Daniel Badu framlengir við Vestra

Ragnar og Badu við undirskriftina í kvöld

Nú í kvöld skrifaði Daniel Badu undir framlengingu á samningi sínum út tímabilið.

Badu ætti að vera öllum á svæðinu kunnur en hann hefur spilað með Vestra síðan sumarið 2015, ásamt því að þjálfa liðið síðastliðið sumar.

Við óskum Badu til hamingju með áframhaldandi samning og gleðjumst yfir því að halda honum í eitt tímabil, hið minnsta, í viðbót.

Áfram Vestri!

Zoran Plazonić skrifar undir hjá Vestra

Zoran þegar skrifað var undir

Um þar síðustu helgi spilaði Zoran Plazonić tvo leiki með Vestra og stóð sig með miklum ágætum, í framhaldi af þeim leikjum var Zoran boðið samning sem hann samþykkti nú rétt eftir helgi.

Sólon Breki valinn í úrtakshóp u-21 árs landsliðsins

Bjarni og Sólon

Leikmaður Vestra, Sólon Breki, hefur verið valinn í úrtakshóp hjá u-21 árs landsliði Íslands.

Æfingar munu fara fram 2. - 3. febrúar í Kórnum.

Við óskum Sólon auðvitað góðs gengis og höfum fulla trú á því að við sjáum hann í hóp hjá 21 árs landsliðinu okkar.

Engin rólegheit um jólin hjá Þórði

Þórður í undankeppni EM í haust.

Leikmaður Vestra, Þórður Gunnar Hafþórsson, var kallaður til æfinga með U-17 landsliði Íslands milli jóla og nýárs. Þar var um undirbúning fyrir æfingamót í Minsk í Hvíta-Rússlandi að ræða en það mun fara fram í lok þessa mánaðar. Þetta er ekki í fyrst skipti sem Þórður er kallaður til þetta árið því nú þegar hefur hann farið í þrennar æfingabúðir og á tvö mót með landsliðinu: Norðurlandamótið sem haldið var hér á landi í ágúst og svo á undankeppni EM sem haldið var í Finnlandi.

Vestri og Grindavík mætast í kvöld kl 20:00

Nú í kvöld munu Vestri og Grindavík mætast í Akraneshöllinni og verður þetta fyrsti leikur Bjarna Jó með liðið.

Knattspyrnudeild og S.Helgason framlengja samning sinn

Samúel og Brjánn handsala samninginn

Í dag var skrifað undir áframhaldandi styrktarsamning á milli knattspyrnudeildar Vestra og S.Helgason.

Sólon Breki Leifsson semur við Vestra

Bjarni og Sólon handsala samninginn.

Vestri og Sólon Breki Leifsson hafa komist að samkomulagi um að Sólon spili fyrir Vestra næstu 2 árin, eða út tímabilið 2019.

Viðtal við Bjarna Jó, þjálfara meistaraflokks karla í knattspyrnu

Við skelltum í eitt viðtal við Bjarna og fórum um víðan veg, liðið, knattspyrnuhús, umgjörðin og Andy Pew voru meðal viðfangsefna. Endilega náið ykkur í einn kaffibolla og leggið við hlustir.

Andrew J. Pew semur um að vera spilandi aðstoðarþjálfari

Samúel og Andrew skrifa undir samninginn

Knattspyrnudeild Vestra hefur samið við Andrew James Pew um að vera spilandi aðstoðarþjálfari meistaraflokks karla.

Umfjöllun í Evrópu um knattspyrnudeild Vestra!

Umfjöllun The Football Pink um knattspyrnudeild Vestra.

1 af 2

Við fengum símtal frá útlöndum í vor. Það er kannski ekki í frásögur færandi en þetta var blaðamaður frá Skotlandi, Marc Boal, sem hefur óbilandi áhuga á íslenskum fótbolta. Hann hafði heyrt góða hluti um félagið okkar og vildi heimsækja okkur. Við tökum öllum heimsóknum fagnandi og því gerði hann sér ferðalag alla leið vestur til þess að skrifa litla grein um knattspyrnudeild Vestra. Hann var svo hrifinn að litla greinin varð stór. Hér er hægt að sjá útdrátt úr henni:

https://footballpink.net/…/21/vestri-football-in-the-fjords/ 

en til þess að sjá alla greinina er hægt að kaupa blaðið hans í pdf-skjali á þessari slóð:

http://www.blurb.co.uk/b/8241774-icelandic-football-in-the-land-of-fire-2017 .

Takk Marc Boal!