seinni hálfleik

Frábærar í dag

Í dag tóku stelpurnar okkar á móti liði Skallagríms frá Borgarnesi og var um hörkuleik að ræða. Ef einhverjir héldu að andstæðingar okkar væru eitthvað að dútla sér þá sýndu gestir okkar að þeim var fúlasta alvara frá fyrstu mínútu og var leikurinn mjög jafn framan af og staðan eftir fyrsta leikhluta var 13-15 fyrir stelpurnar frá Borgarnesi.

Annar leikhluti var eins spennandi en þó voru gestir okkar ávallt skrefinu á undan með góðri baráttu og flottum körfum og náðu þær mest sjö stiga forskoti þegar um 4 mín voru eftir af fyrri hálfleik, en með mikilli baráttu komu okkar stelpur til baka og þegar flautað var til hálfleiks var staðan 26-29 fyrir Skallagrím.

Það var hins vegar allt annað KFÍ lið sem mætti eftir tepásuna og fljótlega var staðan orðin 43-32 eftir frábæra vörn og skyndisóknir. En gestir okkar voru ekkert hættar og komu til baka og staðan 45-40 þegar síðasti leikhlutinn var flautaður á.

Stelpurnar okkar héldu haus í síðasta leikhlutanum og áttu alltaf svör við góðum sprettum Borgnesinga og skemmst frá því að segja að við tókum þennan leik. Lokatölur 63-57.

Það var jafnt og skemmtilegt KFÍ lið sem var á Jakanum í dag og settu allir mark sitt á leikinn. En fremst á meðal jafningja var þó Anna Fía sem spilaði frábærlega í vörn og sókn. Skammt á eftir voru þær Eva Margrét, Stefanía og Brittney. En Vera, Málfríður, Rósa og Sunna voru góðar einnig og vil ég hrósa öllu liðinu í dag fyrir góða leiðsheild og frábæran íþróttaanda. Það er unun að horfa á baráttuna hjá þessum stelpum og mega margir taka þær sér til fyrirmyndar.

Borganesbúar mega einnig vera stoltir af stelpunum sem komu hingað í dag. Það var engin uppgjöf og baráttan til fyrirmyndar.

Dómarar í dag voru Jón Hrafn og Pance og komust vel frá sínu.

Stig og fráköst:

Eva Margrét 18 stig og 5 fráköst (2 varin skot og 3/6 í þristum)

Stefanía 15 stig og 7 fráköst (5/5 í vítum)

Brittney 14 stig, 5 fráköst og 4 stoðsendingar.

Anna Fía 12 stig, 13 fráköst og 4 stoðsendingar. Maður leiksins!

Vera 2 stig, 3 fráköst og jaxl í vörn.

Rósa 2 stig, 2 fráköst og 2 stolnir.

Málfríður 2 fráköst og er í mikilli framför svo tekið er eftir.

Linda kom inn og rreif niður 2 fráköst.

Sunna kom inn og spilaði hörkuvörn og sleit niður 2 fráköst

Marelle kom inn og barðist vel.

Sem sagt, liðsbolti sem skilaði góðum sigri á Jakann og eru stelpurnar í þriðja sæti og hafa möguleika að komast í annað sætið með sigri á Þór Akureyri sem koma hingað um næstu helgi og spila tvo leiki.

Áfram KFÍ

Fyrsti heimaleikur mfl.kvenna á morgun sunnudag

Eva Margrét verður tilbúin

Þá hefja Ísdrottningarnar leik á Jakanum og eru það stelpurnar úr Skallagrím sem koma og etja kappi gegn okkur að þessu sinni. Þetta er fyrsti heimaleikur stúlknanna eftir áramót en þær kepptu tvo útileiki eins og frá hefur verið sagt.

Stelpurnar eru ákveðnar að sigra þennan leik og koma með sjálfstraustið í lagi.

Við hvetjum alla að koma og öskra stelpurnar okkar áfram og hefst leikurinn kl.14.00 á sunnudaginn n.k.

Áfram KFÍ

11.flokkur KFÍ komið í 8 liða úrslit bikarkeppni KKÍ án keppni

Hákon verður að bíða eins og félagar hans í 11.flokki

Ekki þurftu strákarnir í KFÍ að hafa fyrir því að reima á sig skóna til að komast áfram í bikarkeppni KKÍ. Breiðablik er enn eitt félagið sem kemur ekki til leiks og gáfu leikinn fyrirfram en téður leikur átti að vera á Jakanum á morgun kl.16.00.

Þetta er ekki skemmtilegt og eru allir hér heima ekki kátir með svona vinnubrögð. Það er verið að taka þátt til að keppa leiki og taka þátt.

Hér er smá hugleiðing frá formanni okkar Sævari Óskarsyni.

Enn og aftur gerist það, að íþróttafélag mætir ekki til leiks hingað vestur á Ísafjörð í skipulagðri keppni undir hatti KKÍ.    Í þetta skipti er það lið Breiðabliks sem hefur gefið leik sinn gegn 11.flokki KFÍ í 16 liða bikarkeppni KKÍ.    Ástæður engar gefnar,  einungis símtal til yfirþjálfara KFÍ.

Þetta er að verða kunnulegt á okkar slóðum að lið gefi leiki eða mæta hreinlega ekki til leiks. Árið á undan voru það lið ÍR, Keflavík og Ármann sem ekki komu til leiks,  það er snúið fyrir okkur að útskýra fyrir iðkendum og foreldrum þeirra hver ástæðan er fyrir þessu.

Við erum að leggja á okkur mikið starf til að halda úti barna og unglingaflokkum, þannig að það er orðið áhyggjuefni að KFÍ sé í þeim sporum að ferðast með iðkendur um langan veg í annann hvern leik, en fá svo ekki leiki endurgoldna hingað.   

Er þetta eitthvað sem hreyfingin í heild sinni þarf að skoða,  er þetta það sem við viljum sjá þegar lið veljast á móti andstæðingi sem er í óheppilegri fjarlægð. Skilaboðin eru óþægileg sem felast í þessu,  hreyfingin vill halda úti mótum sem ná til allra félaga innann KKÍ hvar svo sem þau eru staðsett, og það má alls ekki fara svo að þessi mót séu einungis innann þess svæðis sem hægt er að ferðast til í strætó.

Við vitum að þetta er ekki einungis hér fyrir vestan og ekki bundið körfunni einni. Þetta er vandi sem öll íþróttafélög sem búa óþægilega langt frá höfuðborgarsvæðinu lenda í. Nú er þessi spurning kominn fram á ný  hvað valdi þessu, og verða félögin að svara á sinn hátt. Við höfum engin önnur svör en þau að þetta spari peninga, og ef svo er þá er uppi óþægileg staða í barna og unglingastarfi á landsbyggðinni.

KFÍ harmar það að fá ekki alla okkar leiki hingað til þess að hafa tækifæri til að sýna iðkendum, foreldrum, og íbúum hér heima, okkar keppnisfólk í leik og kappleikjum fyrir félagið sitt.

Fh. KFÍ

Sævar Óskarsson, fomaður

Damier og Kristján Pétur í stjörnuleik KKÍ á morgun

Flott kaka hér

Það er gaman að segja frá því hér að Damier og Kristján Pétur taka þátt í stjörnuleik KKÍ á morgun 19.janúar. Damier leikur með Dominos liðinu ásamt erlendum leikmönnum sem etur kappi gegn Icelandair liðinu sem er skipað bestu íslensku leikmönnum okkar í dag og verður mjög gaman að fylgjast með.

Kristján Pétur mun taka þátt í þriggja stiga keppninni og væntum við þess að hann komi heim með sigurlaunin!

Sport-TV mun senda út beint frá þessari veislu og er HÉR tengill. Við hvetjum alla að horfa á frá þessari útsendinu enda um að ræða alla bestu leikmenn landsins á sama stað og er skiðun dagsins að hafa gaman að þessu og skemmta sér og öðrum með tilþrifum. Útsendingin hefst kl.14.00.

Áfram karfa.

Bikarleikur hjá 11.flokk drengja á laugardaginn 19.janúar

Hákon verður í fullu fjöri

Á laugardag n.k. munu drengirnir í 11.flokk KFÍ keppa við Breiðablik í bikarkeppni KKÍ. Leikurinn er kl.16.00 og hvetjum við alla að koma og hvetja drengina áfram.

Þess má geta að fyrrum þjálfari KFÍ Borce Ilievski er að þjálfa Blikana og er því að koma í heimsókn.

Koma svo og mæta hress á Jakann.

Áfram KFÍ

Góð helgi að baki hjá meistaraflokkum KFÍ

Frábærar

Leiðtoginn

1 af 2

Það er óhætt að segja að nóg hafi verið að gera hjá meistaraflokkum KFÍ um helgina. Þeirra beið erfitt verkefni eða fjórir leikir og allir útileikir.

Fyrstar á sviðið var mfl.flokkur drengjanna og þeir áttust við Fjölni úr Grafarvogi og það var allt annað lið KFÍ sem steig á stokk. Alveg frá upphafi voru drengirnir ákveðnir í sínum verkum og sóttu án afláts.Það var rétt í fyrsta leikhluta sem Fjölnisdrengirnir héngu í okkar mönnum sem endaði 27-29, en síðan tókum við öll völdin og unnum hina þrjá leikhutana 14-21 (41-50 í hálfleik) 18-22, 16-27 og leikurinn endaði með öruggum sigri KFÍ. Lokatölur 75-99 og voru piltarnir kátir að vonum enda var miki pressa á þeim að sýna sitt rétta andlit og hafa gaman af því að spila körfu eftir mjög erfið jól og áramót þar sem ekkert var hægt að æfa af neinu viti vegna Íslands veðra. En þessi var góður og allir að skila sínu.

Damier var hreint frábær eins og svo oft áður en að þessu sinni mataði hann menn okkar með mögnuðum sendingum auk þess að eiga stórleik 34 stig, 8 fráköst og 7 stoðsendingar.

Mirko Stefán vaknaði heldur betur og sýndi að hann er einn af bestu íslenskum framherjum í dag 26 stig, 13 fráköst.

Tyrone er alltaf að stíga betur upp og skilaði 18 stigum og reif niður 10  fráköst og smassaði 3 skotum.  

Kristján Pétur setti 9 stig og tók 7 fráköst.  

Jón Hrafn var með  8 stig og tók 5 fráköst.

Hlynur kom inn með frábæran varnarleik setti 2 stig, stal 4 boltum og aðstoðaði 3 með sendingum.

Sam okkar er dýrmætur og kemur inn með baráttu setti 2 stig, tók 6 fráköst og spilaði fanta vörn.

Stefán Diego er að koma vel til baka eftir erfið meiðsl og gefur okkur mikið í vörninni og Leó fellur vel inn einnig og skilaði sínu vel.

Það var gaman að fylgjast með strákunum í Dalhúsum. Leikgleði og samheldni og menn að þjappast saman.

Næstar á sviðið var lið mfl.kvenna og erfitt verkefni beið þeirra í Hveragerði gegn toppliði Hamars í Hveragerði. Stelpurnar spiliðu vel frá upphafi og var jafnt alveg þar til þriðja leikhluta, en þá meiddist Eva Margrét og Stefanía komin í villuvandræði og þá varð róðurinn erfiður gegn Hamar sem ekki hefur tapað leik í vetur. Lokatölur urðu 76-61 og var barátta stúlknanna til fyrirmyndar hjá þeim. Tölfræðin á netinu er því miður ekki rétt og því erfitt að benda á eitt eða neitt þar.

Brittany var stigahæst með 26 stig og var með 47% þriggjastiga nýtingu, fimm fráköst og stal 4 boltum.

Stefanía var með 9 stig og 13 fráköst og barðist eins og ísbirna.

Eva náði að setja 7 stig og taka 3 fráköst og stela 4 boltum áður en hún meiddist.  

Anna Fía var traust og er eða koma til baka eftir meiðsli setti 6 stig og tók 7 fráköst.

Marelle var með 6 stig og stóð sig vel.

Linda kom inn af krafti og setti 3 stig úr skoti utan landamæranna þó að þau vanti á tölfræðina og tók 2 fráköst og er að fá meiri reynslu á efsta sviðinu en hún er aðeins 13 ára og mikið efni. Vera var traust og setti 1 stig, átti 4 stoðsendingar og og reif niður 5 fráköst.

Sunna kom sterk inn setti 2 stig tók 2 fráköst og spilaði góða vörn.

Rósa kom inn með kraft og stóð sig vel.

Við söknuðum Lilju sem var heima lasinn, en verður kominn á ´rol fyrir næsta verkefni.

Stelpurnar þurfa ekkert að skammast sín fyrir leikinn. Þær börðust vel og ef eitthvað er þá fengu þær allt of margar villur dæmdar á sig miðað við hvernig andstæðingurinn lék. En villurnar skiptust 12 á Hamar og 23 á KFÍ. Þetta fór að sjálfsögðu í taugarnar á Stefaníu sem fékk dæmda sig tæknivillu, en hún kom allavegana sínu á framfæri. Hamar fékk 23 vítaskot og við 7 og það er ekki alveg rétt mynd. En þessi var settur í tösku og lært af honum. 

Leikur tvö hjá stelpunum var á sunnudag gegn Laugdælum og þar er því miður ekki tekin tölfræði sem okkur finnst mjög lélegt. Við erum í 1.deild kvenna og það á að vera krafa að þessar stelpur fái tölfræði með sér eftir veturinn. En til að segja frá leiknum í örfrétt þá lékum við frábærlega. Eva var tognuð og sat með vatnið á bekknum en það kom ekki að sök þar sem stelpunar tóku þennan leik örugglega og Rósa Överby var sjóðandi heit og setti 22 stig og Bittany setti 19. Við munum setja restina inn af stigaskori þegar skýrslan berst til okkar. Lokatölur 39-83 og stúkurnar fóru í bílana og hófu ferð til Borgarnes til að hvetja strákana.

Og þá er það síðasti leikur helgarinnar þessa ferðina og hann var gegn sjóðandi heitu liði Skallagríms sem nýlega lögðu bæði Þór og Tindastól á útivelli og eru með frábæran mannskap. Þessi leikur var frábær skemmtun og var jafnt með liðunum frá fystu mínútu, þó voru okkar drengir aðeins á undan, en með Palla sjóðandi í byrjun og Medlock voru Skallarnir aldrei langt undan. Staðan eftir fyrsta leikhluta var 23-26 og mikið fjör í Fjósinu með stuðningssveitina með trommur og læti sem var frábær skemmtun. Sama var upp á teningum í öðrum leikhluta og staðan í hálfleik var 45-49 og allt á suðupunkti í húsinu.

Þriðji byrjaði vel hjá okkur og á einni og hálfri mínútu náðum við 12 stiga forustu þar sem Damier og Kristján Pétur settu tóninn, en Skallarnir komu til baka og komu leiknum í 6 stig. Við settum þá aftur í gang og þegar þriðja lauk var staðan 68-82 og við að spila frábærlega í vörn og sókn allir sem einn.

Fjórði hlutinn var frábær skemmtun fyrir þá sem voru í Fjósinu. Frábærir taktar sáust frá báðum liðum og voru mikil læti og tilþrif hjá báðum liðum. Við vorum samt allaf að stjórna leiknum og var þetta aldrei í hættu þó að Skallarnir hafi náð að minnka muninn í 3 stig þá spiluðum við af yfirvegum og settum þennan í gjafapakkningar til afhendingar heim á Ísafjörð. Er skemmst frá því að segja að drengirnir tóku þennan dýrmæta leik. Lokatölur 96-101.

Hvar á að byrja í að segja frá frammistöðu strákanna? Þetta var frábær leikur hjá KFÍ og ALLIR sem einn sem sem á bekknum sátu eða steig á fjöl á heiður af þessum sigri. Liðsheild er kannski ofnotað þegar lýsa á sigrum, en enn og aftur er þetta einfaldlega málið. Það sást aftur strax þegar menn settu á sig búning KFÍ að samheldni og gleði réði ríkjum og menn tilbúnir að selja sig dýrt. Og það gerðu þeir og er fréttaritari til vitnis um það. Frábær leikur hjá KFÍ.

Damier er stórkostlegur leikmaður og setti 30 stig, átti 11 stoðsendingar, reif niður 5 fráköst og stal 4 boltum. Þetta er sjötti leikurinn í röð sem hann er með 30 stig eða meira í leik en er samt með 8 stoðsendingar og 6 fráköst. Hann er algjör leiðtogi og sýndi það í gær með því að halda utan um mannskapinn inn á vellinum.

Næstur kom Kristján Pétur sem steig var feilspor. Hann var frábær í vörn og sókn og setti 19 stig og reif 7 fráköst.

Tyrone er að sanna það að við völdum rétt. Honum var gefinn tími á að koma sér í form og er svo sannarlega að gera það. Hann setti 17 stig, reif 7 fráköst og smassaði 4 boltum í gólfið úr skotum andstæðinganna.

Mirko "grand dad" kom með sama kraft og gegn Fjölni og leiddi strákana sérstaklega í seinni hálfleik þegar á þurfti að halda og setti 15 stig og reif 10 fráköst.

Jón Hrafn var verkamaðurinn í dag. Hann var allstaðar á vellinum og gerði skítverkin sem við elskum að sjá. Hann henti sér á allt sem hreifðist og setti 10 stig og reif 5 fráköst.

Sam er að komast inn í leik okkar og er okkur dýrmætur til að hvíla Ty og D. Hann setti 4 stig og skilaði góðum varnarleik þegar hann var inn á.

Hlynur er að verða alvöru. hann kemur inn allat á fullu. hann setti 3 stig og stóð sig vel í að koma boltanum upp völlinn þegar menn reyndu að pressa okkur.

Stefán Diego er sem betur fer kominn aftur til baka fyrir okkur og er baráttumaður KFÍ. Hann kom beint inn og setti mark sitt á leikinn með góðri 3 stiga körfu og svo spilaði hann fantavörn.

Leó og Óskar spiluðu ekki en voru frábær hlekkur í þessum sigri. Þeir munu koma inn í allt spil KFÍ og er engin örvænting þar. Þetta er að verða að flottu liði og sem lið eru allir mikilvægir og tími þeirra er að koma. Núna er hálfur mánuður í næsta leik sem er hér heima og verður tíminn notaður til að æfa vel. Þess má að gamni geta að við höfum ekki getað æft svo langan tíma saman frá byrjun tímabils með fullan mannskap og nú verður ,,kátt á klakanum" á Jakanum.

Sem sagt frábær helgi hjá meistaraflokkum KFÍ og eru fararstjórar helgarinnar Óðinn og Gaui kátir að hafa fengið að taka þátt í þessu. Allir voru bænum sínum til sóma og hlakkar okkur til verkefna sem koma skulu.

Áfram KFÍ

Fjölnir - KFÍ í kvöld kl. 19:15

Úr fyrri leik liðanna í vetur. Mynd: Halldór Sveinbjörnsson / bb.is

Fjölnir og KFÍ mætast í kvöld kl 19:15 í Dalhúsum í Dominos-deild karla en leikurinn verður sýndur í beinni á Sport TV.

Liðin hafa mæst einu sinni í vetur en þá höfðu Fjölnismenn öruggan sigur, 67-95, á Ísafirði. Fjölnir er sem stendur í 9. sæti deildarinnar með 8 stig en KFÍ er í 11. sæti með 4 stig.