Isaac Freitas da Silva framlengir við Vestra!

Isaac Freitas da Silva hefur skrifað undir nýjan samning við Vestra.

Gunnar Hauksson kemur frá Gróttu

Sammi og Gunnar handsala samninginn

1 af 2

Gunnar Jónas Hauksson hefur gengið til liðs við Vestra frá Gróttu á láni út tímabilið.

Robert Blakala gengur til liðs við Vestra

Robert, sem er 25 ára pólverji og 190cm á hæð, kemur til liðs við okkur frá Bochenski KS í heimalandi sínu.

Knattspyrnuskóli Vestra um helgina.

Eiður Smári mætir í fótboltaskólann um helgina.

1 af 2

Um helgina verður knattspyrnuskóli Vestra haldinn í fyrsta skiptið og verður mikið húllumæ og gleði. Þórólfur Sveinsson þjálfari hjá Þór Akureyri sér um skipulagningu og utanumhald á skólanum og með honum kemur Hlynur Eiríksson afreksþjálfari hjá FH, þjálfarar Vestra verða þeim svo til aðstoðar. Silja Úlfarsdóttir einn færasti hlaupaþjálfari Íslands mun vera með hlaupaþjálfun en hún hefur sérhæft sig í hraðaþjálfun fyrir íþróttamenn. Iðkendur fá einnig fyrirlestur um næringu og mun Salome Elín Ingólfsdóttir næringarfræðingur sjá um þann hluta.

Hæfileikamótun KSÍ nýlokið.

Okkar stúlkur í aftari röð fyrir miðju (2.-5. frá hægri)

Okkar menn í fremri röð lengst til vinstri.

1 af 2

Á hverju ári eru valdir krakkar úr félögum landsins til að taka þátt í svokallaðri Hæfileikamótun KSÍ. Það eru æfingabúðir sem sambandið heldur á Vesturlandi/Vestfjörðum; Norðurlandi, Austurlandi, Suðurlandi og höfuðborgarsvæðinu og er ætlað að gefa þjálfurum yngri landsliða Íslands betri mynd af þeim möguleikum sem þeir eiga í leikmönnum. Knattspyrnudeild Vestra hefur átt þátttakendur í þessu verkefni frá upphafi og nú er komið að okkar fólki að láta hendur standa fram úr ermum. Eftirtaldir leikmenn voru valdir til að fara í hæfileikamótun KSÍ fyrir Vestfirði/Vesturland sem haldin var föstudaginn 26. apríl á Ólafsvík:

Guðmundur Páll Einarsson

Kristinn Hallur Jónsson

Bríet Sigurðardóttir

Birta Kristín Ingadóttir

Sigrún Betanía Kristjánsdóttir

Solveig Amalía Atladóttir

Allir voru í glimrandi stuði og stóðu sig mjög vel.  Nú mun framtíðin leiða í ljós hvort að einhver þessarra krakka muni verða fyrir valinu í yngri landslið Íslands.

Viðtöl eftir leik Vestra og Úlfanna

Við náðum tali á þjálfurum liðanna eftir leik Vestra og Úlfanna í gær, sunnudaginn 28. apríl.

Knattspyrnudeild þakkar Gumma góð störf

Gummi heiðraður í hálfleik

Eins og einhverjir vita, að þá er Guðmundur Kort að flytjast búferlum og mun setjast að á skaganum á næstu vikum.

Vestri - Úlfarnir í 32. liða úrslitum Mjólkurbikarsins

Á sunnudaginn mun Vestri mæta Úlfunum í 32. liða úrslitum Mjólkurbikarsins.

Hefjast leikar klukkan 15:00 og spilað er á Olísvellinum.

Vonumst við til að sjá sem flesta að styðja við bakið á strákunum, en þeir ætla sér að sjálfsögðu sem lengst í bikarnum þetta árið.

ÁFRAM VESTRI!

Breyting á aðalfundi

Enn þarf að breyta fundarboði vegna aðalfundar deildarinnar. Þar sem við tókum þá misgáfulegu ákvörðun að halda fundinn á sumardaginn fyrsta, var boðið upp á ýmis færi á árekstrum við aðra hluti tengda frídeginum. Nú þarf að breyta fundarstaðnum. Fundurinn verður haldinn á 2. hæð Eimskipahússins við Sundahöfn kl. 20. Enn eru hefðbundin aðalfundarstörf á dagskrá. Allir velkomnir.

Skráasöfnin eru aðgengileg öllum.

Okkur langar að benda foreldrum á að skráasöfn knattspyrnudeildar eru öllum opin og um að gera að kynna sér efni þeirra, jafnvel að koma með ábendingar um efni sem þar gæti átt heima. Skráasafnið er að finna til hægri á síðunni.