Nýr yfirþjálfari yngri flokka og framkvæmdarstjóri knattspyrnudeildar

Margeir Ingólfsson hefur verið ráðinn yfirþjálfari barna- og unglingaráðs knattspyrnudeildar Vestra.

Margeir er uppalinn KR-ingur og starfaði þar sem þjálfari yngri flokka í fimm ár. Hann þjálfaði í knattspyrnuskóla Barcelona á Íslandi árið 2018 og tók einnig þátt í að þjálfa úrtakshópa KSÍ fyrir hæfileikamótun sama ár. Margeir er með KSÍ B þjálfaragráðu og er um þessar mundir við það að ljúka BSc námi hjá Manchester Metropolitan University í Community Football Coaching. Margeir kom fyrst til liðs við Vestra vorið 2021 sem þjálfari og féll ljómandi vel í okkar annars frábæra hóp.

Margeir tekur við yfirþjálfun af Jóni Hálfdáni Péturssyni sem hefur starfað hjá félaginu í mörg ár.

Knattspyrnudeildin hefur lengi látið sig dreyma um að hafa framkvæmdastjóra á sínum snærum, einhvern sem þekkir starfið vel, getur tekið á móti foreldrum, þjálfurum, iðkendum og öðrum, leiðbeint og gefið upplýsingar ásamt því að vinna að uppbyggingu félagsins. Sá draumur hefur nú ræst og mun Margeir einnig sinna starfi framkvæmdastjóra knattspyrnudeildar. Margeir hefur aðsetur í Vallarhúsinu og er með opnunartíma þar alla virka daga frá klukkan 10:00 – 14:00 til að byrja með.

Tölvupóstfang hjá Margeiri er margeir@vestri.is og sími: 6950143

Um leið og við bjóðum Margeir velkominn til starfa, þökkum við Jóni Hálfdáni innilega fyrir sín störf síðustu ár.

Fyrir hönd barna- og unglingaráðs knattspyrnudeildar Vestra

Tinna Hrund Hlynsdóttir Hafberg

Formaður

Jón Þór lætur af störfum

Jón Þór Hauksson hefur samið við ÍA um að taka við þjálfun liðsins.

KSÍ C þjálfaranámskeið á Ísafirði

Dagana 8-9.janúar 2022 verður KSÍ C þjálfaranámskeið kennt hér á Ísafirði. 

Námskeiðið er fyrir alla áhugasama og engin skilyrði fyrir þekkingu eða reynslu í knattspyrnuþjálfun.

Námskeiðsgjald er 21.000kr,-

Við hvetjum alla áhugasama til að skrá sig og vera með okkur í þessu. Aldurstakmark á námskeiðið er 15 ár (miðast við að börn séu fædd árið 2006 og fyrr). 

Martin Montipo semur við Vestra!

Martin, sem er tvítugur sóknarinnaður leikmaður, hefur samið við Vestra.

Jón Þór Hauksson tekur við Vestra!

Sammi og Jón Þór sáttir við undirskrift

Jón Þór Hauksson

Jón Þór Hauksson og Jón Hálfdán Pétursson

1 af 3

Jón Þór Hauksson hefur skrifað undir samning þess efnis að stýra liðinu út leiktíðina.

Frestun á herrakvöldi

Vegna aðstæðna hjá félaginu, þar sem öll okkar vinna fer nú í leit að nýjum aðalþjálfara, þurfum við því miður að fresta herrakvöldinu enn um sinn.

Heiðar Birnir lætur af störfum sem aðalþjálfari Vestra

Mynd: Hafliði Breiðfjörð

Heiðar Birnir Torleifsson, sem tók við af Bjarna Jó sem aðalþjálfari Vestra fyrir tímabilið, hefur beðist lausnar frá starfi sínum sem aðalþjálfari Vestra.

Frestun á herrakvöldi og færsla á fyrsta heimaleik

Þar sem nýjar sóttvarnarreglur geta um að 50 manns megi koma saman, þá hefur verið tekin sú ákvörðun að fresta herrakvöldi Vestra, sem átti að vera þann 15. maí.

Um leið og takmarkanir leyfa, þá munum við gefa út nýja dagsetningu.

Einnig hefur fyrsti heimaleikur tímabilsins verður færður suður, en Olísvöllurinn er ekki tilbúinn strax fyrir átök sumarsins og samþykktur Þróttarar að spila þennan leik á þeirra heimavelli og við fáum þá okkar heimaleik seinna í sumar.

Næsti leikur á Olísvellinum er gegn Grindavík þann 28. maí og gerum við ráð fyrir því að hann verði iðagrænn og tilbúinn þegar að þeim leik kemur.

Týnist úr hópnum

Þau ömurlegu tíðindi bárust okkur á dögunum að Friðrik Þórir hefði slitið hásin.

Eru þetta gríðarlega mikil vonbrigði fyrir Friðrik, sem hefur mikið lagt á sig í vetur til að vera í sínum besta formi þetta sumarið, en mikill stígandi hefur verið í leik Friðriks síðustu tvö tímabil þar sem hann hefur bætt sig nánast í hverjum leik.

Við heyrðum aðeins í Friðriki og sagði hann að þetta væri að sjálfsögðu ótrúlega svekkjandi, en væri bara næsta verkefni sem þyrfti að tækla. Hann muni koma sterkari til baka 2022.

Við að sjálfsögðu óskum Friðriki skjóts bata og hlökkum til að sjá hann aftur á vellinum sem fyrst.


Ef brotthvarf Friðriks var ekki nóg fyrir okkar menn, þá bárust einnig aðrar ömurlegar fréttir á dögunum, en Rafa Mendéz, sem spilaði frábærlega í hægri bakverðinum síðasta sumar, mun ekki spila með Vestra í sumar. Alvarleg veikindi tóku sér upp innan fjölskyldu Rafa og að sjálfsögðu varð knattspyrnudeild við þeirri bón Rafa að vera áfram í heimahögum.

Við óskum Rafa og fjölskyldu alls hins besta og þökkum honum fyrir frábæra þjónustu.  

Hin hliðin – Það er hreinlega komið að þessu

Mynd: Ingvar Jakobsson

Í ljósi dapurlegrar umræðu síðustu vikna/mánaða/ára um uppbyggingu knattspyrnhúss á Tornesi, er okkur ekki lengur til setunnar boðið. Hin hliðin þarf líka að heyrast, en háværu neikvæðu raddirnar ætla ekki að gefa tommu....