Frestun á leik hjá Meistarflokki kvenna

Körfubolti | 17.12.2010

Leikur sem fara átti fram í dag kl 17.00 á Torfnesi hefur verið frestaður fram á næsta ár. 

 

Jólakveðja Meistaraflokkur kvenna.

Nánar

Jólakveðja frá KFÍ

Körfubolti | 17.12.2010 Jólin nálgast og er því við hæfi að gera eina stutta jólakveðju.

Smelltu hér til að sjá jólakveðju KFÍ

Gleðileg jól og farsælt komandi ár. Nánar

Engin uppgjöf þrátt fyrir tap

Körfubolti | 17.12.2010 Það er engin uppgjöf hjá félaginu þrátt fyrir sárt tap gegn Haukum í kvöld. Leikurinn var jafn mestallan leikinn og skoraði Inge frá Haukum frábæra körfu úr erfiðu skoti þegar leikurinn kláraðist og tók tvö stig suður. Baráttan var til fyrirmyndar og má geta þess að Haukar tóku 22 skot en hittu úr 1 í þriggja stiga, en leikurinn fór fram undir körfunni í dag og Haukar unnu þann slag í dag með Inge í broddi fylkingar. Lokatölur 75-77

Við förum nú að æfa vel og komum vel undirbúnir til leiks á nýju ári. Meira um leikinn á morgun.

En margt var undarlegt gerist í kvöld og hér er bara eitt atvik af mörgum og er nema von að margir séu sárir og reiðir, sjá: hér   Nánar

Stórleikur á Jakanum fimmtudagskvöld í Iceland Express deildinni

Körfubolti | 14.12.2010 Það er sannkallaður stórleikur hér heima á Jakanum fimmtudagskvöldið n.k. þegar meistaflokkur karla tekur á móti liði Hauka frá Hafnarfirði. Það er alveg ljóst að þetta verður mikill baráttuleikur og ekkert verður gefið eftir. Okkar strákar líkt og lið Hauka verða að sigra og létta af pressunni fyrir nýtt ár.

Það verður sannkölluð jólastemning á leiknum og verða gefnar jólagjafir og skotleikir verða þar sem hægt er að vinna sér inn flugferð með Flugfélag Íslands og einnig hægt að næla sér í matarkörfu að upphæð 10.000 krónur frá Samkaup. Það er því fullt að gerast á leiknum og um að gera að koma standa þétt upp við KFÍ og eiga séns á að verða heppinn einnig.

Koma svo 1,2,3 KFÍ Nánar

Hræðileg byrjun varð okkur að falli

Körfubolti | 11.12.2010 Það má með sanni segja að það hafi verið ,,fult af ljósum, en engin heima" hjá okkar strákum í meistaraflokk þegar flautað var til leiks gegn Njarðvík í gærkvöld. Það var bara hreinlega enginn heima. Og það þarf ekki að bjóða menn velkomna í Njarðvík nema einu sinni og þá er sett í ,,overdrive" það gerði Jói Ólafs og setti á okkur heil 18 stig, án teljandi vandræðna. Og staðan að fyrsta leikhluta loknum 36-13 ! Takk fyrir komuna..

En þá vöknuðu okkar menn til lífsins og snéru öðrum leikhluta algjörlega og unnu hann með frábærri baráttu 14-31 ! Og staðan þegar hlaupið var til búningsherbergja var 50-44 og við komnir inn í leikinn aftur með elju og dugnaði. Við komum stemndir til leiks í þeim þriðja og náðum að minnka muninn jafnt og þétt og þegar rúmar 5 mínútur voru eftir af leiknum var staðan 75-74 og allt opið í leiknum, en því miður sprungum við á limminu og má segja að krafturinn við að koma sér til baka eftir að Njarðvík náði forskotinu í byrjun hafi riðlað leiknum töluvert. Lokatölur 101-79

það voru flestir fyrir neðan sinn rétta stuðul í gær og vita hvað þeir þurfa að bæta, en Carl, Beco, Daði, Craig og Edin voru skástir. Og gott að sjá að Edin er hægt en rólega að koma til baka eftir erfið meiðsl

Það verður að geta þess að margir dómar voru hreint furðulegir í gærkvöld og þeir hafa örugglega átt betri dag, þó að það hafi ekki gert útslagið þá hjálpaði það okkur ekki mikið

Það er þó til staðar hungur í strákunum og vilji til að snúa taflinu við sem og við munum gera. Það er leikur gegn Haukum hér heima á fimmtudagskvöldið og hann ætlum við að sigra.

Tölfræðin út leiknum er hér.

  Nánar

Leik Njarðvíkur og KFÍ frestað

Körfubolti | 09.12.2010 Leik Njarðvíkur og KFÍ í Iceland Express-deild karla sem átti að fara fram í kvöld hefur verið frestað. Ástæðan er að ekki er flogið til Ísafjarðar í dag. Leikurinn verður á morgun föstudag á sama tíma eða kl. 19.15. Nánar

Allt á fullu við undirbúning körfuboltabúða KFÍ 2011

Körfubolti | 08.12.2010

Nú er allt komið á fullt við að undirbúa körfuboltabúðir KFÍ 2011. Þetta er þriðja árið í röð sem við höldum búðirnar og verður verkefnið alltaf metnaðarfyllra með hverju árinu.

Nánar

Njarðvík á morgun fimmtudag

Körfubolti | 08.12.2010 Þá er komið að síðasta útileik meistaraflokks á þessu ári og er leikurinn gegn Frikka Stef og hans græna her í Njarðvík. Þetta verður gríðarlega erfiður leikur, en svo er um alla leiki í Iceland Express deildinni. Það er samt gott að hafa í huga að allir byrja jafnir og svo er bara að sjá hvort liðið er duglegra að setja boltann í körfu andstæðingsins og verjast að fá körfur hjá sér. 

Við hvetjum alla Vestfirðinga að koma til Njarðvíkur og sjá leikinn. Hann er settur á fimmtudagskvöldið 8. desember, kl.19.15 og koma svo 1,2,3 KFÍ  Nánar

Eva Kristjánsdóttir í tveim æfingahópum hjá unglingalandsliði KKÍ

Körfubolti | 07.12.2010 Eva Kristjánsdóttir sem er í 9. flokk stúlka hjá KFÍ hefur verið valin í U-15 og U-16 æfingahóp körfuknattleikssambands Íslands. Þetta er frábær viðurkenning fyrir Evu sem spilar í 9. flokk, stúlknaflokk og meistaraflokk kvenna hjá KFÍ. Hún er vel að þessu komin og á eftir að ná langt. Nánar

WC pappír og eldhúsrúllur

Körfubolti | 06.12.2010 Pappírinn er kominn í hús.  Afhending hjá Þorsteini í Gúmmíbátaþjónustunni á morgun

Eins og fram kom í tilkynningu er markmiðið að hver iðkandi selji 2 WC og eina eldhúsrúllu

Upplýsingar um verð og fyrirkomulag hér í meira Nánar