Sigursælar minniboltastúlkur

Minniboltastúlkurnar með þjálfaranum sínum, Labrenthia Murdock Pearson og Hákoni Ara Halldórssyni, sem var aðstoðarþjálfari í ferðinni.

Um helgina kepptu tvö minniboltalið stúlkna frá KFÍ á fjölliðamóti á Ásvöllum í Hafnarfirði. Bæði liðin stóðu sig vel og unnu alla sína leiki örugglega nema hvað KFÍ b tapaði með litlum mun fyrir systurliði sínu KFÍ a. Stúlkurnar mættu ákveðnar til leiks, spiluðu gríðarsterka vörn og börðust um alla bolta. Leikgleðin og baráttuandinn voru alls ráðandi og ljóst að þarna er á ferðinni hópur sem á eftir að láta að sér kveða í framtíðinni. 

KFÍa - Haukar: 45 - 19

KFÍa - KFÍb: 38 - 29

KFÍa - Breiðablik b: 46 - 16

KFÍa - Breiðablik a: 60 - 16

KFÍb - KFÍa: 29 - 38

KFÍb - Breiðablik a: 47 - 27

KFÍb - Haukar: 53 - 16

KFÍb - Breiðablik b: 36 - 16

Tvö minniboltalið stúlkna á móti um helgina

Miinniboltastelpurnar klárar á Torfnesi fyrir brottför í dag.

KFÍ teflir fram tveimur liðum til keppni í fjöllliðamóti minnibolta stúlkna sem fram fer að Ásvöllum í Hafnarfirði um helgina. Þetta er í fyrsta sinn í fjölmörg ár sem tvö körfuboltalið koma frá Ísafirði úr sama aldurshópi en æfingahópurinn samanstendur af 15-20 stúlkum á aldrinum 10-12 ára. Þær byrjuðu flestar að æfa í fyrrahaust og hafa tekið miklum framförum á skömmum tíma.

Fjórtán stúlkur taka þátt í móti helgarinnar þar sem þær munu spila undir stjórn Labrenthiu Murdock, þjálfara og leikmanns meistaraflokks kvenna, sem nýverið gekk til liðs við þjálfarahóp yngri flokka KFÍ en stúlkurnar hafa í haust æft undir stjórn Evu Margrétar Kristjánsdóttur, leikmanns meistaraflokks kvenna. Með í för eru einnig tveir fararstjórar, Mariam Esmail og Steinþór Bragason, sem einnig tók að sér bílstjórahlutverkið, en hann gerði sér lítið fyrir og sérmerkti rútu hópsins með aðstoð Fánasmiðjunnar. Vonandi hefur það forspárgildi og er til marks um að KFÍ keppnishópar muni í framtíðinni ferðast um í eigin rútum.

Við óskum þessum flotta stúlknahópi góðs gengis um helgina. Áfram KFÍ!

Góð frammistaða á Sambíómóti Fjölnis

Stelpurnar klára í slaginn á bekknum.

Strákarnir stilltu sér fagmannlega upp fyrir myndatöku.

1 af 2

Frábær ferð á Sambíómót Fjölnis í Grafarvogi er að baki. KFÍ sendi 13 iðkendur á aldrinum 8-9 ára til keppni að þessu sinni en löng hefð er fyrir því að yngri flokkar KFÍ sæki þetta tiltekna mót. KFÍ krakkar kepptu í tveimur liðum, stelpu og strakaliðum undir öruggri stjórn Rósu Överby og Lilju Júlíusdóttur. 

KFÍ stóð í úrvalsdeildarliði Þórs

Nebojsa Knezevic átti góðan leik og sýndi oft frábæra takta. Ljósmynd: Halldór Sveinbjörnsson.

Leikur KFÍ og Þórs frá Þorlákshöfn sem fram fór í kvöld á Jakanum var spennandi frá upphafi til enda. KFÍ liðið sýndi góða takta og velgdi í sterku liði Þórs verulega undir uggum eða allt þar til í blálokinn þegar gestirnir sigu framúr.

Powerade bikarinn KFÍ – Þór Þorlákshöfn

Strákarnir mættu ÍA í síðasta deildarleik en nú er komið að bikarnum þar sem Þór frá Þorlákshöfn mætir í heimsókn.

KFÍ mætir úrvalsdeildarliðinu Þór frá Þorlákshöfn í 32-liða úrslitum Powerade bikarsins hér heima mánudaginn 3. nóvember kl. 19.15. Athugið breyttur leiktími þar sem leiknum var frestað vegna veðurs.

Dómaranámkeið KKÍ í nóvember

Körfuknattleikssamband Íslands stendur fyrir dómaranámskeið nú í nóvember.  Námskeiðið mun verða kennt á veraldravefnum með fjarkennslu.

KFÍ hvetur alla áhugasa til að skrá sig á kki@kki.is.  Kostnaður við námskeiðið er kr. 4.000 og mun KFÍ greiða gjaldið.  Nánari upplýsingar má finna hér á vef KKÍ.

http://kki.is/frettir.asp?adgerd=ein&id=12657

KFÍ-krakkar selja kaffi

Í kvöld, miðvikudaginn 29. október, munu iðkendur í yngri flokkum KFÍ að ganga í hús og selja eðalkaffi frá Te og kaffi. Seldar verða tvær tegundir af kaffi og hægt að fá bæði baunir og malað kaffi. Um er að ræða 400 gr poka sem kosta 1.500 krónur. Við biðjum fólk að taka vel á móti krökkunum og styðja við bakið á þeim í þessari fjáröflun fyrir keppnisferðir vetrarins.

Báráttuleikur gegn Stjörnunni

Shiran Þórisson hefur aðstoðað Labrenthiu þjálfara á bekknum í síðustu tveimur leikjum. Hér fer hann yfir stöðuna með stelpunum á milli fjórðunga.

Kvennalið KFÍ tapaði baráttuleik gegn Stjörnunni dag, sunnudaginn 26. október, 69-79. Stjörnukonur tefla fram sterku liði og hafa verið á miklu flugi í upphafi keppnistímabilsinsog höfðu unnið báða leiki sína fram að þessu með 20 stiga mun. KFÍ stelpur áttu í fullu tréi við Stjörnuna í leiknum og sýndu baráttu og dugnað sem mun skila miklu í vetur.

9. flokkur í fjölliðamóti

Um síðastliðna helgi tók 7. – 9. flokkur KfÍ þátt  í 9. flokks fjölliðamóti.  Liðið lék 3 leiki og töpuðust þeir allir.  Þurfti liðið að kljást við veikindi, meiðsli og eldri stráka.  Heilt yfir var frammistaðan ásættanleg, leikmenn voru baráttuglaðir þó svo á stundum væri við ofurefli að etja.  Gott spil sást og strákar greinilega í framför.

Leikur #1

KFÍ – Njarðvík 42-57

Okkar drengir byrjuðu vel, komust í 7-0 og  voru að spila ágætlega, gott samspil og fínn varnarleikur.   Svo fór að halla undan og Njarðvíkingar ná góðri forystu sem við náum ekki að vinna upp þrátt fyrir góða baráttu.

Stigin:

Haukur Jakobsson 19

Hugi Hallgrímsson 8

Rúnar Guðmundsson 5

Hilmir Hallgrímsson 4

Tryggvi Fjölnisson 2

Blessed Parilla 2

Benedikt Guðnason 2

Daníel Wale 0

Þorleifur Ingólfsson 0

Egill Fjölnisson 0

Leikur #2

KFÍ – Hamar  28-68

Okkar menn byrja vel, ná forystu 8- 3 en klára fyrsta fjórðung illa og staðan eftir fyrsta 8-15.  Í kjölfarið missa drengirnir móðinn gegn sterkum Hamarsmönnum sem unnu riðilinn.   Veikindi lykilmanna hjálpuðu ekki til en ódýrt að fela sig á bak við afsakanir.  Sumir drengjanna gáfust þó aldrei upp og börðust allan tímann og eiga hrós skilið.  Alltaf að gera sitt besta þó svo andstæðingurinn sé erfiður.

Stigin:                

Haukur 12

Blessed 6

Tryggvi 4

Daíel 4

Hugi 2

Leikur#3

KFÍ – Ármann 62-45

Á ýmsu gekk í þessum leik.  Haukur gat ekki verið með sökum veikinda, Rúnar náði í sína 5. villu í 2. fjórðungi og Hugi meidd sig á fingri í þeim þriðja og Tryggvi á mjöðm í þeim fjórða.  Hinir sem eftir stóðu gáfu sig í verkefnið og stóðu sig stórvel og hinar reyndar á meðan þeirra naut við.  Ágætis leikur af okkar hálfu, stórfínt spil á köflum og strákar nýttu síðustu orkudropana vel en þetta var þriðji leikur þeirra á sama deginum. Mótið var klárað á einum degi þar sem Sindri frá Hornafirði þurfti að draga lið sitt úr keppni.

Stigin:

Hilmir 11
Rúnar 8
Daníel 7
Bensi 6

Tryggvi 5

Blessed 4
Egill 2

Uppskeran var því enginn sigur í þremur leikjum.  Hið jákvæða sem við getum tekið úr þessu er baráttugleði drengjanna sem og greinilegar framfarir, farnir að spila mun betur saman.  Hafa þarf í huga að sumir okkar manna eru að spila 2 ár upp fyrir sig sem er erfitt á þessum aldri en það þýðir að þeir fá bara þeim mun meira út úr þessu.

Eins stigs ósigur KFÍ gegn ÍA

Tímabilið byrjar brösulega hjá Birgi þjálfara og lærisveinum hans, með naumum töpum, en þó er margt jákvætt í leik liðsins sem gefur fyrirheitum að gegni liðsins snúist við.

Í gærkvöldi tapaði karlalið KFÍ naumlega í spennuleik gegn ÍA 70-71 hér heima. Veturinn hefur því byrjað brösulega hjá liðinu sem hefur ekki enn unnið leik í deildarkeppninni. Allir hafa ósigrarnir verið naumir og leikirnir spennandi enda tapast með litlum mun.